Кыргыз Республикасынын Президенти Садыр Жапаров Коопсуздук кеңешинин кезектеги жыйынында ички иштер органдарынын ишмердүүлүгүнө баа берип, жетекчилик курамды ротациялоо коррупциялык көрүнүштөрдү минималдаштыруу үчүн жасалганын баса белгиледи.

&ldquo;Мага жеткен маалыматтар боюнча ички иштер органдарынын жетекчилик курамында &nbsp;масштабду түрдө ротациялар жүргүзүлгөн. Бул биринчи кезекте коррупциялык көрүнүштөрдү минималдаштыруу үчүн жасалган деп билебиз. Анткени жетекчилердин айрымдары өз креслолорунда бир нече жылдан бери олтуруп, жергиликтүү криминалитет менен &nbsp;жана башка деструктивдүү күчтөр менен биргелешип, жакындашып алышкан. Натыйжада криминалдык чөйрөнүн айрым мүчөлөрү жазага тартылбайбыз деп, өздөрүн ишенимдүү сезишип, баарын жасай берсе болот деп, өздөрүн абдан мындай бир ишенимдүү сезип алышкан. Мындай &nbsp;мыйзамга каршы келген аракеттерди &nbsp;Улуттук коопсуздук кызматы менен Ички иштер министрлиги өз учурунда токтоттуңуздар, буга татыктуу баа берсек болот.&nbsp;

Ошол эле учурда, &nbsp;Улан Омоканович менен Октябрь Жолдошевич, сиздер Ички аскерлердин потенциалын көтөрүүгө, алардын даярдыктарын, дайым даяр турууга жакшыртууга кылдат көңүл бурушунуздар керек. Керек болсо ички аскерлерде дагы ротация жүргүзгүлө, ким татыктуу болсо кызматынан көтөргүлө, татыксыздар болсо дароо иштен алгыла. Күтүп отурганга бизде убакыт жок, кадр потенциалын бекемдегиле, керек болсо ардагерлерди ишке тарткыла. Алардын иш тажрыйбасын колдонгула, күнү-түнү жигердүү иштеп жаткан жаш офицерлерге, сержанттарга, прапорщиктерге, дем-күч, мындай бир стимул берип, аларды ар тараптан колдогула. Ошондо иштериңиздерге эффиктивдүү жардамдар болот алардан. Алдыңарда коюлган милдеттерди так аткара аласыңар деп ишенемин, кетип бара жаткан темпиңерден жазбагыла&rdquo;, - деп билдирди Садыр Жапаров.&nbsp;

ИИМдин Басма сөз кызматы

Коопсуздук кеңешинин кезектеги жыйынында өлкө башчысы Садыр Жапаров милиция кызматкерлеринин ишмердүлүүгүнө баа берди

2023-жылдын 14-июнунда Кыргыз Республикасынын ички иштер министрлигинин &nbsp;милициянын генерал-майору Эргеш Алиев атындагы Академиясында курсанттардын бүтүрүү аземи болуп өттү. Быйыл, ИИМдин Академиясын 100 курсант аяктап, жогорку билимдүү дипломдорун жана алгачкы лейтенант наамын алышты. Бүтүрүүчүлөрдүн ичинен 25 кыздар. Ал эми сегизөө артыкчылык дипломдорун алышты.&nbsp; 
 
Салтанаттуу иш-чарага ички иштер министринин биринчи орун басары милициянын генерал-майору Адылбек Бийбосунов, Президенттин кеңешчиси, юридика илимдерини доктору Бекбосун Бөрүбашев, кыргыз милициясынын генералдары Тилек Асаналиев, Садырбек Дубанаев, &nbsp;Абдыкапар Мавлянов, &nbsp;ИИМдин Ардагерлер кеңешинин төрагасы Султанбек Жоошбаев, &nbsp;Академиянын жетекчилиги жана ардагерлери, Э. Алиев атындагы фондунун өкүлдөрү, Эргеш Алиевдин туугандары, бүтүрүүчүлөрдүн ата-энелери, туугандары жана достору катышышты. &nbsp; 
 
Алгач, министрдин биринчи орун басары Адылбек Бийбосунов, бүтүрүүчүлөргө кайрылып, алар &nbsp;Ата Мекенибиздин эң жооптуу болгон коомдук коопсуздукту сактоодо, кылмыштуулук менен күрөшүүдө тайманбастык жана эрдик менен эмгектене турган кызматка бара жаткандарын баса белгиледи. &nbsp; 
 
&ldquo;Урматтуу бүтүрүүчүлөр! Силерге жүктөлгөн милдеттерди ак ниет менен аткарышыңар мамлекетибиздин көз карандысыздыгынын бекемделүүсүнө жана улуттук кызыкчылыктарды коргоого түрткү жаратып, баарыңардан кесипкөйлүктү, моралдык, адептик сапаттарды талап кылат. Сиздердин ар бириңиздер биздин мамлекетибиздин чыңдалышына, анын өсүп өнүгүшүнө салым кошосуздар деп ишенемин. 
 
