2025-жылдын 30-майында Чолпон-Ата шаарында ички иштер органдарынын өздүк курамынын &nbsp;туристтик мезгил учурундагы коомдук коопсуздукту камсыздоо даярдыгын текшерүү максатында гарнизондук бөлүштүрүү өттү. Ага Министрлер Кабинетинин Төрагасынын орун басары - Улуттук коопсуздук мамлекеттик комитетинин төрагасы генерал-полковник Камчыбек Ташиев, &nbsp;Ички иштер министри милициянын генерал-лейтенанты Улан Ниязбеков, министрдин орун басары, милициянын генерал-майору &nbsp;Октябрь Урмамбетов, Президенттин Ысык-Көл облусундагы ыйгарым укуктуу өкүлү Бакыт Жетигенов, республиканын аймактык ички иштер органдарынын жетекчилери, элдик кошуундун мүчөлөрү жана өздүк &nbsp;курам катышты.

Гарнизондук бөлүштүрүүнүн жүрүшүндө Улан Ниязбеков Ички иштер министрлиги туризм багытындагы Жарлыкты так аткарууга жана жайкы туристтик мезгилди коопсуз жана жогорку деңгээлде өткөрүүгө толугу менен даяр экендигин маалымдады.

&nbsp;&ldquo;Бардык туристтик аймактарга Ички иштер министрлигинен баштап, жер-жердеги шаардык, облустук, райондук ички иштер органдарынын жооптуу жетекчи курамдагы кызматкерлер бөлүнгөн. Аны менен бирге, кылмыштуулукту жана эл арасында резонанс жараткан фактыларды болтурбай, укук бузууларга бөгөт &nbsp;коюу ишмердигин күчөтүлгөн тартипте алып барууну уланта беребиз демекчимин.

Ошондой эле, &nbsp;туристтик мезгил учурунда, жергиликтүү жашоочуларга жана чет өлкөдөн келген туристтерге сапаттуу сервистик тейлөө көрсөтүп, коопсуздук шарттарын жакшыртуу үчүн, &ldquo;Туристтик-экологиялык батальон&rdquo; түзүлүп, жакында эле ишке киргизилди. Бул кызматкерлер, бир нече чет тилдерде эркин сүйлөй алган, ар түрдүү кырсыктарды алдын алууга атайын даярдыктардан өткөрүлгөн, туризм тармагы боюнча бардык маалыматтарды алып жүрүүгө мүмкүнчүлүгү бар, &nbsp;офицер курамындагы кызматкерлер болуп эсептелет&rdquo;,- деп билдирди өз сөзүндө ИИМ башчысы.&nbsp;

Андан соң, ички иштер органдарынын даярдыгы текшерилип, ата-мекендик өндүрүштөгү жолтандабастарды, квадроциклдерди, кичи автобустарды, &nbsp;атайын чиркегичтери менен сууда жүрүүчү заманбап катерлерди, кар үстүндө жүрүүчү унааларды, &nbsp;жаңы заманбап техникаларды көрүп чыгышты.&nbsp;

Белгилей кетсек, ички иштер органдарынын күч каражаттарынын эсеби түзүлүп, жайкы туристтик мезгилде курорттук ден соолукту чыңдоо мекемелери жана элдер көп эс алуучу жайлардын аймагында коомдук тартипти 5 миңден ашык милиция кызматкерлери жана 1000ден ашык элдик кошуундун мүчөлөрүнүн иш алып барат.&nbsp;

Жайкы туристтик мезгил учурунда жарандардын коопсуздугун жана тартипти сактоого катышкан күч-каражаттарды натыйжалуу пайдалануу жана алардын ишмердигин координациялоо максатында, Ысык-Көл облусунун Ысык-Көл райондук ички иштер бөлүмүнүн Бостери айылдык милиция бөлүмчөсүнүн базасында убактылуу ыкчам штаб түзүлдү.&nbsp;

Кызматтык тартипти жана мыйзамдуулуктун сакталышын камсыздоо максатында, жайкы туристтик мезгилге Ысык-Көл облусунун ИИБдин кызмат жетекчилеринен жана улук офицердик курамынан турган офицердик кайгуул уюштурулат.

Ошондой эле, Ысык-Көл облусунун аймагындагы чет мамлекеттен келген эс алуучулардын кайрылуусуна ыңгайлуу шарттарды түзүү максатында &ldquo;Саll борбору&rdquo; ачылып, 24 саат боюу 4 тилде жооп берет.&nbsp;

ИИОнун өздүк курамына күн сайын мыйзамдуулукту жана кызматтык тартипти сактоо, жарандар, анын ичинде чет өлкөлүктөр менен маданияттуу, сылык мамиле жасоо жөнүндө нускамалар өтүүдө. 
&nbsp;

Улан Ниязбеков туристтик мезгил учурундагы коомдук коопсуздукту камсыздоо даярдыгын текшерди

2025-жылдын 14-майында Москвада Кыргыз Республикасынын Ички иштер министри милициянын генерал-лейтенанты Улан Ниязбековдун Россия Федерациясынын Ички иштер министри полициянын генералы Владимир &nbsp;Колокольцев менен жумушчу жолугушуусу болуп өттү.

Иш-чаранын жүрүшүндө укук коргоо түзүмдөрүнүн башчылары &nbsp;эки тараптуу кызматташуунун актуалдуу маселелери боюнча пикирлери менен бөлүшүштү. &nbsp;Мыйзамсыз миграцияга каршы аракеттенүү, киберкылмыштуулук, баңгикоркунучу менен күрөшүү, андан сырткары &nbsp; тергөөдөн изин жашырып жүргөн кылмышкерлерди мамлекеттер аралык издөө линиясы боюнча өз ара аракеттенүү чөйрөлөрү боюнча кызматташтыкты бекемдөөгө өзгөчө көңүл бурулду.&nbsp;

Өз кезегинде &nbsp;Улан Ниязбеков Кыргызстан менен Россиянын укук коргоо органдарынын ортосундагы эки тараптуу кызматташтыктын мындан аркы &nbsp;бекемдөөнүн манилүүлүгүн баса белгиледи. Ал өз ара аракеттенүү туруктуу, иштиктүү жана достук мүнөздү камтырын билдирди.&nbsp;

Тараптар КМШнын катышуучу мамлекеттеринин &nbsp;Ички иштер министрлеринин кеңешинин алкагында активдүү жана жемиштүү биргелешкен ишти улантууга даярдыгын тастыкташты.&nbsp;

Белгилеп кетсек, Кеңештин кезектеги отуруму ушул жылдын август айында Санкт-Петербургда өтөт.&nbsp;

Москвада Кыргызстан менен Россиянын ички иштер министрлеринин  жумушчу жолугушуусу болуп өттү

Бүгүн, Кыргыз Республикасынын Ички иштер министрлигинде колледждин студенттери үчүн &ldquo;Ачык эшик күнү&rdquo; өткөрүлдү. Иш-чара &quot;Зордук-зомбулуксуз 16 күн&quot; жалпы республикалык акциясынын алкагында өткөрүлүп, 200дөн ашык өспүрүмдү чогултуп, аларга укук коргоо органдарынын иши менен жакындан таанышууга, ошондой эле азыркы коомдогу зомбулукка каршы күрөштүн мааниси жөнүндө билүүгө сейрек мүмкүнчүлүк түзүлдү.

Уюштуруучулар жаштардын укуктук сабаттуулугун жогорулатууга, мыйзамды урматтоого, ошондой эле укук коргоо органдарынын кызматкерлеринин кесибине кызыгуусун арттырууга багытталган мазмундуу жана тарбиялык программа даярдашкан.

Конокторго ИИМ тарабынан калыбына келтирилген Дзержинский атындагы жаңыланган сейил багына барууга мүмкүнчүлүк түзүлдү. Бүгүнкү күндө бул сейил багы шаардыктар үчүн жаңы жол катмары, отургучтары, гүлзарлары жана жарыктандыруу шамдары менен кооздолгон жайлуу эс алуучу жайга айланды.

Өспүрүмдөр үчүн көргөзмө уюштурулуп, анда мурда милиция колдонгон ретро унаалар жана ыкчам иште активдүү колдонулган заманбап унаалар көрсөтүлдү. Коноктор бул унааларды көрүп гана тим болбостон, алардын тарыхы, иштөө өзгөчөлүктөрү жана жарандардын коопсуздугун камсыз кылууда транспорт каражаттарын колдонуунун маанилүүлүгү жөнүндө да билишти.

ИИМдин Ыкчам чара көрүү Центр оперативного реагирования борборуна экскурсия катышуучулар үчүн өзгөчө кызыктуу болду. Бул жерде өспүрүмдөргө бөлүмдүн негизги милдеттерин: ыкчам нөөмөт кызматкерлери жарандардын чакыруусун кантип кабыл алып, иштеп чыгышат, милициянын отряддарынын ишин координациялоо жана күнү-түнү тартипти сактоо боюнча айтып беришти.

Андан соң, ИИМдин Басма сөз кызматына болгон экскурсия дагы мазмундуу болду. Балдарга коомчулук жана жалпыга маалымдоо каратжаттары менен өз ара аракеттенүү кантип түзүлүп жатканы, ошондой эле укук коргоо органдарынын позитивдүү имиджи кандайча түзүлөөрү тууралуу айтып беришти. Басма сөз кызматынын өкүлдөрү жарандарга Ички иштер министрлигинин маанилүү окуялары жана ишмердүүлүгү тууралуу ыкчам маалымат берүүгө мүмкүндүк берген заманбап технологияларды көрсөтүштү.

Иш-чаранын дагы бир өзгөчөлүгү Ички иштер министрлигинин криминалистикалык кызматы болду. Өспүрүмдөр соттук-изилдөө үчүн колдонулган жабдууларды жана методикаларды көрө алышты, ошондой эле далилдерди чогултуу жана талдоо процесси менен жакындан таанышышты. Кызматтын кызматкерлери кылмыштын бетин ачууда тактыктын жана илимий мамиленин маанилүүлүгүн түшүндүрүштү.

Иш-чаранын жыйынтыктоочу бөлүгү Ички иштер министрлигинин жыйындар залында өттү.

Чогулгандардын алдында Ички иштер министринин орун басары, милициянын генерал-майору Октябрь Урмамбетов куттуктоо сөзүн сүйлөп, жаштарга милициянын милдеттерин жакшыраак түшүнүүгө, укук коргоо органдарына болгон ишенимди бекемдөөгө жана бул жаатта кесип тандоого дем берген мындай иш-чаралардын маанилүүлүгүн баса белгиледи.

Министрдин орун басары өз сөзүндө зомбулуктун алдын алуу темасына өзгөчө көңүл бурду. Зордук-зомбулуктун бардык түрү менен күрөшүү укук коргоо органдарынын гана милдети эмес, коомдун ар бир мүчөсүнүн милдети экенин эске салды. &quot;Ар бирибиз зомбулуктун курмандыгы болбостон, адам укуктарын жана эркиндиктерин коргоп, коопсуз жана адилеттүү коомду курууга өз салымыбызды кошушубуз керек. Биргелешкен аракеттер менен гана биз зомбулуктун алдын алууда олуттуу ийгиликтерге жетише алабыз&quot;, - деди ал.

Иш-чара өспүрүмдөргө жакшы таасир калтырып, милициянын ишинин маанилүүлүгүн жакшыраак түшүнүүгө, ошондой эле зордук-зомбулукка каршы күрөшүүнүн жана коомдогу тартипти сактоонун маанилүүлүгүн түшүнүүгө шарт түздү.

Ички иштер министрлигинде “Ачык эшиктер күнү”: өспүрүмдөр үчүн тажрыйба, билим жана шыктандыруу.

Кыргыз Республикасынын Президенти Садыр Жапаров Коопсуздук кеңешинин кезектеги жыйынында ички иштер органдарынын ишмердүүлүгүнө баа берип, жетекчилик курамды ротациялоо коррупциялык көрүнүштөрдү минималдаштыруу үчүн жасалганын баса белгиледи.

&ldquo;Мага жеткен маалыматтар боюнча ички иштер органдарынын жетекчилик курамында &nbsp;масштабду түрдө ротациялар жүргүзүлгөн. Бул биринчи кезекте коррупциялык көрүнүштөрдү минималдаштыруу үчүн жасалган деп билебиз. Анткени жетекчилердин айрымдары өз креслолорунда бир нече жылдан бери олтуруп, жергиликтүү криминалитет менен &nbsp;жана башка деструктивдүү күчтөр менен биргелешип, жакындашып алышкан. Натыйжада криминалдык чөйрөнүн айрым мүчөлөрү жазага тартылбайбыз деп, өздөрүн ишенимдүү сезишип, баарын жасай берсе болот деп, өздөрүн абдан мындай бир ишенимдүү сезип алышкан. Мындай &nbsp;мыйзамга каршы келген аракеттерди &nbsp;Улуттук коопсуздук кызматы менен Ички иштер министрлиги өз учурунда токтоттуңуздар, буга татыктуу баа берсек болот.&nbsp;

Ошол эле учурда, &nbsp;Улан Омоканович менен Октябрь Жолдошевич, сиздер Ички аскерлердин потенциалын көтөрүүгө, алардын даярдыктарын, дайым даяр турууга жакшыртууга кылдат көңүл бурушунуздар керек. Керек болсо ички аскерлерде дагы ротация жүргүзгүлө, ким татыктуу болсо кызматынан көтөргүлө, татыксыздар болсо дароо иштен алгыла. Күтүп отурганга бизде убакыт жок, кадр потенциалын бекемдегиле, керек болсо ардагерлерди ишке тарткыла. Алардын иш тажрыйбасын колдонгула, күнү-түнү жигердүү иштеп жаткан жаш офицерлерге, сержанттарга, прапорщиктерге, дем-күч, мындай бир стимул берип, аларды ар тараптан колдогула. Ошондо иштериңиздерге эффиктивдүү жардамдар болот алардан. Алдыңарда коюлган милдеттерди так аткара аласыңар деп ишенемин, кетип бара жаткан темпиңерден жазбагыла&rdquo;, - деп билдирди Садыр Жапаров.&nbsp;

ИИМдин Басма сөз кызматы

Коопсуздук кеңешинин кезектеги жыйынында өлкө башчысы Садыр Жапаров милиция кызматкерлеринин ишмердүлүүгүнө баа берди

2023-жылдын 14-июнунда Кыргыз Республикасынын ички иштер министрлигинин &nbsp;милициянын генерал-майору Эргеш Алиев атындагы Академиясында курсанттардын бүтүрүү аземи болуп өттү. Быйыл, ИИМдин Академиясын 100 курсант аяктап, жогорку билимдүү дипломдорун жана алгачкы лейтенант наамын алышты. Бүтүрүүчүлөрдүн ичинен 25 кыздар. Ал эми сегизөө артыкчылык дипломдорун алышты.&nbsp; 
 
Салтанаттуу иш-чарага ички иштер министринин биринчи орун басары милициянын генерал-майору Адылбек Бийбосунов, Президенттин кеңешчиси, юридика илимдерини доктору Бекбосун Бөрүбашев, кыргыз милициясынын генералдары Тилек Асаналиев, Садырбек Дубанаев, &nbsp;Абдыкапар Мавлянов, &nbsp;ИИМдин Ардагерлер кеңешинин төрагасы Султанбек Жоошбаев, &nbsp;Академиянын жетекчилиги жана ардагерлери, Э. Алиев атындагы фондунун өкүлдөрү, Эргеш Алиевдин туугандары, бүтүрүүчүлөрдүн ата-энелери, туугандары жана достору катышышты. &nbsp; 
 
Алгач, министрдин биринчи орун басары Адылбек Бийбосунов, бүтүрүүчүлөргө кайрылып, алар &nbsp;Ата Мекенибиздин эң жооптуу болгон коомдук коопсуздукту сактоодо, кылмыштуулук менен күрөшүүдө тайманбастык жана эрдик менен эмгектене турган кызматка бара жаткандарын баса белгиледи. &nbsp; 
 
&ldquo;Урматтуу бүтүрүүчүлөр! Силерге жүктөлгөн милдеттерди ак ниет менен аткарышыңар мамлекетибиздин көз карандысыздыгынын бекемделүүсүнө жана улуттук кызыкчылыктарды коргоого түрткү жаратып, баарыңардан кесипкөйлүктү, моралдык, адептик сапаттарды талап кылат. Сиздердин ар бириңиздер биздин мамлекетибиздин чыңдалышына, анын өсүп өнүгүшүнө салым кошосуздар деп ишенемин. 
 