Бүгүнкү күндө өлкө жетекчилиги тарабынан коюлган приоритеттик маселелердин ичинен жарандардын укуктарынын жана эркиндиктеринин сакталуусун, экстремисттик көрүнүштөргө жол бербөөнү жана коррупция менен күрөшүүнү өзгөчө белгилеп кетким келет. 
 
Мындан сырткары, урматтуу бүтүрүүчүлөр, силердин кызматыңарга кылган мамилелеңерден, кесипкөйлүүлүктөн, адептик сапаттарыңардан жарандар жалпысынан биздин ички иштер министрлигинин ишмердүүлүгүн баалайт. Себеби жарандар ички иштер органдарынын кызматкери менен өздөрүнүн коопсуздугун, корголгондугун байланыштырып, ар бириңиздерден тез арадагы жасалган аракеттерди жана жардамды үмүттөнүшөт. 
 
Кыргыз милициясынын легендарлуу генералы Эргеш Алиев атындагы Академияда алган билимиңиздер, тажрыйбаңыздар Кыргыз милициясына таза жана адилет кызмат кылууда негизги өзөк катарында калышы керек. 
 
Мен коомдук тартипти сактоо, жарандардын коопсуздугун коргоодо берген Антыңарга бекем туруп, өзүңүздөрдүн парзыңыздарды кесиптик жогорку чеберчиликте аткаруу менен бирге эле өлкөбүздүн жарандарынын коопсуздугун, мамлекетибиздин кызыкчылыгын жана мыйзамдын талаптарын сактайт жана коргойт деп ишенемин. Анткени жарандардын мыйзамдуу укуктарына жана кызыкчылыктарына кылдат мамиле жасоо жана алардын ишеничин актоо сиздердин негизги милдетиңер. 
 
Чыныгы офицер абийирин, кадыр-баркын, антка болгон бекемдигин сактоого жана Ата Мекенге кызмат кылуунун үлгүсү болууга милдеттүү. Андыктан ар бирибизден кайраттуулукту, бекемдикти, айрым учурларда чечкиндүүлүктү талап кылат,-деп билдирди Адылбек Бийбосунов.&nbsp; 
 
Ошондой эле, министрдин биринчи орун басары кызматка киришип жаткан кесиптештерине &nbsp;чың ден соолук, темирдей кайраттуулук, алмаздай бекемдик жана эр жүрөктүүлүктү каалап, алар кыргыз элине ак ниет, таза, чынчыл кызмат кылып, ички иштер органдарынын кызматкеринин кадыр-баркын терең сактап, кыргыз элинин сыймыгы боло турган мыкты кесипкөй кадрлардан болуу керектигин баса белгиледи.&nbsp; 
 
Андан сырткары, ал бүтүрүүчүлөрдүн ата-энелерине кайрылып, Мекен үчүн ушундай уул-кыздарды тарбиялап, өстүрүп, жооптуу кызматты аркалоого түрткү болгондору үчүн &nbsp;ыраазычылыгын билдирди.&nbsp; 
 
Мындан ары, &nbsp;ИИМдин Академиясынын бүтүрүүчүлөрү Ички иштер органдарынын толук кандуу кызматкерлери болуп, бөлүштүрүүлөрдөн соң, аймактарда кызмат өтөөгө киришишет. Эми алар коомдук коопсуздукту камсыздоо, кылмыштуулук менен күрөшүү, кылмыштардын бетин ачуу жана иликтөө иштерин аткаруу милдетин алышты.&nbsp; 
 
Иш-чаранын жүрүшүндө салтка айланып калгандай, бүтүрүүчүлөр Академиянын үйлөмө аспаптар оркестринин коштоосунда, ИИМдин Академиянын &nbsp;күжүрмөн туусу менен коштошуп, салтанаттык жүрүш менен өтүштү.&nbsp; 
 
Салтанаттуу иш-чара &nbsp;бүтүрүүчүлөрдүн аткаруусундагы &nbsp;&ldquo;Офицердик вальс&rdquo; менен жыйынтыкталды.

ИИМдин Басма сөз кызматы

ИИМдин Академиясында курсанттардын бүтүрүү аземи болуп өттү

Бүгүн Кыргыз Республикасынын Ички иштер министри, милициянын генерал - лейтенанты Улан Ниязбеков менен Россия Федерациясынын министри Владимир Колокольцевдин жолугушуусу болуп өттү.

Жолугушуунун жүрүшүндө Улан Ниязбеков Владимир Колокольцевди Улуу Жеңиш күнү менен куттуктады.

&quot;9-май Улуу Жеңиш күнү &ndash; бул өмүрүн аябастан өз мекенин коргоп, фашизмден бошоткон чыныгы баатырлардын-советтик адамдардын даңазалуу муунунун эрдиги үчүн элибиздин чексиз кубанычынын жана сыймыгынын жаркын майрамы.

Бул маанилүү күндө сиздерге жана ички иштер органдарынын жалпы өздүк курамына бекем ден соолук, бакубатчылык жана мындан аркы ийгиликтерди каалайм&quot;, - деди Кыргыз Республикасынын ИИМдин башчысы.

Министрликтин жетекчилери Россия Федерациясынын Өкмөтү менен Кыргыз Республикасынын Министрлер Кабинетинин ортосунда ички иштер органдарынын ишмердүүлүгүнө кирген маселелер боюнча электрондук түрдө маалыматтык өз ара аракеттенүү жана маалымат алмашуу жөнүндө макулдашууга кол коюшту.

Аталган макулдашуу ыкчам-кызматтык иштин ар кандай багыттары боюнча эл аралык укуктук базанын алкагында координацияланган иштин заманбап механизмдерин түзүүгө мүмкүндүк берет.

Мындан тышкары, 2019-2023-жылдарга кылмыштуулукка каршы күрөшүүнүн биргелешкен чараларынын Мамлекеттер аралык программасын ишке ашыруунун натыйжалуулугу жана анын алкагында жүргүзүлүп жаткан &quot;Издөө&quot; ыкчам-түшүндүрүү операциясынын аяктаган биринчи этабынын оң натыйжалары белгиленди.

Россиялык ведомствонун башчысы кадрларды даярдоо жаатында, анын ичинде кибер кылмыштуулукка каршы күрөшүү багытында мындан аркы көмөк көрсөтүүгө даяр экендигин билдирди.

Тараптар Россия менен Кыргызстандын укук коргоо органдарынын ортосундагы достук жана көп кырдуу кызматташууну баса белгилеп, эки мамлекеттин жарандарынын коопсуздугунун кызыкчылыгында мындан ары да чыңдала берерине ишеним билдиришти. КМШ, ЕАЭБ, ЖККУ жана ШКУ форматтарындагы көп тараптуу кызматташууга жогорку баа берилди.

ИИМдин Басма сөз кызматы

Улан Ниязбеков менен Владимир Колокольцев укук коргоо тармагындагы маалыматтык кызматташуу тууралуу өкмөттөр аралык келишимге кол коюшту

Кыргыз Республикасынын ИИМдин Күзөт кызматынын өздүк курамы 9-Май Улуу Жеңиштин 78 жылдыгына карата күчөтүлгөн тартипте иш алып барууда.

Бишкек шаары боюнча Күзөт кызматынын кызматкерлери борбордук көчөлөрдө коомдук коопсуздукту камсыздоодо.&nbsp;

ИИМдин Күзөт кызматынын Басма сөз кызматы

ИИМдин Күзөт кызматынын өздүк курамы 9-Май Улуу Жеңиштин 78 жылдыгына карата күчөтүлгөн тартипте иш алып барууда

Улуу Ата Мекендик согуштун Жеңиш күнүнүн 78 жылдыгын майрамдоонун алдында Кыргыз Республикасынын ички иштер министринин биринчи орун басары, милициянын генерал-майору Адылбек Бийбосунов Согуштун ардагерлери Асек Урмамбетов менен Туркенакун Бейшенбаев, ошондой эле ооруктун ардагери Чоюнбек Сагынбаевге барышып, жылуу сөздөрүн айтышып, куттуктады.

ИИМдин жетекчилиги ардагерлерди келе жаткан Жеңиш майрамы менен куттукташып, Жеңиш үчүн жалпы салымдарын кошушуп, фашизмди жеңүүгө түрткү берген ооруктагы адамдардын дагы талыкпас эмгектерин баса белгилешти.

Өз кезегинде, ооруктун ардагери Чоюнбек Сагынбаев согуштун оор күндөрүн, өзүнүн өмүр таржымалын эскерип, сүрөттөрүн көрсөтүп, насаатчылык кебин дагы айтты. Ардагер согуш убагында өспүрүм кезинде оорукта кары-картаңдар, аялдар менен бирге иштеп, кийин узак жылдар бою ички иштер органдарында үзүрлүү эмгектенген Чоюнбек Сагынбаевди куттуктады.

Чоюнбек Сагынбаев согуш башталган жылы он жашта болгон. Согуштан кийин ал милициянын жогорку мектебинде окуган. Ал ишин аймактык инспектордон баштап, Ош облустук ички иштер башкармалыгынын башчысынын орун басары кызматында иштеген.