Бүгүнкү күндө өлкө жетекчилиги тарабынан коюлган приоритеттик маселелердин ичинен жарандардын укуктарынын жана эркиндиктеринин сакталуусун, экстремисттик көрүнүштөргө жол бербөөнү жана коррупция менен күрөшүүнү өзгөчө белгилеп кетким келет. 
 
Мындан сырткары, урматтуу бүтүрүүчүлөр, силердин кызматыңарга кылган мамилелеңерден, кесипкөйлүүлүктөн, адептик сапаттарыңардан жарандар жалпысынан биздин ички иштер министрлигинин ишмердүүлүгүн баалайт. Себеби жарандар ички иштер органдарынын кызматкери менен өздөрүнүн коопсуздугун, корголгондугун байланыштырып, ар бириңиздерден тез арадагы жасалган аракеттерди жана жардамды үмүттөнүшөт. 
 
Кыргыз милициясынын легендарлуу генералы Эргеш Алиев атындагы Академияда алган билимиңиздер, тажрыйбаңыздар Кыргыз милициясына таза жана адилет кызмат кылууда негизги өзөк катарында калышы керек. 
 
Мен коомдук тартипти сактоо, жарандардын коопсуздугун коргоодо берген Антыңарга бекем туруп, өзүңүздөрдүн парзыңыздарды кесиптик жогорку чеберчиликте аткаруу менен бирге эле өлкөбүздүн жарандарынын коопсуздугун, мамлекетибиздин кызыкчылыгын жана мыйзамдын талаптарын сактайт жана коргойт деп ишенемин. Анткени жарандардын мыйзамдуу укуктарына жана кызыкчылыктарына кылдат мамиле жасоо жана алардын ишеничин актоо сиздердин негизги милдетиңер. 
 
Чыныгы офицер абийирин, кадыр-баркын, антка болгон бекемдигин сактоого жана Ата Мекенге кызмат кылуунун үлгүсү болууга милдеттүү. Андыктан ар бирибизден кайраттуулукту, бекемдикти, айрым учурларда чечкиндүүлүктү талап кылат,-деп билдирди Адылбек Бийбосунов.&nbsp; 
 
Ошондой эле, министрдин биринчи орун басары кызматка киришип жаткан кесиптештерине &nbsp;чың ден соолук, темирдей кайраттуулук, алмаздай бекемдик жана эр жүрөктүүлүктү каалап, алар кыргыз элине ак ниет, таза, чынчыл кызмат кылып, ички иштер органдарынын кызматкеринин кадыр-баркын терең сактап, кыргыз элинин сыймыгы боло турган мыкты кесипкөй кадрлардан болуу керектигин баса белгиледи.&nbsp; 
 
Андан сырткары, ал бүтүрүүчүлөрдүн ата-энелерине кайрылып, Мекен үчүн ушундай уул-кыздарды тарбиялап, өстүрүп, жооптуу кызматты аркалоого түрткү болгондору үчүн &nbsp;ыраазычылыгын билдирди.&nbsp; 
 
Мындан ары, &nbsp;ИИМдин Академиясынын бүтүрүүчүлөрү Ички иштер органдарынын толук кандуу кызматкерлери болуп, бөлүштүрүүлөрдөн соң, аймактарда кызмат өтөөгө киришишет. Эми алар коомдук коопсуздукту камсыздоо, кылмыштуулук менен күрөшүү, кылмыштардын бетин ачуу жана иликтөө иштерин аткаруу милдетин алышты.&nbsp; 
 
Иш-чаранын жүрүшүндө салтка айланып калгандай, бүтүрүүчүлөр Академиянын үйлөмө аспаптар оркестринин коштоосунда, ИИМдин Академиянын &nbsp;күжүрмөн туусу менен коштошуп, салтанаттык жүрүш менен өтүштү.&nbsp; 
 
Салтанаттуу иш-чара &nbsp;бүтүрүүчүлөрдүн аткаруусундагы &nbsp;&ldquo;Офицердик вальс&rdquo; менен жыйынтыкталды.

ИИМдин Басма сөз кызматы

ИИМдин Академиясында курсанттардын бүтүрүү аземи болуп өттү

Кыргыз Республикасынын ИИМдин Күзөт кызматынын өздүк курамы 9-Май Улуу Жеңиштин 78 жылдыгына карата күчөтүлгөн тартипте иш алып барууда.

Бишкек шаары боюнча Күзөт кызматынын кызматкерлери борбордук көчөлөрдө коомдук коопсуздукту камсыздоодо.&nbsp;

ИИМдин Күзөт кызматынын Басма сөз кызматы

ИИМдин Күзөт кызматынын өздүк курамы 9-Май Улуу Жеңиштин 78 жылдыгына карата күчөтүлгөн тартипте иш алып барууда

Бүгүн Кыргыз Республикасынын Ички иштер министри, милициянын генерал - лейтенанты Улан Ниязбеков менен Россия Федерациясынын министри Владимир Колокольцевдин жолугушуусу болуп өттү.

Жолугушуунун жүрүшүндө Улан Ниязбеков Владимир Колокольцевди Улуу Жеңиш күнү менен куттуктады.

&quot;9-май Улуу Жеңиш күнү &ndash; бул өмүрүн аябастан өз мекенин коргоп, фашизмден бошоткон чыныгы баатырлардын-советтик адамдардын даңазалуу муунунун эрдиги үчүн элибиздин чексиз кубанычынын жана сыймыгынын жаркын майрамы.

Бул маанилүү күндө сиздерге жана ички иштер органдарынын жалпы өздүк курамына бекем ден соолук, бакубатчылык жана мындан аркы ийгиликтерди каалайм&quot;, - деди Кыргыз Республикасынын ИИМдин башчысы.

Министрликтин жетекчилери Россия Федерациясынын Өкмөтү менен Кыргыз Республикасынын Министрлер Кабинетинин ортосунда ички иштер органдарынын ишмердүүлүгүнө кирген маселелер боюнча электрондук түрдө маалыматтык өз ара аракеттенүү жана маалымат алмашуу жөнүндө макулдашууга кол коюшту.

Аталган макулдашуу ыкчам-кызматтык иштин ар кандай багыттары боюнча эл аралык укуктук базанын алкагында координацияланган иштин заманбап механизмдерин түзүүгө мүмкүндүк берет.

Мындан тышкары, 2019-2023-жылдарга кылмыштуулукка каршы күрөшүүнүн биргелешкен чараларынын Мамлекеттер аралык программасын ишке ашыруунун натыйжалуулугу жана анын алкагында жүргүзүлүп жаткан &quot;Издөө&quot; ыкчам-түшүндүрүү операциясынын аяктаган биринчи этабынын оң натыйжалары белгиленди.

Россиялык ведомствонун башчысы кадрларды даярдоо жаатында, анын ичинде кибер кылмыштуулукка каршы күрөшүү багытында мындан аркы көмөк көрсөтүүгө даяр экендигин билдирди.

Тараптар Россия менен Кыргызстандын укук коргоо органдарынын ортосундагы достук жана көп кырдуу кызматташууну баса белгилеп, эки мамлекеттин жарандарынын коопсуздугунун кызыкчылыгында мындан ары да чыңдала берерине ишеним билдиришти. КМШ, ЕАЭБ, ЖККУ жана ШКУ форматтарындагы көп тараптуу кызматташууга жогорку баа берилди.

ИИМдин Басма сөз кызматы

Улан Ниязбеков менен Владимир Колокольцев укук коргоо тармагындагы маалыматтык кызматташуу тууралуу өкмөттөр аралык келишимге кол коюшту

Улуу Ата Мекендик согуштун Жеңиш күнүнүн 78 жылдыгын майрамдоонун алдында Кыргыз Республикасынын ички иштер министринин биринчи орун басары, милициянын генерал-майору Адылбек Бийбосунов Согуштун ардагерлери Асек Урмамбетов менен Туркенакун Бейшенбаев, ошондой эле ооруктун ардагери Чоюнбек Сагынбаевге барышып, жылуу сөздөрүн айтышып, куттуктады.

ИИМдин жетекчилиги ардагерлерди келе жаткан Жеңиш майрамы менен куттукташып, Жеңиш үчүн жалпы салымдарын кошушуп, фашизмди жеңүүгө түрткү берген ооруктагы адамдардын дагы талыкпас эмгектерин баса белгилешти.

Өз кезегинде, ооруктун ардагери Чоюнбек Сагынбаев согуштун оор күндөрүн, өзүнүн өмүр таржымалын эскерип, сүрөттөрүн көрсөтүп, насаатчылык кебин дагы айтты. Ардагер согуш убагында өспүрүм кезинде оорукта кары-картаңдар, аялдар менен бирге иштеп, кийин узак жылдар бою ички иштер органдарында үзүрлүү эмгектенген Чоюнбек Сагынбаевди куттуктады.

Чоюнбек Сагынбаев согуш башталган жылы он жашта болгон. Согуштан кийин ал милициянын жогорку мектебинде окуган. Ал ишин аймактык инспектордон баштап, Ош облустук ички иштер башкармалыгынын башчысынын орун басары кызматында иштеген.

Азыркы учурда Улуу Ата Мекендик согуштун жеңүүчүлөрүнүн көбү тирүү эмес. Бүгүнкү күнү ардагерлер өзгөчө көңүл бурууга татыктуу.

Ооруктун эмгекчилери менен Улуу Ата Мекендик согуштун ардагерлеринин жубайлары милицияларды көңүл буруп келип куттуктап кетишкендерине ыраазычылыктарын билдиришип, Мекенге болгон кызматтарына ийгиликтерди каалашты. 
Жеңиш күнүн майрамдоонун алдында бардыгы Кыргыз Республикасынын ички иштер министрлигинин атынан баалуу белектер жана акчалай сыйлыктар менен сыйланышты.

Азыркы учурда, ушундай иш-чаралар республиканын бардык аймактарында өтүп, ИИОнун түзүмдөрүнүн жетекчилери, облустук, шаардык ички иштер башкармалыктарынын башчылары Улуу Ата Мекендик согуштун ардагерлери-отставкадагы милицияларын, ооруктун эмгекчилерин куттукташууда.

ИИМдин Басма сөз кызматы

Ички иштер министрлигинин жетекчилиги Улуу Ата Мекендик согуштун ардагерлерин куттуктады

2023-жылдын 4-майында Бишкек шаарындагы Кинематография департаментинин залында Этномузыкага кайрадан жан киргизген, дүйнөгө аты кеткен &ldquo;Ордо Сахна&rdquo; фольклордук-этнографиялык театрынын&nbsp; чыгармачылык концерти болуп өттү.&nbsp;

Анда, ИИМдин Борбордун талапкерлери &quot;Ордо Сахна&quot; фольклордук-этнографиялык&nbsp; театрынын аталган концертине катышты.&nbsp;

&ldquo;Ордо Сахна&rdquo; байыркы улуттун уңгусунда уюп жаткан күүлөрдү азыркы замандын акылына сиңире турган кылып иштеп чыгууда, жайылтууда опол тоодой эмгек кылгандыгын искусство чөйрөсүндөү адистер баса белгилеп келген.&nbsp;

Бул кечеде ИИМдин Борбордун талапкерлери&nbsp; кыргыз элинин байыркы күүлөрүн, аспаптарын жана манасчылардын &ldquo;Манас&rdquo; эпосунан&nbsp; айткан үзүндүлөрүн угуп, рухий жактан жан дүйнөсүнүн азыгын байытып кетишти.&nbsp;

Бул иш-чарага КРнын Мамлекеттик катчысы С.С. Касмамбетов жана КРнын&nbsp; Коопсуздук кеңешинин катчысы генерал-лейтенант М.М.Иманкулов да келип катышты.&nbsp;

Чыгармачылык&nbsp; менен өткөрүлгөн салтанаттуу иш-чаранын аягында ИИМдин Борбордун талапкерлери КРнын Мамлекеттик катчысы С.С. Касмамбетов жана КРнын&nbsp; Коопсуздук кеңешинин катчысы генерал-лейтенант М.М.Иманкулов менен эстеликке сүрөткө түшүштү.&nbsp;

Бул инсандар&nbsp; талапкерлерге окуусунда ийгилик каалап, ушундай маданий иш-чараларга көп катышып рухий жан дүйнөсүн байытуусуна тилектеш болушту.

Аталган иш-чара&nbsp; ИИМдин Борбордун административдик тармактар циклынын куратордук иштеринин алкагында уюштурулду.

ИИМдин Басма сөз кызматы&nbsp;

ИИМдин Республикалык окуу борборунун талапкерлери "Ордо Сахна" фольклордук-этнографиялык  театрынын концертине катышты

2023-жылдын 5-май күнү Кыргыз Республикасынын ИИМдин Республикалык окуу борборунун талапкерлер арасында Кыргыз Республикасынын Конституциясынын 30 жылдыгына арналган брейн-ринг болуп өттү.

Талапкерлер арасында баш мыйзамыбыз Конституция тууралуу&nbsp; өткөрүлгөн брейн-ринг таймашында&nbsp; саламдашуу, суроо-жооп, пантомима, командалык тапшырма, чыгармачылык сынак жана капитандардын таймашы деген&nbsp; 6 этаптан түзүлүп, командалар жарышка чыгышты.

Мындай максаттагы брейн-ринг билим алып жаткан талапкерлердин билим алуусуна, чыгармачылык өсүүсүнө жакшы шарт болот жана аларды шыктандырат.

Жыйынтыгында 3-окуу взводу биринчиликке ээ болуп уюштуруучулар тарабынан белектер тапшырылды.

Мындай иш-чара талапкерлердин Кыргыз Республикасынын Конституциясына болгон кызуугусун жана команда менен иштөөгө шыктандырат.

ИИМдин Басма сөз кызматы

ИИМдин РОБдун талапкерлер арасында КРнын Конституциясынын 30 жылдыгына арналган брейн-ринг болуп өттү

2023-жылдын 3-майында&nbsp; ИИМдин Республикалык&nbsp; окуу борборунда&nbsp; Бишкек шаарынын Ленин районунун аймагында жайгашкан № 50 орто мектептин&nbsp; окуучуларына жашы жетеэлек өспүрүмдөр арасында кылмыштуулуктун алдын алуу, патриоттуулук&nbsp; сезимдерин&nbsp; ойготуу жана кесиптик багыт берүү&nbsp; максатында &laquo;Ачык Эшик күнү&raquo; иш-чарасы өткөрүлдү.

Иш-чаранын жүрүшүндө мектеп окуучуларына&nbsp; милициянын генерал-майору Ж.Ш.Шабировдун музейи, окуу процессин жогорку деңгээлде өткөрүү үчүн жасалгаланган атайын&nbsp; адистештирилген окуу аудиториялары,&nbsp; кызматкерлер жана талапкерлер машыгуучу спорт зал, криминалистик борбор, ок атуучу жай&nbsp; менен тааныштырылып, маалыматтар&nbsp; жеткирилди.