Азыркы учурда Улуу Ата Мекендик согуштун жеңүүчүлөрүнүн көбү тирүү эмес. Бүгүнкү күнү ардагерлер өзгөчө көңүл бурууга татыктуу.

Ооруктун эмгекчилери менен Улуу Ата Мекендик согуштун ардагерлеринин жубайлары милицияларды көңүл буруп келип куттуктап кетишкендерине ыраазычылыктарын билдиришип, Мекенге болгон кызматтарына ийгиликтерди каалашты. 
Жеңиш күнүн майрамдоонун алдында бардыгы Кыргыз Республикасынын ички иштер министрлигинин атынан баалуу белектер жана акчалай сыйлыктар менен сыйланышты.

Азыркы учурда, ушундай иш-чаралар республиканын бардык аймактарында өтүп, ИИОнун түзүмдөрүнүн жетекчилери, облустук, шаардык ички иштер башкармалыктарынын башчылары Улуу Ата Мекендик согуштун ардагерлери-отставкадагы милицияларын, ооруктун эмгекчилерин куттукташууда.

ИИМдин Басма сөз кызматы

Ички иштер министрлигинин жетекчилиги Улуу Ата Мекендик согуштун ардагерлерин куттуктады

2023-жылдын 4-майында Бишкек шаарындагы Кинематография департаментинин залында Этномузыкага кайрадан жан киргизген, дүйнөгө аты кеткен &ldquo;Ордо Сахна&rdquo; фольклордук-этнографиялык театрынын&nbsp; чыгармачылык концерти болуп өттү.&nbsp;

Анда, ИИМдин Борбордун талапкерлери &quot;Ордо Сахна&quot; фольклордук-этнографиялык&nbsp; театрынын аталган концертине катышты.&nbsp;

&ldquo;Ордо Сахна&rdquo; байыркы улуттун уңгусунда уюп жаткан күүлөрдү азыркы замандын акылына сиңире турган кылып иштеп чыгууда, жайылтууда опол тоодой эмгек кылгандыгын искусство чөйрөсүндөү адистер баса белгилеп келген.&nbsp;

Бул кечеде ИИМдин Борбордун талапкерлери&nbsp; кыргыз элинин байыркы күүлөрүн, аспаптарын жана манасчылардын &ldquo;Манас&rdquo; эпосунан&nbsp; айткан үзүндүлөрүн угуп, рухий жактан жан дүйнөсүнүн азыгын байытып кетишти.&nbsp;

Бул иш-чарага КРнын Мамлекеттик катчысы С.С. Касмамбетов жана КРнын&nbsp; Коопсуздук кеңешинин катчысы генерал-лейтенант М.М.Иманкулов да келип катышты.&nbsp;

Чыгармачылык&nbsp; менен өткөрүлгөн салтанаттуу иш-чаранын аягында ИИМдин Борбордун талапкерлери КРнын Мамлекеттик катчысы С.С. Касмамбетов жана КРнын&nbsp; Коопсуздук кеңешинин катчысы генерал-лейтенант М.М.Иманкулов менен эстеликке сүрөткө түшүштү.&nbsp;

Бул инсандар&nbsp; талапкерлерге окуусунда ийгилик каалап, ушундай маданий иш-чараларга көп катышып рухий жан дүйнөсүн байытуусуна тилектеш болушту.

Аталган иш-чара&nbsp; ИИМдин Борбордун административдик тармактар циклынын куратордук иштеринин алкагында уюштурулду.

ИИМдин Басма сөз кызматы&nbsp;

ИИМдин Республикалык окуу борборунун талапкерлери "Ордо Сахна" фольклордук-этнографиялык  театрынын концертине катышты

2023-жылдын 5-май күнү Кыргыз Республикасынын ИИМдин Республикалык окуу борборунун талапкерлер арасында Кыргыз Республикасынын Конституциясынын 30 жылдыгына арналган брейн-ринг болуп өттү.

Талапкерлер арасында баш мыйзамыбыз Конституция тууралуу&nbsp; өткөрүлгөн брейн-ринг таймашында&nbsp; саламдашуу, суроо-жооп, пантомима, командалык тапшырма, чыгармачылык сынак жана капитандардын таймашы деген&nbsp; 6 этаптан түзүлүп, командалар жарышка чыгышты.

Мындай максаттагы брейн-ринг билим алып жаткан талапкерлердин билим алуусуна, чыгармачылык өсүүсүнө жакшы шарт болот жана аларды шыктандырат.

Жыйынтыгында 3-окуу взводу биринчиликке ээ болуп уюштуруучулар тарабынан белектер тапшырылды.

Мындай иш-чара талапкерлердин Кыргыз Республикасынын Конституциясына болгон кызуугусун жана команда менен иштөөгө шыктандырат.

ИИМдин Басма сөз кызматы

ИИМдин РОБдун талапкерлер арасында КРнын Конституциясынын 30 жылдыгына арналган брейн-ринг болуп өттү

2023-жылдын 3-майында&nbsp; ИИМдин Республикалык&nbsp; окуу борборунда&nbsp; Бишкек шаарынын Ленин районунун аймагында жайгашкан № 50 орто мектептин&nbsp; окуучуларына жашы жетеэлек өспүрүмдөр арасында кылмыштуулуктун алдын алуу, патриоттуулук&nbsp; сезимдерин&nbsp; ойготуу жана кесиптик багыт берүү&nbsp; максатында &laquo;Ачык Эшик күнү&raquo; иш-чарасы өткөрүлдү.

Иш-чаранын жүрүшүндө мектеп окуучуларына&nbsp; милициянын генерал-майору Ж.Ш.Шабировдун музейи, окуу процессин жогорку деңгээлде өткөрүү үчүн жасалгаланган атайын&nbsp; адистештирилген окуу аудиториялары,&nbsp; кызматкерлер жана талапкерлер машыгуучу спорт зал, криминалистик борбор, ок атуучу жай&nbsp; менен тааныштырылып, маалыматтар&nbsp; жеткирилди.

Андан тышкары, куралдуу кылмышкерлерди кармоо көндүмдөрүн, бир нече адам физикалык каршылык көрсөткөндө ИИОнын кызматкерлеринин аракеттерин, ошондой эле МТ- 9мм&nbsp; жана Калашников автоматын толук эмес чачуу жана чогултуу, самбо ыкмаларын үйрөтүү боюнча борбордун талапкерлеринин көрсөтмөлүү презентациясы тартууланды.

ИИМдин Басма сөз кызматы&nbsp;

ИИМдин Республикалык окуу борборунда "Балдар биздин келечегибиз" аттуу "Ачык эшик күнү" иш чарасы өткөрүлдү

И.Арабаев атындагы Кыргыз мамлекеттик университетине милициянын генерал-майору Ж.Ш.Шабиров атындагы Республикалык окуу борборунун 7-8-окуу взводдорунун талапкерлери экскурсияга барышты.&nbsp;

Алар университеттин илимий китепканасы, музейи жана чоң жыйындар залы менен таанышып чыгышты. Анда И.Арабаевдин өмүр баяны, басып өткөн жолу тууралуу кеңири маалымат берилди.&nbsp;

Экскурсиянын жүрүшүндө окуу жайдын ректору Айгүл Абдраева талапкерлер менен жолугуп, өлкөнүн коопсуздугун коргогон мекен&nbsp; сакчыларга бекем ден соолук жана ийгиликтерди каалады.

ИИМдин Басма сөз кызматы&nbsp;

ИИМдин Республикалык окуу борборунун талапкерлери И.Арабаев атындагы КМУга экскурсияга барышты

2023-жылдын 20-апрелинде Кыргыз Республикасынын ИИМдин Республикалык окуу борборунун базасында &quot;Куралсыз өзүн өзү коргоо ыкмалары&quot; аттуу темада тегерек стол өткөрүлдү.

Өткөрүлгөн тегерек столго КРнын ИИМдин Академиянын, АБПнын атайын операциялар отрядынын, Динамо коомунун, КББнын, ИИББнын жана КРнын Куралдуу күчтөрүнүн Советтер Союзунун баатыры генерал-лейтенант&nbsp;

К.Усенбеков атындагы Аскер институтунун өкүлдөрү катышып, өз баяндамаларын жасашты.

Ачылыш сөзүндө Кыргыз Республикасынын ИИМдин Республикалык окуу борборунун начальнигинин орун басары милициянын полковниги А.Сайпидиновна бүгүнкү тегерек столдун бардык катышуучуларына салам айтып, бардыгына жемиштүү жана ийгиликтүү иш каалады.

Тегерек столдун катышуучулары өз баяндамаларында куралсыз өзүн-өзү коргоонун ыкмаларын колдонуунун актуалдуулугун талкуулашты, атап айтканда, курал колдонуу, куралсыз өзүн-өзү коргоо, кара күчтү жана ок атуучу куралдуу туура колдонуу тууралуу талкуулар жаралып, жарыш сөз, талкуулар болду.

ИИМдин Басма сөз кызматы&nbsp;

ИИМдин Республикалык окуу борборунун  базасында "Куралсыз өзүн өзү коргоо ыкмалары" аттуу темада тегерек стол өткөрүлдү

Урматтуу кесиптештер жана ардагерлер Сиздерди Кыргыз милициясынын түзүлгөндүгүнүн 98 жылдык мааракеси менен чын дилибизден куттуктайбыз.