Андан тышкары, куралдуу кылмышкерлерди кармоо көндүмдөрүн, бир нече адам физикалык каршылык көрсөткөндө ИИОнын кызматкерлеринин аракеттерин, ошондой эле МТ- 9мм&nbsp; жана Калашников автоматын толук эмес чачуу жана чогултуу, самбо ыкмаларын үйрөтүү боюнча борбордун талапкерлеринин көрсөтмөлүү презентациясы тартууланды.

ИИМдин Басма сөз кызматы&nbsp;

ИИМдин Республикалык окуу борборунда "Балдар биздин келечегибиз" аттуу "Ачык эшик күнү" иш чарасы өткөрүлдү

И.Арабаев атындагы Кыргыз мамлекеттик университетине милициянын генерал-майору Ж.Ш.Шабиров атындагы Республикалык окуу борборунун 7-8-окуу взводдорунун талапкерлери экскурсияга барышты.&nbsp;

Алар университеттин илимий китепканасы, музейи жана чоң жыйындар залы менен таанышып чыгышты. Анда И.Арабаевдин өмүр баяны, басып өткөн жолу тууралуу кеңири маалымат берилди.&nbsp;

Экскурсиянын жүрүшүндө окуу жайдын ректору Айгүл Абдраева талапкерлер менен жолугуп, өлкөнүн коопсуздугун коргогон мекен&nbsp; сакчыларга бекем ден соолук жана ийгиликтерди каалады.

ИИМдин Басма сөз кызматы&nbsp;

ИИМдин Республикалык окуу борборунун талапкерлери И.Арабаев атындагы КМУга экскурсияга барышты

Бишкек ШИИББи

2025-жылдын 10-июлунда Жалал-Абад шаарында Ички иштер министрлиги, Өзгөчө кырдаалдар министрлиги жана жергиликтүү бийлик органдары менен биргеликте уюштурган &laquo;Коопсуздук - 2025&raquo; аттуу форум болуп өттү.

Иш-чарага ИИМдин Коомдук коопсуздук кызматынын башчысынын орун басары Нурлан Исмаилов, ИИМдин Коомдук коопсуздук кызматынын бөлүмүнүн башчысы Нуржан Адылова, Жалал-Абад ОИИБдин башчысы Марлис Асанов, &nbsp;Жалал-Абад шаарынын мэринин орун басары Гүлбарчын Таштанбекова ошондой эле жергиликтүү башкаруу органдары, коомдук уюмдар жана жаштар катышты.

Форум коомдук коопсуздук, укук бузуулардын алдын алуу, үй-бүлөлүк баалуулуктарды бекемдөө жана туризмди өнүктүрүү маселелерин талкуулай турган аянтча болуп берди. Айрыкча, укуктук маданиятты калыптандырууга жана жарандардын укуктарын урматтоого өзгөчө көңүл бурулду.

Форумдун максаты - эл аралык кызматташтыкты чыңдоо жана коомдук коопсуздукту камсыздоого жарандарды кеңири тартуу. Бул мыйзамдарды сактоону, айлана-чөйрөнү коргоону жана өлкөнүн өнүгүүсүнө активдүү катышууну камтыйт. Жакынкы келечектеги артыкчылыктуу багыт катары коопсуз туризмди өнүктүрүү тапшырмасы коюлду.

ИИМ кызматкерлери укук бузуулардын, мыйзамсыз миграциянын жана экстремизмдин алдын алуу боюнча видеотасмаларын тартуулашты. Куралдуу түзүмдөрдүн жоокерлери атайын көрсөтмө программаларды аткарышты. Ошондой эле балдар үчүн спорттук оюндар жана интерактивдүү аянтчалар уюштурулду.

Эскерте кетсек, форум Коомчулуктардын &nbsp;туруктуулугун бекемдөө үчүн глобалдык фондунун (GCERF), &ldquo;Кыргызстандагы SOS-балдардын айылдары&rdquo; коомдук фондунун жана Кыргызстандын Кызыл Жарым Ай коомунун колдоосу менен өткөрүлдү.&nbsp;

ИИМдин Басма сөз кызматы

Жалал - Абадда «Коопсуздук - 2025» форуму болуп өттү

2025-жылдын 10-июль күнү &nbsp;&ldquo;102&rdquo; кызматына Бишкек шаарынын Күлиев көчөсүндөгү турак үйлөрдүн биринде белгисиз жарандар спирттик ичимдик ичип, коомдук тартипти бузуп, чыр-чатак чыгарып жаткандыгы тууралуу билдирүү келип түшкөн.

Аталган факт Бишкек шаарынын ИИББнын МЭЖге катталган.&nbsp;

Окуя болгон жерге, Бишкек ШИИББнын МККК полкунун кызматкерлери дароо барган учурда, бир нече жаран мас абалында коомдук тартипти бузуп, өтүп бара жаткан адамдарга асылып, оозго алгыс сөздөр менен сөгүнүп жаткандыгы аныкталган.

Ошондой эле милиция кызматкерлери окуя болуп жаткан жерге барганда, кызматкерлердин мыйзамдуу талаптарына баш ийбей, каршылык көрсөтүшкөн.

Окуя учурунда милиция кызматкерлеринин бири, айланадагы адамдардын коопсуздугун камсыз кылуу максатында, мыйзам чегинде белгизсиз жарандын бирине карата физикалык күч колдонууга аргасыз болгон.

Бишкек шаарында болгон окуяга байланыштуу, милиция кызматкери өзүнүн ыйгарым укуктарынын алкагында физикалык күч колдонууга мажбур болгон учур боюнча, ИИМдин Ички иликтөө кызматы тарабынан кызматтык иликтөө жүргүзүлүүдө.

&nbsp;

Бишкекте мас абалындагы жарандардын окуясы: ИИМ текшерүү баштады

Ысык-Көл облусунун Ички иштер башкармалыгынын базасында санариптештирүү алкагында Кырдаалдык борбор ишке кирди.&nbsp;

Азыркы учурда аймакта 353 интеллектуалдык видеокамера орнотулуп, алар кыймыл-аракеттерди жана адамдын жүзүн таануу мүмкүнчүлүгүнө ээ. Бул камералар коомдук тартипти сактоону, ыкчам чара көрүүнү жана экологиялык коопсуздукту камсыздоого багытталган.

Белгилей кетсек, видеокамералар мектептерде жана бала бакчаларда туташтырылып, жаш муундардын коопсуздугу жогорулатууда.&nbsp;

ИИМдин Басма сөз кызматы

Ысык-Кө акылөлддуу видеокамералар ишке кирди

Бүгүн, 10-июлда Бишкек ШИИББнын Милициянын кайгуул-күзөт кызматынын 5- батальонунун кавалеристтик взводунун түзүлгөнүнө 35 жыл толду. Бөлүк 1990-жылы ИИМдин буйругу менен түзүлгөн жана бүгүнкү күнгө чейин коомдук тартипти камсыздоо тутумунун маанилүү бир бөлүгү бойдон калууда.

Күн сайын Бишкек ШИИББнын Милициянын кайгуул-күзөт кызматынын 5- батальонунун кавалеристтик взводу борбордогу сейил бактарды күзөтүп турушат, массалык иш-чараларда коопсуздукту камсыздашат жана укук бузууларды эскертүүгө жана жарандарга жардам көрсөтүүгө багытталган алдын алуу иштерин жүргүзүшөт.

Бүгүнкү күндө батальондо 23 милиция кызматкери кызмат өтөйт, &nbsp;32 ат, &nbsp;1 мал доктур адиси бар. &nbsp;Кавалеристтик взвод &nbsp;мамлекеттик деңгээлдеги иш-чараларды өткөрүүдө коомдук тартипти камсыздоого, анын ичинде мамлекеттик &nbsp;резиденциянын аймагын коргоого тартылат.&nbsp;

Жылкылардын жашоо шартына өзгөчө көңүл бурулат. Жаныбарларга күнү-түнү &nbsp;кам көрүшүп, тең салмактуу тамактануусун камсыздашып, &nbsp; ветеринардык көзөмөлдөн өткөрүп турушат. Ар бир аттын аты-жөнү, кызмат өтөгөндүгүнүн мөөнөтү, экспертизанын жыйынтыгы жана ден соолукка жана кызмат өтөө үчүн маанилүү болгон башка маалыматтар камтылган атайын документтери бар.

&nbsp;ИИМдин кавалеристтик взводу-бул кызматтык зарылдык гана эмес, кыргыз милициясынын тарыхынын жана салтынын маанилүү бөлүгү.

ИИМдин кавалеристтик  взводуна-35 жыл

Ички иштер министрлигинин Баңгизаттарды мыйзамсыз жүгүртүүгө каршы күрөшүү кызматынын кызматкерлеринин ыкчам тергөө иш-чараларынын жүрүшүндө психотроптук заттардын ири партиясын мыйзамсыз ташуу фактысы аныкталды.

Талас шаарында 34 жаштагы К.У. Э. аттуу жарандан курамында психотроптук заты бар күчтүү таасир этүүчү 46 455 капсуладагы препараттар табылып алынган.

Аталган факты боюнча соттук-химиялык экспертиза дайындалып, тиешелүү тергөө амалдары жүргүзүлүүдө. Шектүү убактылуу кармоочу жайга киргизилди.

ИИМдин Басма сөз кызматы

Таласта  күчтүү таасир этүүчү препараттар алынды

Кыргыз Республикасында туризм мамлекеттик жана экономикалык саясаттын артыкчылыктуу багыттарынын бири болуп саналат. Ал социалдык-маданий иш-аракеттердин чөйрөсүн гана эмес, ошондой эле социалдык жана маданий аспектилерге таасир этип, өлкөнүн экономикасына олуттуу таасирин тийгизген маанилүү тармакты камтыйт. Туризмдин туруктуу өнүгүүсүндө коопсуздукту камсыз кылуу негизги мааниге ээ.&nbsp;

2025‑жылдын 8‑июлунда Ош шаарында &laquo;Коопсуздук - 2025&raquo; форуму болуп өттү. Иш‑чара Ички иштер министрлиги, Өзгөчө кырдаалдар министрлиги, Кыргыз Республикасынын Президентинин Ош облусундагы ыйгарым укуктуу өкүлчүлүгү жана жергиликтүү мамлекеттик органдары менен биргеликте өткөрүлгөн.

Форумга ИИМдин Коомдук коопсуздук кызматынын башчысынын орун басары Нурлан Исмаилов, ИИМдин Коомдук коопсуздук кызматынын бөлүм башчысы Нуржан Адылова, Ош облусунун ыйгарым укуктуу өкүлүнүн орун басары Талантбек Арстанкулов , Ош шаарынынын мэринин биринчи орун басары Адилет Шаршеналы уулу, ошондой эле Ош ОИИБдин жана Ош ШИИБдин жетекчилиги жана кызматкерлери, мамлекеттик түзүмдөр, коомдук уюмдар жана жаштар катышты.

Нурлан Исмаилов өз сөзүндө, туризмди туруктуу жана коопсуз өнүктүрүүнүн маанисин, коом менен ачык маалыматтык өз ара аракеттенүүнүн жана активдүү иштерди жүргүзүүнүн зарылдыгын баса белгиледи.

Өз кезегинде спикерлер укук бузуулардын алдын алуу, жарандарды маалымдоо, туруктуу туризмдин ыкмаларын жайылтуу маселелерине, ошондой эле тынчтык, коопсуздук, үй-бүлөлүк баалуулуктар жана жүрүм-турум эрежелери боюнча докладдарга өзгөчө көңүл бурду.

Белгиленгендей, азыркы коом коопсуздук жаатында ар кандай кыйынчылыктарга көп туш болот жана аларды чечүү биргелешкен аракетти талап кылат. &nbsp;Мамлекеттик бийлик органдарынын, жарандык коомдун жана жаштардын өз ара аракеттенүүсүнүн аркасында гана коом үчүн коопсуз чөйрөнү натыйжалуу түзүүгө болот.

Форумдун жүрүшүндө Ички иштер министрлиги укук бузуулардын алдын алуу, мыйзамсыз миграция жана экстремизмге каршы күрөшүү боюнча видеотасмаларды көрсөтүштү. Атайын бөлүктүн жоокерлери өз өнөрлөрүн көрсөтүшүп, балдар үчүн спорттук мелдештер жана интерактивдүү оюндар уюштурулду.

Белгилей кетсек, &laquo;Коопсуздук - 2025&raquo; форуму Ички иштер министрлиги тарабынан, ӨКМ жана Кыргызстандын Кызыл Жарым Ай коомунун, жергиликтүү мамлекеттик органдары менен биргеликте уюштурулуп, Коомчулуктардын &nbsp;туруктуулугун бекемдөө үчүн глобалдык фондунун (GCERF), &ldquo;Кыргызстандагы SOS-балдардын айылдары&rdquo; коомдук фондунун колдоосу менен өткөрүлдү.

ИИМдин Басма сөз кызматы

Ошто «Коопсуздук - 2025» интерактивдүү форуму болуп өттү

Тартип сакчылары - коопсуздуктун жана тынчтыктын күзөтчүсү болуп, &nbsp;элдин бай маданий мурасын, &nbsp;каада-салттарын жана биримдигин чыңдайт.

Укуктук тартипти жана туруктуулукту камсыздоо - кыргыз милициясынын өнүгүүсүнүн негизи.

ИИМдин Басма сөз кызматы

Милиция жана каада-салттар: маданият менен укуктук тартиптин биримдиги

Түнкүсүн, Бишкек шаарынын аймагында ИИМдин Жол кыймылынын коопсуздугун камсыздоо башкы башкармалыгынын кызматкерлери тарабынан милициянын кайгуул кызматы башкармалыгы менен биргеликте жол-транспорт кырсыктарын эскертүүгө жана бөгөт коюуга багытталган масштабдуу рейддик иш-чаралар жүргүзүлүүдө.

Рейддер Ички иштер министрлигинин демилгеси менен уюштурулуп, &nbsp; Кыргыз Республикасынын &ldquo;Тынчтык жөнүндө&rdquo; мыйзамынын жана жол кыймылынын эрежелеринин сакталышына көзөмөлдү күчөтүүгө багытталган.

Башкы максат-жол кыймылынын эрежелерин так сактоону камсыздоо, жол кыймылынын катышуучуларына коркунуч туудурган одоно эреже бузууларды аныктоо жана бөгөт коюу.

Алсак, ушул түнү аныкталган бузуулар: 
- Транспорт каражаттарын мас абалында башкаруу-7; 
- Терезени мыйзамсыз караңгылатуу-12; 
- Тике түтүктүү түтүн чыгаруучу тутумун койгон транспорт каражаттары-23; 
- Тике түтүгү менен мотоциклдер-18; 
- Түзүлгөн протоколдордун жалпы саны-832.

Тике түтүк (прямоток)&ndash; бул унаанын же мотоциклдин ызы-чууну басаңдатуучу элементтери жок түтүн чыгаруучу тутуму. Ал ызы-чуунун (күрүлдөшүнүн) күчөтүлгөн деңгээлин түзөт жана белгиленген техникалык нормаларды бузат.&nbsp;

Ички иштер министрлиги жолдордо жарандардын коопсуздугун камсыздоо-ички иштер органдарынын ишинин артыкчылыктуу багыты экенин эскертип, айдоочуларды Мыйзамдын талаптарын так сактоого чакырат. Иш-чаралар туруктуу негизде өткөрүлөт.

Урматтуу жарандар! Эгер сиз жол кыймылынын эрежелерин бузууга күбө болсоңуз, анда 0777 102 102 номуруна видео же сүрөт жөнөтүүнү суранабыз. Ар бир билдирилген факт боюнча Кыргыз Республикасынын мыйзамдарына ылайык чаралар көрүлөт.

ИИМдин Басма сөз кызматы

Бишкекте жол кыймылынын эрежелерин бузууларды алдын алуу жана бөгөт коюу боюнча түнкү рейддер уланууда

ИИМдин Коомдук коопсуздук кызматынын кызматкерлери-бул коомдук тартиптин жана тынчтыктын негизги булагы.

Бул кызматта Жашы жете электер менен иштөө инспекциясынын кызматкерлери өзгөчө маанилүү ролду ойнойт - алар күн сайын балдардын жана өспүрүмдөрдүн укуктарын коргогон эң боорукер адамдар.

Алардын камкордугу, сабырдуулугу жана кесипкөйлүгү ар бир баланын жаркын келечекке умтулуусуна мүмкүнчүлүк түзөт.

ИИМдин Басма сөз кызматы

Кайраттуулукту жана боорукердикти талап кылган кесип

Бүгүн Ички иштер министрлиги коомдук коопсуздукту камсыздоого кошкон салымы, жоопкерчиликтүү кызмат өтөөсү, ошондой эле адамдардын өмүрүнө коркунуч жараткан өзгөчө кырдаалдарда кайраттуулук жана тайманбастык көрсөткөндүгү үчүн, өз милдетине берилгендиги жана чыныгы баатырдык үлгүсүн көрсөткөн бир катар милиция кызматкерлери салтанаттуу түрдө сыйланышты.

Кыргыз Республикасынын Ички иштер министри, милициянын генерал-лейтенанты Улан Ниязбековдун буйругу менен &laquo;Каармандык&raquo; медалы төмөнкү милиция кызматкерлерине ыйгарылды:

-Ысык-Көл ОИИБдин милициянын кайгуул-күзөт кызматынын, өзүнчө батальонунун туристтик-экологиялык взводунун тескөөчүсү, милициянын лейтенанты Акылбек Макеев;

-ИИМдин ЖКККББнын Чүй ОИИББ боюнча ЖКККБнын Чүй РИИБ боюнча ЖККБнын кенже тескөөчүсү, милициянын прапорщиги Рысбек уулу Кубаныч;

- Ысык-Көл ОИИБдин милициянын кайгуул-күзөт кызматынын өзүнчө батальонунун саптык бөлүктөрүнүн милициянын кайгуул-күзөт взводунун милиционери,&nbsp;милициянын старшинасы Токтогул уулу Сыймык.

Сыйлыктарды Ички иштер министринин биринчи орун басары, милициянын генерал-майору Адылбек Бийбосунов тапшырып, коомдук коопсуздукту жана укук тартибин камсыздоого кошкон зор салымы үчүн бардык кызматкерлерге терең ыраазычылыгын билдирди. Ошондой эле мындай демилгелер коомчулуктун укук коргоо органдарына болгон ишенимин жогорулатууга чоң таасир этерин белгиледи.

Ички иштер министрлиги өз кызматтык милдеттерин так жана мыкты аткарып, жарандарга жардам берүүгө ар дайым даяр турган кызматкерлерди мындан ары да колдоп, татыктуу сыйлоону улантат.

ИИМдин Басма сөз кызматы

Ички иштер министрлиги көрсөткөн эрдиги жана кесипкөйлүгү үчүн бир катар милиция кызматкерлерин сыйлады

Кыргыз Республикасынын ИИМдин Баңгизаттарды мыйзамсыз жүгүртүүгө каршы күрөшүү кызматы тарабынан жүргүзүлгөн ыкчам иш-чаралардын жүрүшүндө Бишкек шаарынын жана Чүй облусунун аймагында Telegram мессенжери аркылуу элиталык марихуана сортторун сатуу менен алектенген интернет-дүкөндүн ишмердүүлүгү токтотулду.

Сотко чейинки өндүрүштүн алкагында контролдук сатып алуулар жүргүзүлүп, анын жүрүшүндө кара куурайдын негизги психоактивдүү компоненти болгон ТГКнын жогорку деңгээлде камтылган баңгизаттын үлгүлөрү алынган.

Тергөө-ыкчам иш-чараларынын жүрүшүндө 1986-жылы туулган, борбордун райондорунун биринин прокурорунун мурдагы жардамчысы М.у. Н. кармалып, анын жанынан баңгизаттар, прокурордун жардамчысынын күбөлүгү, банктык карталар жана уюлдук телефондор табылган.

Жашаган жерин тинтүүдө ири өлчөмдөгү марихуана, кара куурай менен спирттүү тундурмалар, ошондой эле өсүмдүктөрдү өстүрүүгө арналган жабдуулар &mdash; фито-нарколаборатория (гроутенттер, лампалар, термометрлер ж.б.) табылып, алынды.

Мыйзамсыз ишмердүүлүккө каражаттар электрондук төлөм системалары аркылуу, үчүнчү жактардын атына катталган аккаунттар аркылуу түшүп турганы аныкталды.

Учурда Кыргыз Республикасынын аймагында баңгизат тараткан башка шериктерди жана каналдарды аныктоо боюнча иштер улантылууда.

ИИМдин Басма сөз кызматы

Интернет-дүкөн аркылуу баңгизат сатуу токтотулду: мурдагы прокурордун жардамчысы кармалды

Ички иштер министрлигинде ыкчам кеңешме болуп, анын жүрүшүндө Ички иштер министринин орун басары &nbsp;Нурбек Абдиев Кыргыз Республикасынын &quot;Тынчтык жөнүндө&quot; Мыйзамын жана жол кыймылынын эрежелерин одоно бузган учурларды алдын алууга багытталган рейддик иш-чараларды уюштуруп, өткөрүү боюнча так көрсөтмө берди.

Мындай чаралар жарандардан түн ичинде жасалма үн чыгаргыч орнотулган унаалардын катуу үнүнөн улам түшкөн көптөгөн арыз-даттанууларга байланыштуу кабыл алынды. Ошондой эле акыркы убакта скутер жана мопед айдоочуларынын жол эрежелерин одоно бузуу учурлары көбөйгөнү белгиленди.

Иш-чараларга ИИМдин Коомдук коопсуздук кызматынын, Кылмыш иликтөө башкы башкармалыгынын, Жол кыймылынын коопсуздугун камсыздоо башкармалыгынын, Бишкек ШИИББи боюнча Милициянын кайгуул кызматынын кызматкерлери тартылды. &nbsp;Айрыкча катуу үн чыгарып, техникалык талаптарга жооп бербеген унааларды башкаргандарга жана тиешелүү документсиз, коргоочу каражаттарсыз же жол эрежелерин бузуу менен скутер айдагандарга көңүл бурулууда.

Ички иштер министрлиги эскертет: тынчтыкты жана коопсуздукту камсыз кылуу ар бир жол кыймылынын катышуучусунун милдети. Рейддик иш-чаралар туруктуу негизде жүргүзүлүп, ал эми мыйзам бузгандарга карата мыйзам чегинде чаралар көрүлөт.

Белгилей кетсек, жарандардын эс алуусуна, уйкусуна жана кадимки жашоосуна тоскоолдук кылган катуу үн - мыйзам бузуу болуп эсептелет. Мыйзамга ылайык, жумуш күндөрү саат 22:00дөн 07:00гө чейин, ал эми дем алыш жана майрам күндөрү саат 22:00дөн 09:00гө чейин ызы-чуу салууга тыюу салынат.

ИИМдин Басма сөз кызматы

ИИМ жолдордо тынчтыкты жана тартипти камсыз кылуу чараларын күчөттү: түнкү рейддер башталды

ИИМдин Медициналык башкармалыгынын кызматкерлерин жана ардагерлерин кесиптик майрамы менен куттуктайбыз! Сиздердин берилгендигиңиздер жана жогорку кесипкөйлүгүңүздөр - укук коргоо органдарынын кызматкерлеринин ден соолугунун жана коопсуздугунун &nbsp;негизги кепилдиги.

Медицина кызматкерлеринин ырааттуу ишинин аркасында ар бир кызматкер өзүнүн милдеттерин толук кандуу аткарууга мүмкүнчүлүк алып, бекем ден соолукта жана жогорку даярдыкта кызмат өтөйт.&nbsp;

Сиздердин үзүрлүү эмгегиңиздер жана кайратмандыгыңыздар үчүн терең ыраазычылык билдиребиз!

ИИМдин Басма сөз кызматы

Медициналык башкармалык - күч түзүмдөрүндө кызмат өтөгөн кызматкерлердин саламаттыгынын кепилдиги

2025-жылдын 4-июлунда Кара-Балта шаарында Ички иштер министрлиги Өзгөчө кырдаалдар министрлиги, Кыргыз Республикасынын Президентинин Чүй облусу боюнча ыйгарым укуктуу өкүлүнүн аппараты жана жергиликтүү мамлекеттик органдар менен биргеликте уюштурган &ldquo;Коопсуздук-2025&rdquo; интерактивдүү форуму болуп өттү.

&nbsp;Иш-чара коопсуздук, туризмди өнүктүрүү жана колдоо маселелерин талкуулоо үчүн маанилүү аянтча болуп калды. Иш-чаранын негизги милдеттеринин бири-диалог аянтчасын түзүү. Катышуучулар маанилүү маселелерди- укук бузууларды алдын алуу, балдардын коопсуздугу, алардын өнүгүүсү жана тарбиясы үчүн шарттарды түзүү маселелерин талкуулашты. Спикерлер тынчтык жана коопсуздук, үй-бүлөлүк баалуулуктардын маанилүүлүгү, өлкөбүздө туризмди өнүктүрүү тууралуу баяндамалар менен чыгышты.&nbsp;

ИИМдин кызматкерлери кылмыштарды, укук бузууларды, ошондой эле мыйзамсыз миграцияны жана экстремизмди алдын алууга арналган видеороликтерди тартуулашты. Атайын багыттагы полктун милиционерлери иш-чаранын катышуучуларынын кызыгуусун жараткан кесиптик жөндөмдөрүн көрсөтүштү.&nbsp;

Балдар үчүн дене тарбиялык жигердүүлүктү чыңдоо, командалык рухту калыптандыруу максатында спорттук мелдештер жана интерактивдүү оюндар уюштурулду.

&nbsp;Белгилей кетсек, &ldquo;Коопсуздук &ndash; 2025&rdquo; форуму Коомчулуктардын &nbsp;туруктуулугун бекемдөө үчүн глобалдык фондунун (GCERF), &ldquo;Кыргызстандагы SOS-балдардын айылдары&rdquo; коомдук фондунун жана Кыргызстандын Кызыл Жарым Ай коомунун колдоосу менен уюштурулган.&nbsp;

Иш-чара Кыргызстандын башка шаарларында жана облустарында улантылат.&nbsp;

ИИМдин Басма сөз кызматы

“Коопсуздук-2025” форуму: тынчтык, ишенимдүү коргоо жана үй-бүлөлүк баалуулуктардын маанилүүлүгү

Ички иштер министрлигинин Баңгизаттарды мыйзамсыз жүгүртүүгө каршы күрөшүү кызматынын жана Манас аэропортунун Мамлекеттик бажы кызматынын кызматкерлери менен биргеликте тыюу салынган өзгөчө ири өлчөмдөгү дары-дармек препараттарын жеткирүүнүн туруктуу каналын аныкташты жана ага бөгөт коюшту.

Ташуу чет мамлекеттерден Кыргыз Республикасына эл аралык почта жөнөтүүлөр аркылуу ишке ашырылган.

Аталган факты боюнча Кыргыз Республикасынын Кылмыш-жаза кодексинин 282-беренеси менен &nbsp;кылмыш иши козголгон.

Ыкчам иш-чаралардын жүрүшүндө Бишкек шаарынын почта бөлүмдөрүнүн биринде жаран &nbsp;1991-жылы туулган Т.Д. &nbsp;кармалган.

Кармалган жарандан чет өлкөдөн алынып келинген күчтүү таасир берүүчүзаттар-1550 &nbsp;таблетка табылып алынган. Т.Д.нын &nbsp; жашаган жерин тинтүү учурунда 20 психотроптук таблетка, ошондой эле келип чыгышы жана укуктук статусу такталып жаткан &nbsp;башка дары-дармек препараттары табылган.

Белгилей кетсек, алынган препараттар Кыргыз Республикасынын Министрлер Кабинетинин токтомуна ылайык Кыргыз Республикасынын аймагында тыюу салынган заттардын тизмесине киргизилген.&nbsp;

Учурда тиешелүү соттук-химиялык экспертизалар дайындалды. Бул жеткирүү каналына тиешеси бар башка адамдарды аныктоого багытталган ыкчам-тергөө иш-чаралары жүргүзүлүүдө.

Өзгөчө ири өлчөмдөгү психотроптук препараттарды жеткирүү каналына бөгөт коюлду

2025-жылдын 4-июлунда Бишкек-Нарын-Торугарт унаа жолунда 14 жаңы аппараттык-программалык комплекстин даярдыгы текшерилди. Аларды киргизүү &quot;Коопсуз өлкө&quot; масштабдуу долбоорун ишке киргизүүнүн алкагында ишке ашырылууда. 5-июлдан баштап акылдуу камералар кадимки режимде иштей баштайт. 
Долбоор Кыргыз Республикасынын Президентинин Аппаратына караштуу &laquo;Кызмат&raquo; мамлекеттик мекемеси менен биргеликте ишке ашырылууда.

Иш-чарага Кыргыз Республикасынын Ички иштер министринин орун басары, милициянын генерал-майору Октябрь Урмамбетов жана ИИМдин Жол кыймылынын коопсуздугун камсыздоо башкы башкармалыгынын өкүлдөрү катышты.

Авариялык-кооптуу жол тилкелеринде жол кыймылынын эрежелерин бузуу учурларын автоматтык түрдө каттай алган заманбап интеллектуалдык камералар орнотулду. Бул жабдуулар күнү-түнү тынымсыз иштеп, ылдамдыкты ашырууну, тыюу салынган белгиге өтүүнү, жол белгилерин бузууну, коопсуздук куурдун болушун, ошондой эле жасалма мамлекеттик номерлерди жана башка жолдогу кооптуу мыйзам бузууларды аныктай алат.

Мындан сырткары, аталган жол бөлүгүндө ар 5 чакырым сайын көчмө аппараттык-программалык комплекстер (треноги) колдонулуп, &laquo;Автоураган&raquo; системасы менен жабдылган 7 патрулдук автоунаа кызмат өтөйт. Бул система жол эрежелерин бузган учурларды гана эмес, издөөдө жүргөн, айып пулдарын төлөбөгөн, соттун чечими менен каттоосу убактылуу токтотулган унааларды да автоматтык түрдө аныктайт.

Бул системанын ишке кириши айдоочулардын тартибин жогорулатып, жол кырсыктарынын санын азайтууга жана жалпы жол коопсуздугун күчөтүүгө багытталган.

ИИМдин Басма сөз кызматы

"Коопсуз өлкө" долбоорунун акылдуу камералары иштей баштады

Тилекке каршы, жарандарды экстремисттик жана радикалдык топторго тартуу учурлары дагы деле кездешип жатат.&nbsp; 
Кылмышкерлер адамдарды радикалдык коомдоштуктарга тартуу үчүн ар кандай ыкмаларды, анын ичинде психологиялык таасир этүүнү жана манипуляцияларды колдонушат.&nbsp; 
Ички иштер министрлиги жарандарды сак болууга, чагымчылдыкка жана мыйзамга каршы ишмердүүлүккө тартуу аракеттерине алдырбоого чакырат. Күмөндүү жагдайлар же байланыштар пайда болгон учурда-дароо ички иштер органдарына кайрылыңыз.&nbsp; 
Биргелешкен аракеттер менен гана биз экстремизмге каршы туруштук берип, коомдогу коопсуздукту сактай алабыз.&nbsp;

Сак болуңуз-азгырыктарга алдырбаңыз

Бүгүн Кыргыз Республикасынын ИИМдин Жол кыймылынын коопсуздугун камсыздоо башкы башкармалыгынын (ЖКККББ) түзүлгөндүгүнүн 89 жылдыгы белгиленүүдө.