Биздин кесип коомдогу эң кооптуу жана таатал кесиптердин бири болуп саналат. Андыктан өлкөнүн бейпилдигин, мыйзамдуулугун жарандардын коопсуздугун сактоодо, кылмыштуулукка каршы күрөшүүдө жана жарандарга тынч, бейпил жашоону камсыздоодо алдыбызга коюлган тамшырмаларды так, туура жана жогорку деңгээлде аткарып кызмат өтөп келебиз. Урматтуу кесиптештер ар бириңиздердин үй-бүлөңүздөргө чың ден-соолук жана бакубат жашоону каалоо менен бирге мамлекетибиздин гүлдөп-өнүгүшүнө арналган кызматыңыздарды ар дайым чоң жетишкендиктер коштосун.

ИИМдин Атайын багыттагы полкунун Басма сөз кызматы

ИИМдин Атайын багыттагы полкунун кыргыз милициясынын түзүлгөн күнүнө карата куттуктоосу

Өзбекстан Республикасынын төрагалыгынын алкагында Шанхай Кызматташтык Уюмунда (мындан ары-ШКУ) 2022-жылдын 18-августунда Ташкент шаарында ШКУга мүчө мамлекеттердин ички иштер жана коомдук коопсуздук министрлеринин төртүнчү жыйыны болуп өттү.

Өзбек тараптын төрагалыгы астында өткөн кеңешмеге ШКУга мүчө мамлекеттердин ички иштер жана коомдук коопсуздук министрликтеринин, ошондой эле ШКУнун туруктуу иштеп жаткан органдарынын жетекчилери жана өкүлдөрү катышты. Кеңешмеге ошондой эле ШКУга караштуу байкоочу мамлекеттердин жана эл аралык уюмдардын, анын ичинде ИНТЕРПОЛ, Уюшкан кылмыштуулукту координациялоо бюросу (УККБ) жана Көз карандысыз Мамлекеттердин Шериктештигинин Антитеррордук борбору&nbsp; (КМШ АТБ) өкүлдөрү катышты.

Ачык жана достук кырдаалда өткөн жолугушуунун жүрүшүндө делегация башчылары эл аралык жана аймактык коопсуздукту камсыз кылуу, терроризмге, экстремизмге жана сепаратизмге каршы аракеттенүү, трансулуттук уюшкан кылмыштуулукка каршы күрөшүү жаатындагы кызматташтыкты мындан арыдагы өнүктүрүү маселелери боюнча пикир алышты, ошондой эле ШКУга мүчө мамлекеттердин күч-аракеттерин бириктирүү зарылдыгы жөнүндө өз ара кеңири түшүнүүгө жетишти.

Кеңешменин катышуучулары эл аралык аренада күчөп бараткан туруксуздукту жана белгисиздикти эске алуу менен мүчө-мамлекеттердин ички иштер жана коомдук коопсуздук министрликтери аркылуу ШКУ алкагында кызматташууну мындан ары активдештирүүгө чакырышты.

Алар терроризмге, экстремизмге жана сепаратизмге, баңги каражаттарынын жана психотроптук заттардын мыйзамсыз жүгүртүлүшүнө каршы аракеттенүү жаатында, ошондой эле ШКУ айланасында тынчтыкты, туруктуулукту жана коопсуздукту сактоо жаатында кызматташууну өнүктүрүүнү баса белгилешти.

Министрлер &laquo;Шанхай рухунун&raquo; принциптерине ылайык трансулуттук уюшкан кылмыштуулукка каршы күрөшүү жаатында ачык диалогдун жана практикалык кызматташуунун маанилүүлүгүн бир добуштан колдошту.

Тараптар кылмыштуулукка каршы күрөшүүдө ШКУга мүчө мамлекеттердин өкмөттөрүнүн ортосундагы кызматташтык жөнүндө Макулдашууну ишке ашыруу (Ташкент шаары, 11 - июнь, 2010-жыл), ошондой эле ички иштер жана коомдук коопсуздук министрликтеринин өз ара аракеттенүү линиясы боюнча ШКУнун келишимдик-укуктук базасын андан ары өркүндөтүү зарылдыгын белгилешти.

Кеңешменин катышуучулары Өзбекстан Республикасынын Ички иштер министрлигинин ШКУга мүчө мамлекеттердин ички иштер жана коомдук коопсуздук министрлеринин төртүнчү кеңешмесин кылдаттык менен даярдоо жана ийгиликтүү өткөрүү боюнча аракеттерин жогору баалашты.

Кеңешменин жыйынтыгы боюнча протоколго кол коюлуп, жалпысынан, кеңешме ишкердик жана конструктивдүү жагдайда, достук, өз ара ишеним жана кызматташтык чөйрөсүндө өттү.