Дал ушул милиция кызматкерлери күн сайын жолдордо тартипти сактап, өлкө аймагындагы миңдеген айдоочулар менен жөө жүргүнчүлөрдүн коопсуздугун камсыз кылып келишет. &nbsp;Алардын кызматы жогорку жоопкерчиликти, кесипкөйлүкту жана чыдамдуулукту талап кылат.

Кыргыз Республикасынын Ички иштер министрлиги Жол кыймылынын коопсуздугун камсыздоо башкы башкармалыгынын өздүк курамын жана ардагерлерин кесиптик майрамы менен куттуктап, татыктуу кызматы, кесипке берилгендиги жана жоопкерчилиги үчүн ыраазычылык билдирет.

Сиздердин үзүрлүү эмгегиңердин артында жарандардын өмүрү менен ден соолугу корголуп, жол кыймылы үчүн коопсуз шарттар түзүлүп, коомдук тартип бекемделүүдө.

Жол кыймылынын коопсуздугу &mdash; коомдук коопсуздуктун негизги булагы.

ИИМдин Басма сөз кызматы

89 жыл - жол кыймылынын коопсуздугун камсыздоодо

2025-жылдын 2-4-июлунда Ысык-Көлдүн жээгинде Бириккен Улуттар Уюмунун (БУУ) Коопсуздук Кеңешинин &quot;Аялдар, тынчтык жана коопсуздук&quot; 1325-резолюциясын ишке ашыруу максатында 2025-2027-жылдарга Улуттук иш-аракеттер планын жакшыртуу боюнча ведомстволор аралык жумушчу топтун мүчөлөрү үчүн семинар өтүүдө.

Иш-чара Кыргыз Республикасынын Ички иштер министрлигинин координациясында жана &laquo;Кыргызстандагы тынчтык үчүн жарандык коомдун аялдар уюмдары&raquo; (2022&ndash;2025) долбоорунун алкагында, Аялдар- БУУнун, БУУнун Азык-түлүк жана айыл чарба уюмунун жана БУУнун Тынчтыкты куруу Фондунун колдоосу менен өткөрүлүүдө.

Семинардын ачылышында Ички иштер министрлигинин орун басары милициянын генерал-майору Эркебек Аширходжаев аялдардын тынчтык жана коопсуздук маселелерине катышуусун кеңейтүүгө, кризистик жана кагылышуу учурларында алардын укуктарын коргоого багытталган ишенимдүү жана натыйжалуу иш- аракеттер планын иштеп чыгууда биргелешкен эмгектин маанилүүлүгүн баса белгиледи. Ал Ички иштер министрлиги үчүн бул ишмердүүлүктө координациялык ролду аткаруу чоң сыймык экенин айтып, эл аралык өнөктөштөргө колдоо көрсөткөндүгү үчүн ыраазычылык билдирди.

Иш-чарада климаттык тобокелдиктердин күчөшү жана алардын тынчтык менен коопсуздукка тийгизген таасири менен байланышкан маселелери каралып, климаттык туруктуулук, азык-түлүк жана суу коопсуздугундагы саясаттарга гендердик мамиленин интеграцияланышы боюнча механизмдер талкууланууда. Өзгөчө көңүл аялдардын чечим кабыл алуу процесстериндеги ролун кеңейтүүгө бурулду.

Семинардын жыйынтыгы боюнча иш-аракеттердин Улуттук планын толуктап иштеп чыгуу мерчемделүүдө, ал климаттын өзгөрүү шарттарында туруктуу өнүгүүнүн жана тынчтыкты куруунун Заманбап чакырыктарын эске алат. Ошондой эле ведомстволор аралык өз ара аракеттенүүнү бекемдөө боюнча мындан аркы кадамдар аныкталат.

ИИМдин Басма сөз кызматы

Кыргызстанда аялдардын тынчтык жана туруктуу өнүгүү маселелериндеги катышуусу күч алууда

&nbsp;

2025-жылдын 1-июлунда Ысык-Көл облусунун Чолпон-Ата шаарында Кыргыз Республикасынын Ички иштер министрлиги, Өзгөчө кырдаалдар министрлиги, Кыргыз Республикасынын Президентинин облустардагы ыйгарым укуктуу өкүлдөрү жана жергиликтүү бийлик органдарынын биргелешкен демилгеси менен уюштурулган &laquo;Коопсуздук - 2025&raquo; форуму болуп өттү.&nbsp;

Форумдун негизги максаты - коопсуздук эрежелерин сактоо тууралуу маалымдоо, коопсуз туризмди өнүктүрүү жана анын туруктуу өнүгүүсү боюнча сунуштарды жеткирүү, ошондой эле калк арасында кырсыктарды алдын алуу максатын көздөйт.&nbsp;

Иш-чарага Ички иштер министрлигинин орун басары милициянын генерал-майору Октябрь Урмамбетов, жергиликтүү бийлик өкүлдөрү, Ысык-Көл облусунун ОИИБдин жетекчилиги жана өздүк курамы, ошондой эле башка мамлекеттик мекемелердин өкүлдөрү жана көп сандаган балдар менен жаш муундар катышты.

Октябрь Урмамбетов өз сөзүндө, Министрлик тарабынан өлкө аймагында калк арасында коопсуз туризм маданиятын калыптандыруу, бөөдө кырсыктардын алдын алуу жана коопсуздук эрежелерин сактоо боюнча түшүндүрүү-агартуу иштерин туруктуу жүргүзүп келе жатканын баса белгиледи.

&laquo;Туризм &ndash; Кыргызстан экономикасынын негизги тармактарынын бири болуп саналат. Бирок коопсуздук эрежелерин сактабагандыктан жаракат алуу, сууга чөгүү жана жол кырсыктары сыяктуу кырсыктар көп катталууда. Туристтик мезгилде коомдук коопсуздукту камсыз кылуу - туруктуу туризмдин негизги шарты. Биз заманбап атайын техникаларды пайдаланып, коопсуздукту жогорулатуу багытында иш алып баруудабыз&raquo;, - деди министрдин орун басары.

Иш-чаранын жүрүшүндө ИИМдин кызматкерлери коопсуз жүрүм-турум эрежелерин сактоо, үй-бүлөлүк зомбулукка каршы күрөшүү, мыйзамсыз миграциянын жана экстремизмдин алдын алуу боюнча түшүндүрүү иштерин жүргүзүштү. Өзгөчө өзүн-өзү коргоо жана үй-бүлөлүк баалуулуктарды бекемдөө маселелерине көңүл бурулду.&nbsp;

Ошондой эле, милиция кызматкерлери атайын техникалардын көргөзмөсүн жана ар кандай турмуштук кырдаалдардагы коопсуздук эрежелери жөнүндө жарандарга маалымат берүүгө багытталган видеоматериалдардын көрсөтүлүшүн уюштурушту. Мындан тышкары, ИИМ кызматкерлери Өзгөчө кырдаалдар министрлиги менен биргеликте балдар менен жаштар үчүн коопсуз жүрүү көндүмдөрүн калыптандырууга багытталган интерактивдүү оюндарды жана спорттук мелдештерди өткөрүштү.

Форумдун соңунда сынактар өтүп, жеңүүчүлөр сыйланып, концерттик программа менен ички иштер органдарынын ишмердүүлүгүнө арналган көркөм тасмаларды &nbsp;көрсөтүү менен аяктады.

&laquo;Коопсуздук - 2025&raquo; форумы тажрыйба алмашуу, маалымдуулукту жогорулатуу жана коопсуздук менен туризмди туруктуу өнүктүрүү чөйрөсүндө кызматташтыкты бекемдөө үчүн маанилүү аянтча болуп калды.

Ысык-Көл облусунда «Коопсуздук – 2025» аттуу форуму болуп өттү

2025-жылдын 30-июнунан 2-июлуна чейин Кытай Эл Республикасынын Коомдук коопсуздук министрлигинин Шэньси провинциясынын коомдук коопсуздук департаментинин башчысынын орун басары Ян Шанвэй жетектеген делегациясы Кыргыз Республикасына расмий сапары менен келген.

Иш сапардын алкагында, 1-июль күнү Кыргыз Республикасынын Ички иштер министринин орун басары, милициянын генерал-майору Октябрь Урмамбетов Ян Шанвэй мырза менен жолугушту.

Жолугушууда эки тараптын укук коргоо органдарынын ортосундагы кызматташууну чыңдоо жана тажрыйба алмашуу маселелери талкууланды. Өзгөчө көңүл коомдук тартипти камсыз кылуу, укук бузуулардын алдын алуу жана кызматкерлердин кесиптик даярдыгын жогорулатуу боюнча өз ара аракеттенүүнү кеңейтүү мүмкүнчүлүктөрүнө бурулду.

Иш-чаранын жыйынтыгында тараптар мындан ары да өз ара урматтоо жана ишеним негизинде натыйжалуу байланышты улантууга жана өнөктөштүк мамилени бекемдөөгө даяр экендиктерин билдиришти.

Кыргызстан менен Кытай коомдук коопсуздук тармагындагы кызматташтыкты бекемдөөдө.

Жакынкы күндөрү жалпы билим берүү мекемелеринин бүтүрүүчүлөрүнө мамлекеттик үлгүдөгү билими жөнүндө документтерди тапшырууга арналган салтанаттуу иш-чаралар өткөрүлөт.&nbsp;

Жогорудагы иш-чарага ылайык, өлкө ичинде орун алган жалпы билим берүү мекемелеринде, коомдук жайларда, көчөлөрдө коомдук тартипти жана жол кылмылынын коопсуздугун камсыздоо максатында милиция кызматкерлери күчөтүлгөн тартипте кызматын өтөшөт.

Коомдук эс алуучу жайларда, калктуу аймактардан сырткары жайларда, анын ичинде тоолордо, токойлордо, көлмөлөрдө жана көлдүн жээгинде ички иштер органдарынын кайгуулдары уюштурулуп, бүтүрүүчүлөр ата-энелер менен топтошуп, көңүл ачууларына бөгөт коюу иштерин күчөтүшөт.&nbsp;

Коомдук эс алуу жайларында, жолдордо бүтүрүүчүлөр аралашкан жол кырсыктарын алдын алуу жана ага жол бербөө максатында ички иштер органдарынын мобилдик кайгуул маршруттары иш алып барат.&nbsp;

Бул көрүлүп жаткан чаралар бүтүрүүчүлөрдүн ар кандай терс көрүнүштөргө аралашуусун, жол кырсыктарына дуушар болуусун алдын алууга багытталган.

Жалпы иш-чарага тартылган ИИОнун кызматкерлеринин арасында мыйзамдуулукту жана кызматтык тартипти сактоого багытталган нускамалар өткөрүлүп жатат.

ИИМдин Басма сөз кызматы

Бүтүрүүчүлөргө мамлекеттик үлгүдөгү билими жөнүндө документтерди тапшыруу учурунда коомдук тартип камсыздалат

Кыргызстан - көп улуттуу өлкө, анда 80ден ашуун улуттун өкүлдөрү тынчтыкта жана ынтымакта жашашат. Ар бир элдин өзүнүн салттары, маданияты жана каада-салттары бар. Бирок, бизди бириктирген дагы көп нерселер бар: биз &mdash; урматтоого, ырайымдуулукка жана тынчтыкка умтулган бирдиктүү жалпы баалуулуктарга ээ болгон бир элбиз.

Биз ишенебиз: биздин өлкөбүздө жашаган бардык жарандардын ортосундагы биримдик жана өз ара сый-урмат туруктуулуктун, коопсуздуктун жана өнүгүүнүн бекем негизи болуп саналат.&nbsp;

Кыргыз Республикасынын Ички иштер министрлиги жарандарды бири-бирин урматтоого, сабырдуу болууга жана жалаа чыгымдарга алдырбоого чакырат. Биргелешип, өз ара макулдашуу жана биримдик рухунда гана биз күчтүү, тынч жана ынтымакта жашаган коомду кура алабыз.

КР Ички иштер министрлиги улуттардын достугун бекемдөөгө жана коомдогу жалпы ынтымакты сактоого өзгөчө көңүл бурат

ИИМдин Коомдук коопсуздук кызматы тарабынан үй-бүлөлүк зомбулукту алдын алуу боюнча эки айлык иш-чаралардын алкагында мамлекеттик органдардын кызматкерлерине алдын алуу түшүндүрүү иштери жүргүзүлүүдө.&nbsp;

2025-жылдын 27-июнунда милиция кызматкерлери Кыргыз Республикасынын Маданият, маалымат жана жаштар саясаты министрлигинин кызматкерлерине үй-бүлөлүк зомбулук үчүн Кыргыз Республикасынын Укук бузуулар жөнүндө жана Кылмыш-жаза кодекстеринде каралган жоопкерчилик тууралуу атайын даярдалган презентацияларды көрсөтүштү.

Өзгөчө көңүл балдардын укуктарын коргоого бурулуп, Бишкек шаарынын Мэриясынын зордук&mdash;зомбулуктан жана ырайымсыз мамиледен жабыркаган балдарга жардам берүү борборунун өкүлдөрү тарабынан балдарга карата зомбулуктун кесепеттери баяндалып, алдын алуу максатында видеороликтер көрсөтүлүп, маалыматтык баракчалары таратылды.

Иш-чара кызуу талкууну жаратып, социалдык маселенин маанилүүлүгүн баса белгиледи.

Белгилей кетсек, иш-чара КР Президентинин Администрациясынын тапшырмасы менен үй-бүлөлүк зомбулуктун алдын алуу жана жоопкерчилик тууралуу мамлекеттик кызматкерлердин маалымдуулугун жогорулатуу максатында өтүүдө.

ИИМдин кызматкерлери мамлекеттик кызматкерлер арасында үй-бүлөлүк зомбулукту алдын алуу боюнча иш-чараларды өткөрүүдө

Ички иштер министрлигинин Тергөө кызматына жаран С.А. &nbsp;арыз менен кайрылып, анда Чүй облусунун Аламүдүн райондук сотунун кызматкерлерине карата чара көрүүнү суранган. Арыздануучунун айтуусунда, алар андан иш боюнча оң чечим чыгаруу үчүн акча талап кылышкан.&nbsp; 
Бул факты боюнча Кылмыш-жаза кодексинин 343-беренесинде (Опузалап пара алуу) көрсөтүлгөн кылмыштын белгилери боюнча кылмыш иши козголгон.&nbsp; 
Тергөө учурунда Аламүдүн райондук сотунда жаран С.А. боюнча Кылмыш-жаза кодексинин 206-беренесинде (тоноо) көрсөтүлгөн кылмыш иши каралып жатканы аныкталган. Сот процессинин жүрүшүндө соттолуучу С.А. &nbsp;төрагалык кылуучу сот Ж.Ш.Б.га сот процессин жылдыруу өтүнүчү менен кайрылган. &nbsp;Ага Ж.Ш.Б. макул болуп, 30 000 сом өлчөмүндө акча талап кылган. Мындан тышкары, Ж.Ш.Б. ишти оң жагынан чечүү үчүн соттолуучу С.А.дан 1000 АКШ долларын талап кылган. Жогорудагы талап кылынган акча каражаты &nbsp;сотко &nbsp;жеткирип берүү үчүн жаран Б.К.га берилген.&nbsp; 
Ыкчам-издөө иш-чараларын жүргүзүү учурунда Б.К.нын үйүнөн сот Ж.Ш.Б.га арналган белгиленген акчалар табылган. Тергөөнүн жыйынтыгы боюнча шектүү Б.К. Бишкек шаарынын ИИББнын убактылуу кармоочу жайына киргизилип, &nbsp; Кылмыш-жаза кодексинин 41-беренесинин 1-бөлүгү/ 343-беренеси (пара талап кылууга шериктештик) боюнча кылмыш жоопкерчилигине тартылды. 
&nbsp;Мындан тышкары, Кыргыз Республикасынын Соттор кеңеши сот Ж.Ш.Б.ны кылмыш жоопкерчилигине тартууга макулдук берген.&nbsp; 
2025-жылдын 27-июнунда Чүй облусунун Аламүдүн райондук сотунун соту 1982-жылы туулган Ж.Ш.Б. кармалып, Бишкек шаарынын ИИББнын убактылуу кармоочу жайына киргизилди. Тергөө амалдары уланууда.&nbsp;

Опузалап пара алууга шектүү катары сот кармалды

2025-жылдын 26-27-июнь күндөрү Ички иштер министрлигинин &ldquo;Күчтүк үч-түрдүүлүк&rdquo; (таяк-тартыш, гиря көтөрү, аркан тартыш) боюнча биринчилиги өткөрүлдү.&nbsp;

Бул спорттук иш-чара Ички иштер министрлигинин &nbsp;Кадрлар башкы башкармалыгы тарабынан уюштурулду.

Командалык эсепте 1-орунду ИИМдин Кадрлар башкы башкармалыгынын командасы, 2-орунду ИИМдин Кылмыш иликтөө башкы башкармалыгынын командасы, 3-орунду ИИМдин Баңгизаттарды мыйзамсыз жүгүртүүгө каршы күрөшүү кызматынын командасы ээледи.&nbsp;

Жеңүүчүлөр медаль, диплом, кубок жана акчалай сыйлык менен сыйланды.

Эскерте кетсек, жеңүүчүлөр 16-20-июль күндөрү Ысык-Көл облусунун Чолпон-Ата шаарында өтө турган ИИМдин чемпионатына Борбордук аппараттын атынан катышат.&nbsp;

Мындай иш-чаралар кызматкерлердин физикалык даярдыгын чыңдоо, өздүк курам арасында ынтымакты бекемдөө максатында уюштурулуп келет.&nbsp;

Күчтүк үч-түрдүүлүк”боюнча биринчилиги өткөрүлдү

Ички иштер органдарынын кызматкерлери тарабынан социалдык тармактарга жүргүзүлгөн мониторингдин жүрүшүндө Instagram социалдык тармагында &laquo;asanov_live&raquo; деген аталыштагы аккаунт аныкталган.&nbsp; 
Аталган баракчага өлкөнүн жогорку жетекчилигинин дарегине агрессивдүү жана басмырлаган түрдө, этикалык нормаларды одоно бузуу менен сүйлөгөн белгисиз жарандын видеосу жайгаштырылган. 
&nbsp;Бул видеоматериал Кыргыз Республикасынын мыйзамдарына ылайык укук бузуунун белгилери бар экендиги боюнча каралууда. 
&nbsp;Жүргүзүлгөн иш-чаралардын натыйжасында, видеодо тартылган адам 1985-жылы туулган А.Т.Т. &nbsp;экендиги аныкталды. Ал кармалып, Бишкек &nbsp;ШИИББнын убактылуу кармоочу жайына киргизилди.&nbsp; 
Мындан тышкары, жаран А.Т.Т. &nbsp; Кылмыш-жаза кодексинин 205-беренеси (уурдоо) боюнча Ленин райондук ИИБи тарабынан издөөгө алынып жаткандыгы аныкталган.&nbsp;

Коомдук адеп-ахлакты бузуу белгилерин камтыган видеонун таралышы жана издөөдө жүргөн жарандын кармалышы боюнча

Акыркы мезгилде жарандарды экстремисттик жана радикалдуу топторго үгүттөө учурлары көбөйүүдө. Шектүүлөр ар кандай ыкмаларды колдонушат &ndash; жеке байланыштардан жана социалдык тармактардан тартып, сезимдерди алдоо жана манипуляциялоого чейин колдонушат.

ИИМ жарандарды сак болууга, экстремисттик уюмдарга азгырылбоого жана шектүү аракеттер жөнүндө ички иштер органдарына токтоосуз билдирүүгө чакырат.

Биргеликте биз экстремизмди токтотуп, коомубуздун коопсуздугун камсыздай алабыз.

ИИМдин Басма сөз кызматы

Сак болуңуздар: үгүттөргө алданбаңыздар!

2025-жылдын 26-июнунда ИИМдин Кылмыш иликтөө башкы башкармалыгынын жана ИИМдин Академиясынын кызматкерлери Кыргыз Республикасынын Министрлер Кабинетине караштуу Мамлекеттик мүлктү башкаруу боюнча мамлекеттик агенттигинин кызматкерлерине &laquo;Мамлекеттик кызматтагы этика жана коррупциялык тобокелдиктердин алдын алуу: заманбап ыкмалар жана чакырыктар&quot;, аттуу лекция өткөрүштү.

Иш-чаранын жүрүшүндө мамлекеттик кызматта антикоррупциялык маданиятты калыптандыруунун заманбап ыкмалары, коомдун мамлекеттик институттарга болгон ишенимин бекемдөөдөгү этикалык жүрүм-турумдун мааниси, ошондой эле мамлекеттик кызматкерлердин күнүмдүк ишинде жаралчу негизги чакырыктар кеңири талкууланды. Өзгөчө көңүл кызыкчылыктардын кагылышын болтурбоо, ички көзөмөл механизмдерин өркүндөтүү жана эл аралык антикоррупциялык стандарттарды колдонуу маселелерине бурулду.

Катышуучулар активдүү талкууга катышып, өздөрүн кызыктырган маселелер боюнча суроолорду берип, кеңири жооп алышты.&nbsp;

Мындай жолугушуулар мамлекеттик кызматтын кесиптик жана моралдык негиздерин чыңдоого, антикоррупциялык түшүнүктү калыптандырууга жана мамлекеттик мүлктү башкарууда натыйжалуу моделдерди иштеп чыгууга өбөлгө түзөт.

ИИМдин кызматкерлери тарабынан мамлекеттик кызматкерлерге лекция өткөрүлдү

2025-жылдын 25-июнь күнү Ички иштер министрлигинин милициянын генерал-майору Ж.Ш. Шабиров атындагы Республикалык окуу борборунун түзүлгөндүгүнүн 100 жылдык мааракеси белгиленип, салтанаттуу иш-чара өткөрүлдү.

Салтанаттуу иш-чарага ички иштер министри милициянын генерал-лейтенанты Улан Ниязбеков, мурунку премьер-министри Феликс Кулов, мурунку ички иштер министри Абдылда Суранчиев, ИИМдин Генералдар кеңешинин төрагасы Садырбек Дубанаев, Бишкек шаарынын вице-мэри Жамалбек Ырсалиев, Россия Федерациясынын Омск Академиясынын башчысынын орун басары Владимир Гусев, ИИМдин кызматтарынын башчылары, Борбордун ардагерлери жана өздүк курамы, ошондой эле башка чакырылган коноктор катышты.

Иш-чара милициянын генерал-майору Ж.Ш.Шабировдун эстелигине гүлчамбар коюп, эскерүү менен башталды. &nbsp;

Андан соң, окуу борборунун түзүлгөн күнүнүн урматына карата ийгиликке жетишкен кызматкерлер менен ардагерлерге ИИМдин сыйлыктары тапшырылды.

Ички иштер министри Улан Ниязбеков өз сөзүндө, иш-чаранын конокторун жана кызматкерлерин борборунун түзүлгөндүгүнүн 100 жылдык мааракеси менен коллегия мүчөлөрүнүн жана жеке өзүнүн атынан куттуктап, мекен үчүн кызмат кылуунун маанилүүлүгүн жана заманбап технологияларды колдонуу менен кадрларды даярдоодогу жетишкендиктерди белгиледи.

&ldquo;Мекен үчүн кызмат кылуу &ndash; бул өтө бийик жоопкерчилик. Бул жоопкерчиликти алгачкылардан болуп кабыл алып, биз үчүн кесипкөйлүктүн үлгүсү болгон Жапар Шабиров болду. Анын эмгеги түбөлүккө эсте калат жана жогору бааланат. Окуу борбордун тарыхы, чыгаан инсандарга бай экендигин, алардын аттары тарыхыбызда алтын тамгалар менен жазылып калгандыгын дайыма айтып жүрүүгө милдеттүүбүз. Биз, чыгаан инсандарыбыздын куруп кеткен коопсуздук жолун улай, өз милдеттерибизди аткарып, элибизге ак кызматыбызды өтөй беребиз демекчимин.&nbsp;

Акыркы төрт жарым жылда &ldquo;кыргыз милициясында&rdquo;, анын ичинде ушул окуу борбордо чукул бурулуштар жасалды. Президентибиз Садыр Жапаровдун түздөн-түз көмөгү менен санариптешкен жаңы милиция системасын түздүк. Ааламдашуу доорунун талаптарынан артта калбай, жаш курсанттарды санариптик ыкмаларга окутуп-үйрөтүү боюнча заманбап класстарды, электрондук китепканаларды ачып, жаңы көз караштагы жүздөгөн технологияларды алып, ишке киргиздик.

Жаш кадрларды даярдоо боюнча ондогон мамлекеттердин Ички иштер министрликтери менен байланышты күчөттүк. Окуу борбордун мугалимдери Турция, Египет, Австрия, Венгрия, Россия, Казакстан сыяктуу мамлекеттерге барып, атайын даярдыктан өтүп келишти.

Мындан ары дагы, көптөгөн күжүрмөн эмгектерди жасап, тынымсыз иш-аракеттерди жүргүзүп, байсалдуу жолубузду улантып, ийгиликтерге жетишип, бийик ашууларды сиздер менен биргеликте багындыра беребиз демекчимин.

Баарыңыздарды, дагы бир жолу 100 жылдык мааракеңиздер менен куттуктайм!&quot;, &ndash; деди ал.

Маараке ачык асман алдында өтүп, Борбордун талапкерлеринин курал колдонуу жана күжүрмөн самбо ыкмалары, ИИМдин Кинология борборунун кызматтык иттеринин көрсөтмөлөрү, ошондой эле вальс жана милиция маршы менен коштолду.

Иш-чаранын жүрүшүндө, конокторго электрондук тир бөлмөсүнө, музейге, атайын адистештирилген окуу бөлүмдөрүнө, ошондой эле &ldquo;Айдоочуларды даярдоо&rdquo; борбору менен &ldquo;Мониторинг&rdquo; борборлоруна экскурсия уюштурулуп, саптык аянтчада ИИМдин санариптештирүү багытындагы жетишкендиктери боюнча көрсөтмөсү көргөзүлдү. Андан соң майрам жайкы спорт аянтчасында концерттик программа менен жыйынтыкталды.

ИИМдин Республикалык окуу борбору - 100 жылдык окуу жана өнүгүү жолу

2025-жылдын 23-июнь күнү Р.И. аттуу жарандын бутуна бычак сайып, Кыргыз Республикасынын Кылмыш-жаза кодексинин 280-беренесине (Бейбаштык) ылайык козголгон кылмыш иши боюнча шектүү катары суралып жаткан И.И. аттуу жаран маселени оң жагына чечүү максатында милиция кызматкерине пара сунуштаган.

Аталган факты Тергөө кызматы тарабынан Кыргыз Республикасынын Кылмыш-жаза кодексинин 345-беренесинин (Пара берүү) боюнча кылмыш иши козголгон.&nbsp;

Ыкчам иш-чараларынын жүрүшүндө, ИИМдин кызматкерлери тарабынан кызматтык бөлмөдө милиция кызматкерине 15 000 сом акча каражатын берип жаткан жеринен 1996- жылы туулган И.И. аттуу жаран кармалган.&nbsp; 
&nbsp; 
Азыркы учурда шектүү Кыргыз Республикасынын КЖПКнын 96-беренесинин негизинде, Ош ШИИБдин убактылуу кармоочу жайына киргизилди.

Ошто милиция кызматкерине пара берүү фактысы боюнча кылмыш иши козголду.

Кыргыз Республикасынын ИИМдин милициянын генерал-майору Ж.Ш. Шабиров атындагы Республикалык окуу борбору 100 жылдык мааракесин белгилеп, өткөн кылымдын тарыхын, түпкүлүктүү баалуулуктарын жана азыркы жаңы ыкмалар менен жетишкендиктерди бириктирип келет. Бул борбор мекенибиздин коопсуздугу үчүн кызмат кылган кесипкөй адистерди даярдоодо маанилүү кадамдарды басып өтүүдө.

100 жыл - тарыхы, баалуулуктары жана заманбап жетишкендиктери

20-июнда Ички иштер министрлигинин кызматкерлери Бишкек шаарындагы мектептердин директорлору менен окуу процессин уюштуруу жана окуучулардын коопсуздугуна тиешелүү болгон маанилүү маселелерди талкуулоо үчүн жолугушуу өткөрүштү.&nbsp; 
Иш-чарага Бишкек шаарынын вице-мэри Виктория Мозгачева, Билим берүү департаментинин директору Рахат Мусаева, ИИМдин Кылмыш иликтөө башкы башкармалыгынын өкүлдөрү, райондук билим берүү башкармалыктарынын башчылары катышты.&nbsp; 
Иш-чаранын жүрүшүндө &nbsp;бийлик органдарынын, билим берүү тутумунун жана укук коргоо органдарынын өсүп келе жаткан муунду тарбиялоо жана коргоо ишиндеги тыгыз байланышынын маанилүүлүгү баса белгиленди.&nbsp; 
Талкуулоо иштиктүү маанайда өттү. Өзгөчө мектептин ишмердүүлүгүнүн ачыктыгына, атап айтканда ата-энелерден акча чогултууга жол бербөөгө, окуу жайларындагы учурдагы оңдоп-түзөөлөргө көзөмөлдү жөнгө салууга жана бүтүрүүчүлөргө аттестаттарды так жана уюшкандыкта берүүнү камсыз кылууга көңүл бурулду. &nbsp; &nbsp; 
Бүтүрүү кечелеринин темасыда талкуу чордонунда болуп, ИИМдин өкүлдөрү мындай иш-чараларды ата-энелердин өткөрүшүнө катуу тыюу салынганын эскертишти. Мунун баары балдардын коопсуздугу жана алардын үй-бүлөлөрүнүн тынчтыгы үчүн жасалып жаткандыгы эскертилди. Кеңешме билим берүү тутуму менен укук коргоо органдарынын ортосундагы ачык диалогго карай дагы бир кадам болду.&nbsp;

Милиция кызматкерлери Бишкек шаарындагы мектептердин директорлору менен жолугушту

Жайкы эс алуу мезгилинин башталышы менен Кыргыз Республикасынын Ички иштер министрлиги жарандарга турак жайларынан уурулуктун алдын алуу үчүн коопсуздук чараларын сактоо зарылдыгын эскертет.

Ыкчам кырдаалдын талдоосу көрсөткөндөй, жай мезгилинде турак жай ээлери жок болгон учурда уурулуктун саны көбөйгөнү байкалууда. Кол салгандар узак убакыт бою эч ким келбеген жана эч кандай көзөмөл жок батирлерди тандашат.