&nbsp;

ИИМдин Басма сөз кызматы

Шанхай кызматташтык уюмуна мүчө мамлекеттердин ички иштер жана коомдук коопсуздук министрлеринин төртүнчү кеңешмесинин жыйынтыктары боюнча маалымат

Бишкек ШИИББи

2024-жылдын 19-ноябрында Кыргыз Республикасынын Мамлекеттик улуттук коопсуздук комитетинин (УКМК) Академиясында &ldquo;Өлкөдөгү баңги кырдаалы жана баңги кылмыштуулугуна каршы күрөштөгү чакырыктар&quot; деген темада лекция болуп өттү.

Иш-чара Академиянын угуучулары үчүн Кыргызстандагы баңгиликтин учурдагы абалы жөнүндө маалымдуулукту жогорулатуу жана баңгикылмыштуулук менен күрөшүү көндүмдөрүн калыптандыруу максатында уюштурулган.

Лекцияны Кыргыз Республикасынын ИИМдин БМЖКККнын, Тергөө кызматынын жана Криминалистикалык кызматынын кызматкерлери өткөрүп беришти, алар баңгизаттарды таратуу, алардын контрабандалык жолдору жана бул көрүнүшкө каршы күрөшүү үчүн мамлекеттик түзүмдөр көрүп жаткан чаралар тууралуу актуалдуу маалыматтар менен бөлүшүштү.

Лекциянын жүрүшүндө баңгизаттарын сатуу маселелери, жарандардын коопсуздугуна жана ден соолугуна баңгизаттардын таасири, ошондой эле бул кылмыштуу көрүнүшкө каршы аракеттенүүнүн актуалдуу стратегиялары талкууланды. Өзгөчө көңүл баңгикылмыштар менен күрөшүү чөйрөсүндөгү эл аралык кызматташтыкка, ошондой эле жаштар менен профилактикалык иштин маанилүүлүгүнө бурулду.

Уюштуруучулардын айтымында, мындай лекциялар коопсуздук жана укуктук тартип жаатында, ошондой эле баңгизатка байланыштуу көйгөйлөрдү чечүүдө натыйжалуу иштей турган жогорку квалификациялуу адистерди даярдоодо чоң мааниге ээ.

УКМКнын Академиясынын угуучуларына өлкөдөгү баңгизат кырдаалы тууралуу лекция өткөрүлдү

Бүгүн, 2024-жылдын 20-ноябрында Ички иштер министрлигинин борбордук аппаратында Ички иштер министринин орун басары милициянын генерал-майору Эркебек Аширходжаев Америка Кошмо Штаттарынын Кыргызстандагы элчисинин орун басары Элизабет Зентос менен жолугушуу өткөрдү.

Жолугушуунун жүрүшүндө тараптар кылмыштуулук менен күрөшүүдө натыйжалуу ишке ашыруу жана жемиштүү кызматташуу үчүн, ачык-айкындуулук менен өз ара аракеттенүүгө жана мындан аркы кызматташтыкты өнүктүрүүгө даяр экендиктерин билдиришип, заманбап технологиялардын жардамы менен иш алып баруу жаатында кызматташуу багыттары &nbsp;белгиленди.

ИИМдин Басма сөз кызматы

Министрдин орун басары Эркебек Аширходжаев АКШнын Кыргызстандагы элчисинин орун басары Элизабет Зентос менен жолугушту

2024-жылдын 20-ноябрында Бишкекте Кара-Кыргыз автономиялык облусунун 100 жылдыгына арналган &ldquo;Борбор Азия университеттеринин трансформациясы глобалдык чакырыктардын контекстинде&rdquo; темасында беш мамлекеттин университеттеринин ректорлорунун үчүнчү форуму өтүүдө.

Ага Кыргыз Республикасынын ИИМдин Академиясынын башчысы милициянын генерал-майору Тариель&nbsp;&nbsp;Абитов да катышып жатат.

Форумга Кыргызстан, Казакстан, Тажикстан, Түркмөнстан жана Өзбекстандын мамлекеттик кызматкерлери, ректорлору, илимпоздору, окутуучулары жана эксперттери катышып жатышат.

Университет ректорлорунун форуму Борбор Азиянын жогорку билим берүү мейкиндигин өнүктүрүү саясатын координациялоо үчүн билим берүүнү интеграциялоо, мобилдүүлүктү күчөтүү, алакаларды жакшыртууга багытталган.