Өз мүлкүңүздү коопсуз кылуу үчүн ИИМ төмөнкү сунуштарды берет:

-Эшиктерди, терезелерди жана балкондорду бекем жабыңыз; 
-Үйдө ири суммадагы акча каражаттарын жана баалуу буюмдарды калтырбаңыз; 
-Мүмкүнчүлүк болсо сигнализация же видео көзөмөл орнотуңуз; 
-Сиз үйдө жок болгон учурда туугандарыңыздан, кошуналарыңыздан же тааныштарыңыздан батирди кээде карап турууну сураныңыз; 
-Социалдык тармактарда сиздин эс алууга кеткендигиңизди жарыялабаңыз.

КР ИИМ эскертет: сактык &mdash; сиздин мүлкүңүздүн сакталышынын кепилдиги. Турак жайга уруксатсыз кирүү аракеттери же башка шектүү иш-аракеттер байкалган учурда ички иштер органдарына 102 кыска номуру аркылуу тез арада кабарлаңыз.

ИИМдин Басма сөз кызматы

КР ИИМ жарандарды жайкы эс алуу мезгилинде мүлкүн коргоо чараларын көрүүгө чакырат

Ысык-Көл облусунун аймагында Жамааттык коопсуздук келишими уюмуна (ЖККУ) мүчө мамлекеттердин киберкоопсуздук боюнча I Эл аралык конференциясынын, ЖККУнун Консультациялык координациялык борборунун (ККБ) Кеңешинин отурумунун жана ЖККУга мүчө мамлекеттеринин өкүлдөрүн бириктирген Конференцияны өткөрүүгө арналган Улуттук киберокутуулардын салтанаттуу ачылышы болуп өттү.&nbsp; 
&nbsp; Ачылыш аземин Кыргыз Республикасынын Министрлер Кабинетинин Төрагасынын орун басары &ndash; Кыргыз Республикасынын Улуттук коопсуздук мамлекеттик комитетинин төрагасы генерал-полковник Камчыбек Ташиев жетектеди.&nbsp; 
Ошондой эле, аземде Россия Федерациясынын Коопсуздук Кеңешинин катчысынын орун басары Алексей Шевцов, ЖККУнун Башкы катчысы Имангали Тасмагамбетов, Кыргыз Республикасынын ички иштер министринин орун басары милициянын генерал-майору Нурбек Абдиев жана ЖККУга, КМШга жана ШКУга мүчө мамлекеттердин &nbsp;өкүлдөрү сөз сүйлөштү.&nbsp; 
Конференцияга укук коргоо органдарынын, мамлекеттик мекемелердин жетекчилеринен жана адистеринен, ошондой эле маалыматтык технологиялар жана киберкоопсуздук чөйрөсүндө иштеген ири корпоративдик түзүмдөрдүн өкүлдөрүнөн турган 150дөн ашуун катышуучу катышты. Катышуучулардын арасында ЖККУга мүчө болгон бардык өлкөлөрдүн өкүлдөрү, ошондой эле ШКУга жана КМШга мүчө мамлекеттердин делегациясы бар.&nbsp; 
Санариптик технологиялардын тездик менен өнүгүшү жана кибермейкиндиктеги коркунучтардын өсүшү шартында региондогу өлкөлөр маалыматтык мейкиндиктин жана өтө маанилүү инфраструктуранын коопсуздугун камсыз кылуу үчүн биргелешкен жана координацияланган аракеттердин зарылдыгын маанилүү деп эсептешет.&nbsp;

Ички иштер министринин орун басары ЖККУнун киберкоопсуздук боюнча Эл аралык конференциясына катышты

ИИМдин Баңгизаттарды мыйзамсыз жүгүртүүгө каршы күрөшүү кызматынын жана Тергөө кызматынын кызматкерлери тарабынан атайын операция ийгиликтүү жүргүзүлүп, баңгизаттарды мыйзамсыз жүгүртүү менен алектенген кылмыштуу топтун ишмердүүлүгүнө бөгөт коюлду. 
Тергөөнүн жана ыкчам-иликтөө иш-чараларынын жүрүшүндө баңгизатты мыйзамсыз жүгүртүү менен алектенген топтун активдүү мүчөлөрү кармалды: 1966-жылы туулган М.Б., 2004-жылы туулган М.М.А., 1987-жылы туулган С.А.Т., ошондой эле уюштуруучу катары шектелип жаткан 1997-жылы туулган А.У.А.. Кармоо иштери бир нече дарек боюнча бир убакта жүргүзүлүп, шектүүлөрдүн качып кетүүсүнө жана далилдерди жок кылууга жол берилген жок.

Кармалгандардын жашаган жерлеринде жана атайын жабдылган жашыруун жерлерде жүргүзүлгөн тинтүү иштеринин жыйынтыгында төмөнкүлөр табылып, алынган: 
&nbsp;&nbsp; &nbsp;&bull;&nbsp;&nbsp; &nbsp;Афганистанда өндүрүлгөн жалпы салмагы 78 к.г 660 гр. болгон баңгизаттар: апийим &mdash;18 кг. 385 гр., &nbsp;гашиш &mdash; 60 кг. 275 гр.; 
&nbsp;&nbsp; &nbsp;&bull;&nbsp;&nbsp; &nbsp;Улуттук жана чет өлкөлүк валюталардагы ири суммадагы акча каражаттары: 40 700 АКШ доллары, 8 000 000 өзбек суму жана 303 000 сом; 
&nbsp;&nbsp; &nbsp;&bull;&nbsp;&nbsp; &nbsp;Электрондук таразалар, таңгактоочу материалдар жана башка баңгизат соодасына байланыштуу буюмдар.

Бул факты боюнча Кыргыз Республикасынын Кылмыш-жаза кодексинин 282-беренесинин 2-бөлүгү боюнча кылмыш иши козголуп, тергөө иштери жүргүзүлүүдө. Ошондой эле кармалгандардын өлкө ичинде жана анын чегинен тышкары &nbsp;башка кылмыштарга тиешеси бар-жогу текшерилип жатат.

Баңгизаттарды мыйзамсыз жүгүртүү менен алектенген кылмыштуу топтун ишмердүүлүгүнө бөгөт коюлду

2025-жылдын 18-июнунда Ички иштер министри милициянын генерал-лейтенанты Улан Ниязбеков ички иштер органдары тарабынан биринчи жарым жылдыкты ийгиликтүү жабуу жана кызматтык тартипти чыңдоо боюнча онлайн аппараттык кеңешме өткөрдү. Ага ички иштер министринин биринчи &nbsp;орун басары, ички иштер министринин орун басарлары жана ички иштер органдарынын жетекчилери катышты.

Аппараттык кеңешменин башында Улан Ниязбеков сөз сүйлөп, Кыргыз Республикасынын Президентинин Жарлыктарынын аткарылышына өзгөчө көңүл бурду.&nbsp;

Ошондой эле ички иштер органдарынын жетектөөчү курамынын ишине токтолуп, алардын жоопкерчилигин жана милдеттерин мыкты аткаруу маанилүүлүгүн баса белгиледи.Андан тышкары, &nbsp;коомдук тартипти сактоо, жарандардын коопсуздугун камсыздоо, укук бузууларды алдын алуу жана ички иштер органдарын санариптештерүү багытында бир топ иштер жасалганын айтты.

Өз кезегинде аппараттык кеңешмеге катышкан жетекчилер да өз багыттары боюнча маалымат беришип, аткарган иштери тууралуу баяндама жасашты.

Ошону менен бирге, ички иштер органдарынын кызматкерлеринин арасында кызматтык тартипти чыңдоо маселеси талкууланып, Улан Ниязбеков жетекчилерди кызматтык тартипти чыңдоого, мыйзамдуулукту бекем карманууга, коомчулук менен ачык байланыш түзүүгө жана элдин ишенимин арттырууга чакырды.

&ldquo;Ар бир жетекчи, өзүңүздөр жооптуу болгон аймактарда жогоруда аталган себептердин пайда болушуна жол бербей, конкреттүү иш-чараларды уюштуруп, жүктөлгөн милдеттерди так аткарыңыздар.

Эгерде, милиция кызматкерлери пара албай, таза иштеп, тескерисинче пара сунуштагандарды өздөрү кармап, мыйзам чегинде жоопко тартышса, анда элдин ишеними жогорулайт.

Жабыр тарткан адамдарга оройлонбой, ыкчам жардам берип, жогорку маданияттуулук менен милициянын мыкты жагы көрсөтүлсө, анда элдин баары, ыраазычылыктан башка эч нерсе айтышпайт.

Катталган кылмыштардын бетин ыкчам ачып, кылмыш жасаган адамдар жоопко тартылып, чындык орнотулса, анда жалпы коомчулук милицияны колдоп, ар тараптан көмөк көрсөтөт.

Анткени, биздин элибиз айкөлдүктү, боорукердикти жана калыстыкты бийик туткан, жалаң гана жакшылыкты тилеп, тынчтык, ынтымак деген улуу баалуулуктар менен жашаган эл экендигин - эч качан эсиңиздерден чыгарбаңыздар&rdquo;, - деп сөзүн жыйынтыктады министр.

Аппараттык кеңешменин аягында ички иштер органдарынын жетекчилерине тапшырмалар берилди.&nbsp;

ИИМдин Басма сөз кызматы

Ички иштер министрлигинде 6 айды ийгиликтүү жабуу жана кызматтык тартипти чыңдоо боюнча аппараттык кеңешме өттү

2025-жылдын 1-июлунан тарта Кыргызстанда автожарандык жоопкерчиликти милдеттүү түрдө камсыздандыруу (ОСАГО) полиси жок айдоочуларга айып пул салына баштайт.&nbsp;

Кыргыз Республикасынын Министрлер Кабинетинин токтомуна ылайык, 2025-жылдын 1-июлунан тарта автотранспорт каражаттарынын ээлери автожарандык жоопкерчиликти милдеттүү түрдө камсыздандыруу (ОСАГО) полисин &nbsp;албаса, анда аларга айып &nbsp;пул салынат.

&nbsp;Полис алуу үчүн керектүү документтер:&nbsp; 
- келишим түзүү жөнүндө арыз; 
- паспорт, аскердик билети же айдоочулук күбөлүк (жеке жактар үчүн);&nbsp; 
- юридикалык жактын каттоо же кайра каттоо жөнүндө күбөлүгүнүн көчүрмөсү (юридикалык жактар үчүн); 
- транспорт каражатын каттоо жөнүндө күбөлүк (техпаспорт);&nbsp; 
- диагностикалык карта (эгерде бар болсо);&nbsp; 
- транспорт каражатына ээлик кылуу укугун тастыктаган документ же ээлик кылуу укугу камтылган ишеним кат.&nbsp;

Айып пулдун өлчөмү:&nbsp; 
- жеке жактарга &mdash; 3 000 сом;&nbsp; 
- юридикалык жактарга &mdash; 13 000 сом.&nbsp;

Тарифтер жана камсыздандыруу суммалары:&nbsp; 
- адам өмүрүн алган учур катталса&mdash; 300 000 сомго чейин;&nbsp; 
- жаракаттар &mdash; 100 000 сомго чейин;&nbsp; 
- мүлккө зыян келтирүү &mdash; 150 000 сомго чейин.&nbsp;

Негизгиси: 
1. Автожарандык жоопкерчиликти милдеттүү түрдө камсыздандыруунун базалык наркы &mdash; 1680 сомдон баштап;&nbsp; 
2. Төлөмдөр үчүнчү жактарга келтирилген зыянды жабат; 
3. Кенемте &mdash; 100 000 сомдон 150 000 сомго чейин.

Автожарандык жоопкерчиликти милдеттүү түрдө камсыздандыруу полиси менен сиз өзүңүздүн унааңызды гана эмес, жол кыймылынын башка катышуучуларынын мүлкүн жана ден соолугун да коргойсуз.&nbsp;

ИИМдин Басма сөз кызматы

1-июлдан тарта автожарандык жоопкерчиликти милдеттүү түрдө камсыздандыруу полиси  жок айдоочуларга айып пул салынат

2025-жылдын 11-июнунда Кыргыз Республикасынын Улуттук илимдер академиясынын чоң залында &laquo;Кыргызстандын жаштар кыймылы&raquo; коомдук бирикмесинин жылдык отчёттук жыйыны болуп өттү. Ага Министрлер Кабинетинин, күч түзүмдөрүнүн жана тийиштүү министрликтердин, жогорку окуу жайлардын, студенттик коомчулуктун жана өлкөнүн булуң-бурчунан келген 500дөн ашык жаштар уюмдарынын өкүлдөрү катышты.

Иш-чарада ИИМдин Баңгизаттарды мыйзамсыз жүгүртүүгө каршы күрөшүү кызматынын (БМЖККК) башчысынын орун басары милициянын полковниги Нурлан Турусбеков, өз сөзүндө жаштардын, билим берүү мекемелеринин жана жарандык коом институттарынын активдүү катышуусу жок баңгизат колдонуунун алдын алуу мүмкүн эмес экендигин баса белгиледи.

Өзгөчө басым эрте укуктук мыйзамдуулук боюнча сабаттуулукту жогорулатууга, өспүрүмдөр менен студенттер арасында баңги коркунучтарына каршы туруктуу иммунитетти калыптандырууга, ошондой эле &nbsp;тыюу салынган заттардын, айрыкча интернет мейкиндигинде жайылышына каршы биргелешкен аракеттерге жасалды.

Сөз сүйлөгөндөрдүн арасында Кыргыз Республикасынын маданият, маалымат, спорт жана жаштар саясаты министри Мирбек Мамбеталиев, анын орун басары Марат Тагаев, Бишкек шаарынын социалдык маселелер боюнча вице-мэри Виктория Мозгачева жана Жогорку Кеңештин депутаттары да болду.

Иш-чаранын алкагында ИИМдин БМЖККК менен &quot;Кыргызстан Жаштар кыймылы&quot; коомдук бирикмесинин ортосунда өз ара аракеттенүү жөнүндө Меморандумга кол коюлду. Бул документ тараптардын баңгиликке каршы алдын алуу чөйрөсүндө сергек жана жоопкерчиликтүү муунду калыптандырууга багытталган системалуу жана туруктуу иш алып баруу ниетин бекемдеди.

Съезд ачык жана жемиштүү сүйлөшүүлөр менен өтүп, жаштар өлкөбүздүн келечеги гана эмес, азыркы күндүн да активдүү катышуучулары экенин дагы бир жолу &nbsp;далилдеди.

ИИМдин БМЖККК жаштар менен биргеликте баңгизат колдонуунун алдын алууну күчөтүү боюнча кызматташтыкты өнүктүрүүдө

Баткен облусунун Кадамжай РИИБдин кызматкери милициянын майору Азамат Ахунов 15 жаштагы кызды суудан куткарып калган.

Жаш кыздын Исфайрам дарыясына агып баратканын көрүп, жергиликтүү тургундар милицияга кайрылышкан. Ошол учурда кызмат өтөп жүргөн кызматкер коркпостон сууга секирип, эс-учун жоготкон кызды куткарып биринчи жардам көрсөткөн.

Кыздын ата-энеси жана жакындары милиция кызматкерине рахматын айтышты.

Бүгүн, көрсөткөн кайратмандык жана эрдиги үчүн милициянын майору Азамат Ахуновго Президентинин Баткен облусундагы ыйгарым укуктуу өкүлү медаль тапшырып, ыраазычылык билдирди.

Ички иштер министрлиги жарандардын коопсуздугун камсыздоо - ички иштер органдарынын негизги милдеттеринин бири экендигин билдирет. Мындай эрдиктер жана ыкчам аракеттер тартип сакчыларынын өз ишине болгон жоопкерчилигин, кесипкөйлүгүн жана баатырдыгын тастыктайт.

Кызматтагы баатырдык: Кадамжайдагы милиция кызматкери өспүрүм кыздын өмүрүн сактап калды

Кыргыз Республикасынын аймагында кылмыш жоопкерчилигине тартылгандыгы жөнүндө, соттуулугунун болушу же жоктугу жөнүндө маалым кат

Мындан ары 3 саат ичинде соттолбогондугу тууралуу маалымкатты ала аласыз.

Кыргыз Республикасынын Ички иштер министрлиги жаңы санариптик кызмат көрсөтүүнү ишке киргизгенин жарыялайт! Бул демилге Кыргыз Республикасынын санариптик өнүктүрүү министрлиги менен биргеликте ишке ашырылды.&nbsp;Эми сиз 3 сааттын ичинде соттолбогондугу тууралуу маалымкат ала аласыз!&nbsp;

Бул үчүн &quot;адамдын кылмыш жоопкерчилигине тартылгандыгы, Кыргыз Республикасынын аймагында соттуулугу бар же жок экендиги жөнүндө маалымкат алуу үчүн арыз берүү&quot; кызматын тандоо менен билдирмени &laquo;Tunduk&raquo; мобилдик тиркемеси аркылуу же электрондук кызмат көрсөтүүлөрдүн мамлекеттик порталынан тариздөө жетиштүү.&nbsp;

Маалымкат алуу үчүн арызды каттоо үчүн төмөнкүлөр керек:&nbsp; 
1. Жардам алуу үчүн жерди тандаңыз;&nbsp; 
2. Телефон номерин көрсөтүңүз;&nbsp; 
3. Аты-жөнүн өзгөртүү жөнүндө жооп тандоо;&nbsp; 
4. Шашылыш көрүнүштү тандаңыз 
&nbsp;5. &quot;Өтүнмөнү тариздөө&quot; баскычын басуу.&nbsp;

Даяр жардамды эки жол менен алууга болот:&nbsp; 
- КР Ички иштер министрлигинен &quot;маалыматтык документ&quot; жеке кабинетке, телеграмга жана электрондук почтага жөнөтүлөт;&nbsp; 
-&nbsp;Маалымкат берилген жерде жаныңызда паспортуңуз жана &quot;маалыматтык документиңиз&quot; болушу керек.&nbsp;

Кызматтын баасы 1090 сомду түзөт.

Көңүл буруңуз: 3 жумушчу сааттын ичинде соттолбогондугу тууралуу маалымкат алуу үчүн арыздар саат 9:00дөн 14: 30га чейин кабыл алынат.&nbsp;Маалымкатты ошол эле күнү саат 18:00гө чейин алууга болот.&nbsp;

Маалым катты электрондук форматта Кыргыз Республикасынын Электрондук кызматтардын мамлекеттик порталы аркылуу алса болот - (<a href="http://www.portal.tunduk.kg" style="color: rgb(5, 99, 193);">www.portal.tunduk.kg</a>)

Төмөнкү кызматтарды колдоно аласыздар:

1. Маалым катты акысыз негизде (7 жумушчу күн) же шашылыш түрдө, акы төлөнүүчү негизде (1 же 3 жумушчу күн) алуу үчүн арыз тапшыруу - (<a href="file:///C:/Users/User/Desktop/www.portal.tunduk.kg/basic_service/redirect_signin" style="color:#0563c1; text-decoration:underline">www.portal.tunduk.kg/basic_service/redirect_signin</a>)

2. Маалым каттын даяр болгондугун текшерүү - (<a href="file:///C:/Users/User/Desktop/www.portal.tunduk.kg/basic_service/redirect_signin" style="color:#0563c1; text-decoration:underline">www.portal.tunduk.kg/basic_service/redirect_signin</a>)

Көрсөтүлгөн кызматтар Мамлекеттик электрондук кызматтар порталына катталган колдонуучулары үчүн гана жеткиликтүү.&nbsp; 2 жол менен катталууга болот:

- 2017-жылдагы үлгүдөгү электрондук ID картаны колдонуу менен;

- булутка негизделген электрондук кол тамганы колдонуу менен. Булутка негизделген электрондук кол тамга өлкөнүн бардык калкты тейлөө борборлорунда бекер берилет.

Суроолор боюнча ушу номерге кайрылсаңыздар болот: 119. Каттоо боюнча толук нускамаларды шилтеме боюнча &quot;Нускама&quot; бөлүмүнөн тапса болот - (<a href="file:///C:/Users/User/Desktop/www.portal.tunduk.kg/basic_service/redirect_signin" style="color:#0563c1; text-decoration:underline">www.portal.tunduk.kg/basic_service/redirect_signin</a>)

Суроолор болгон учурда &nbsp;төмөнкү телефон номерлерине (0312) 988123 (кошумча 445, 545) (www.portal.tunduk.kg) кайрылууңуздарды суранабыз.

Ошондой эле, Маалым катты акысыз негизде алуу үчүн&nbsp; &laquo;Бирдиктүү терезе&raquo; режиминдеги мамлекеттик кызмат көрсөтүү борборуна же пунктуна, белгиленген формага ылайык, жазуу жүзүндө өздүгүн тастыктаган документтин көчүрмөсү тиркелген арыз тапшырууңуз керектигин билдиребиз.

Ошондой эле, Маалым катты алуу үчүн арыздар Бишкек шаарынын аймагында жайгашкан Калкты тейлөө борборлору аркылуу кабыл алынат. Маалым катты берүү Бишкек ш., Курманжан Датки көч., 115а (Чүй обл.ИИББнын имараты) дареги боюнча жайгашкан Кыргыз Республикасынын ИИМдин МТББнын &laquo;Бирдиктүү терезе&raquo; режиминдеги мамлекеттик кызмат көрсөтүү борборунда жүргүзүлөт.

Маалым катты &nbsp;шашылыш түрдө, акы төлөнүүчү негизде (1 жана 3 жумушчу күн) алуу үчүн арыздар&nbsp; төлөм терминалдары жана электрондук капчыктар аркылуу тапшырылат, мында жеке идентификациялык номерин киргизүү, ошондой эле алуу жерин жана байланыш телефонун көрсөтүү зарыл.

Шашылыш түрдө мамлекеттик кызмат көрсөтүүнүн баасы:

- 3 жумушчу күн - 86 сом;

- 1 жумушчу күн - 191 сом.

Эгерде Маалым катты алуу үчүн төлөмү менен арыз түшкү саат 12:00дөн кийин тапшырылса, анда Маалым кат бир жумушчу күндөн кийин берилет. Маалым каттарды берүү &ldquo;Бирдиктүү терезе&rdquo; режиминдеги мамлекеттик кызматтарды көрсөтүү борборлорунда жана пункттарында саат 16:00дөн 18:00гө чейин жүргүзүлөт. Суроолор болгон учурда&nbsp; төмөнкү телефон номерлерине (0312) 369-418, (0312) 369-417 кайрылууңуздарды суранабыз.

Шашылыш түрдө, акы төлөнүүчү негизде арыз тапшыруу учурунда, Маалым кат алуу үчүн&nbsp; өздүгүн тастыктаган документти жана кызмат көрсөтүү үчүн төлөмдүн квитанциясын көрсөтүү керек. Эгерде жаран кызматты алуу үчүн органга өз алдынча кайрыла албаса, анда башка адам кызматты алууга муктаж болгон жарандын нотариалдык жактан күбөлөндүрүлгөн ишеним каты жана паспортунун көчүрмөсү менен кайрыла алат. Эгерде жарандын жеке идентификациялык номери жок болсо, анда Маалым кат алуу боюнча арыз тапшыруу мүмкүнчүлүгүнө ээ болуу үчүн жеке штрих-кодду алууга &ldquo;Бирдиктүү терезе&rdquo; режиминдеги мамлекеттик кызмат көрсөтүү борборуна же пунктуна кайрылуусу зарыл.

Жарандардын ыңгайлуулугу үчүн Кыргыз Республикасынын ички иштер органдарынын аймактык бөлүмдөрүндө &laquo;Бирдиктүү терезе&raquo; режиминдеги мамлекеттик кызматтарды көрсөтүү борборлору жана пункттары, төмөнкү даректер боюнча ачылган.

Борборлор:

- Бишкек ш., Чүй облусу -Бишкек ш., Курманжан Датка көч., 115а (Чүй облустук ИИББнын имаратында);

- Жалал-Абад облусу - Жалал-Абад ш., Шопоков көч., 37;

-&nbsp;Ош облусу &ndash; Ош ш., Ленин көч., 199;

- Баткен облусу &ndash; Баткен ш., Раззаков көч., 4;

-&nbsp;Нарын облусу -Нарын ш., Ленин көч., 27;

- Ысык-Көл облусу &ndash; Каракол ш., Кутманалиев көч., 146а;

-&nbsp;Талас облусу &ndash; Талас ш., Турдалиев көч., 191.

Пункттар:

- Чүй облусу - Жайыл райондук жана Токмок шаардык ИИБларынын имараттарында;

- Жалал-Абад облусу - Ала-Бука, Токтогул, Тогуз-Торо, Ноокен райондук жана&nbsp; Каракөл, Таш-Көмүр шаардык ИИБларынын имараттарында;

-&nbsp;Ош облусу - Алай, Кара-Кулжа, Өзгөн, Араван жана Ноокат райондук ИИБларынын имараттарында;

-&nbsp;Баткен облусу - Кызыл-Кыя, Сүлүктү шаардык жана Кадамжай, Лейлек райондук ИИБларынын имараттарында;

-&nbsp;Нарын облусу - Кочкор, Ак-Талаа, Ат-Башы жана Жумгал райондук ИИБларынын имараттарында;

- Ысык-Көл облусу - Балыкчы шаардык жана Ысык-Көл, Жети-Өгүз, Тоң, Ак-Суу, Түп райондук ИИБларынын имараттарында;

- Талас облусу - Кара-Буура, Манас, Бакай-Ата жана Талас райондук ИИБларынын имараттарында.

Ошондой эле Кыргыз Республикасынын аймагында соттуулугу жөнүндө маалым каттын жарактуулугун төмөндөгү шилтеме аркылуу текшере аласыз:&nbsp;<a href="https://e.mvd.kg/verify/record">http://e.mvd.kg/verify/record</a>

СОТТОЛГОНДУГУ ЖӨНYНДӨ ТАКТАМА

ЛИЦЕНЗИЯ-УРУКСАТ БЕРYY ИШИ

КАЙТАРУУДАГЫ ОБЪЕКТИЛЕР

Кыргыз Республикасынын ИИМдин Жол кыймылынын коопсуздугун камсыздоо башкы башкармалыгы тарабынан күйүүчү, уулуу, радиоактивдүү, жарылуучу материалдар бар автоунааларды, жүктөрдү узатуу белгиленген баада, алдын ала макулдашуу боюнча жүзөгө ашырылат:

&nbsp;

Кыргыз Республикасынын жеке жана юридикалык жактар үчүн 1 саат убактысына&nbsp; (унаа узатуу) ЖККББ бир кызматкери үчүн төлөм - 184,0 сом, чет элдик биргелешкен ишканалар жана уюмдар үчүн - 790,0 сом;

&nbsp;

Кыргыз Республикасынын жеке жана юридикалык жактар үчүн автоуналаарды коштоо 1 км баасы - 15,0 сом, чет элдик биргелешкен ишканалар жана уюмдар үчүн - 36,0 сом.

&nbsp;

Коркунучтуу, баалуу ж.б. жүктөрдү ташууну алдын ала маршрутун макулдашуу, керектүү өзгөртүүлөрдү киргизүү үчүн атайын уруксат - 440,0 сом;

Оор жүктөрдү ташуу үчүн транспорт каттамын макулдашуу жана кошумча жабдууларды орнотуу үчүн уруксат - 260,0 сом.

&nbsp;

Байланыш телефону:&nbsp;

&nbsp;

КР ИИМ ЖККББ: 0(555) 60-60-03;

ЖҮКТӨРДҮ КОШТОО

Кыргыз Республикасынын Ички иштер министрлигинин түзүлүшүндө ведомстволук медициналык кызматы каралган.

Анын негизги милдеттерди:

-&nbsp; ички иштер органдарынын өздүк курамынын ден-соолугун чыңдоо;

-&nbsp; ички иштер органдарында аскердик-дарыгердик экспертизасын уюштуруу;

- ИИО өткөргөн аскердик-мобилизациялык жана коомдук иш-чараларда медициналык камсыздоону уюштуруу;

- ички иштер органдарынын өздүк курамын кызматтык ишмердүүлүккө психологиялык камсыздоо, кызматкерлерди психологиялык реабилитациялоодон өткөрүү;

- ички иштер мекемелеринде жана бөлүктөрүндө санитардык-гигиеналык жана эпидемияга каршы иш-чараларды уюштуруу жана өткөрүү.

ИИМдин медициналык кызматынын башында &ndash; Медициналык башкармалыгы турат. Аткарыла турган милдеттердин негизинде төмөнкү бөлүмдөрү бар:

ИИМдин: 50 орундук Ооруканасы, Бейтапканасы, Аскердик-дарыгердик комиссиясы, Санитардык-эпидемиялык көзөмөлдөө борбору жана Психологиялык кызматы менен Тиш-дарылоо кызматы. Облусттарда амбулаториялары, күндүзгү ооруканасы, аймактык аскердик-дарыгердик комиссиялары бар медициналык кызматтары, Ош шаарында 25 орундуу дарылоо борбору жана бейтапканасы бар.

ИИМдин дарылоо-алдын алуу мекемелери ички иштер органдарынын кызматкерлерин, ИИОнун пенсионерлерин жана кызматкерлердин үй-бүлө мүчөлөрүн, Кыргыз Республикасынын Өкмөтүнө караштуу Жазаларды аткаруу мамлекеттик кызматынын кызматкерлерин, келишимдин негизинде башка укук коргоо органдарынын кызматкерлерин (КРнын Өкмөтүнө караштуу мамлекеттик бажы кызматы, Башкы прокуратура, КРнын Өкмөтүнө караштуу Экономикалык кылмыштарга каршы күрөшүү боюнча мамлекеттик кызматы, КРнын Өзгөчө кырдаал министрлигинин мамлекеттик өрткө каршы кызматы) медициналык жактан камсыздайт.

ИИМдин бейтапканасы 15 дарыгердик адистиги боюнча квалификациялык медициналык жардам көрсөтөт. Дарт аныктоочу изилдөөлөрдү жүргүзөт &ndash; рентгенологиялык, ультразвуктук, ЭКГ, лаборатордук: клинико-биохимиялык, бактериялогиялык, ВИЧ инфекциясын аныктоочу.

Акы төлөөнүн негизинде (бюджеттик каржылоодон тышкары) элге тиш-дарылоо жана тиш жасоо жардамын көрсөтөт.

ИИМдин аскердик-дарыгердик комиссиясы жана облусттардын аймактык аскердик-дарыгердик комиссиялары коргоо органдарына кызмат өтөөгө кирип жана ИИМдин окуу жайларына окууга өтүп жаткан жарандарды аскедик-дарыгердик медициналык күбөлөндүрүүдөн өткөрөт.

Психодиагностикалык борбору кызматка кабыл алынып жаткан жарандардын психологиялык жарамдуулугун аныктайт.

ИИМдин санитардык-эпидемиялогиялык борбору санитардык-эпидемиологиялык экспертиза, иликтөө, бактериялогиялык текшерүү жана башка баа берүүнүн түрлөрүн уюштурат жана өткөрөт. Башка кесиптин кызматкерлерине алдын ала жана мезгил-мезгили менен медициналык кароодон өткөрүүнү камсыз кылат.

КЫРГЫЗ РЕСПУБЛИКАСЫНЫН ИЧКИ ИШТЕР МИНИСТРЛИГИ

Кабарлар

Кызматтар

Рубрикалар

Аймактык ички иштер органдары

Бишкек ШИИББи