ИИМдин Академиясынын башчысы Борбор Азия университеттеринин ректорлорунун форумуна катышууда

2024-жылдын 18-19-ноябрь күндөрү ИИМдин Күзөт кызматында жана анын аймактык бөлүмдөрүндө мамлекеттик тилде жүргүзүлгөн иш кагаздардын деңгээлин, сабаттуулугун жана сапатын текшерүү иштери жүргүзүлдү. Текшерүүнүн жүрүшүндө ИИМдин Күзөт кызматында жана ага караштуу күзөт бөлүмдөрүндө иш кагаздарды тариздөөдө жана толтурууда кетирилген кемчиликтер жеринде көрсөтүлүп, мүчүлүштүктөрдү жоюуга багыттар берилди.

Бул текшерүүнүн жыйынтыгы менен 2024-жылдын 19-ноябрында ИИМдин Күзөт кызматында &ldquo;Ички иштер органдарында иш кагаздарын мамлекеттик тилде жүргүзүү&rdquo; деген аталыштагы атайын семинар-кеңешме өткөрүлдү.&nbsp;

Семинар кеңешменин жүрүшүндө мамлекеттик тилге байланышкан маселелер талкууланып, кызматкерлерге усулдук-практикалык жактан сунуштамалар көрсөтүлдү. Ошондой эле, семинардын жүрүшүндө жакында эле жарык көргөн &ldquo;Ички иштер органдарында колдонулган терминдердин орусча-кыргызча жана кыргызча-орусча сөздүгү&rdquo; таратылып берилди.&nbsp;

Бул иш-чарага ИИМдин Башкы штабынын мамлекеттик тил бөлүмүнүн башчысы милициянын полковниги А.Орозакунов, ошол эле бөлүмдүн тескөөчүсү милициянын лейтенанты Б.Беккелди уулу, ИИМдин Күзөт кызматынын жетекчилиги жана өздүк курамы катышышты.

&nbsp;

ИИМдин Басма сөз кызматы

ИИМдин Күзөт кызматында мамлекеттик тил маселеси боюнча семинар-кеңешме болуп өттү

2024-жылдын күзүндө Кыргыз Республикасынын Ички иштер министрлигинин Кылмыш иликтөө башкы башкармалыгынын ыкчам кызматкерлери социалдык тармактарда таратылган кулактандырууларга көңүл бурушкан, анда белгисиз адамдар жарандарга айдоочулук күбөлүктөрдү мамлекеттик уюмдардын - ыйгарым укуктуу органдардын катышуусуз эле сатып алууну сунушташкан. Жарнактарда кыска убакыттын ичинде даярдалган документтер алардын ээлерине ээн-эркин айдоого мүмкүндүк берери көрсөтүлүп, алар айдоочулук күбөлүгүнүн категориясына жараша кызмат акысын төлөөнү суранышкан.

Ички иштер министрлигинин Кылмыш иликтөө башкы башкармалыгынын кызматкерлери кыска күн ичинде Telegram социалдык түйүнүндө Кыргыз Республикасынын аймагында айдоочулук күбөлүктү сатып алуу мүмкүнчүлүгү тууралуу маалыматты таратып жаткан аккаунттун ээсин аныктоо боюнча иштерди жүргүзүштү. &laquo;Кызматтын&raquo; баасы 7000 сомдон 20 000 сомго чейин бааланган. Анын үстүнө айдоочулук күбөлүктөрдү сатып алган адамдардын паспорттору дагы социалдык тармактарга жарыяланган. 
 
Сүрөттөрү интернетке жарыяланган жарандардын өздүгүн аныктоо жана андан ары тактоо иштеринин жүрүшүндө, паспорт ээлери бир нече жыл мурун белгисиз жагдайда документтерин жоготуп алышканы белгилүү болгон.

2024-жылдын октябрь айында аныкталган фактылар ИИМдин Тергөө кызматынын маалымат журналына катталган. Топтолгон материалдардын негизинде Бишкек шаарынын Ленин райондук ички иштер башкармалыгында КР Кылмыш-жаза кодексинин 209-беренесинин 2-бөлүмү &ldquo;Алдамчылык&rdquo; боюнча кылмыш иши козголгон. 
 
Кийинчерээк айдоочулук күбөлүктөрдү экзаменсиз жана башка кыйынчылыктарсыз берүү жарнамасы социалдык тармактардын башка колдонуучулары тарабынан дагы таратылып жаткандыгы аныкталган. 
 
Ыкчам кызматкерлер толук маалымат таратып жаткан соцтармактардын колдонуучусунун ким экендигин аныкташты. Ал Бишкек шаарында жашаган 2007-жылы туулган жаран болуп чыкты. 
 
Маалым болгондой, калың чөйрөнүн көңүлүн буруу жана потенциалдуу кардарлардын агымын көбөйтүү максатында шылуундар социалдык тармактардын активдүү колдонуучулары менен байланышып, алардын жарнамасын жайылтууну сунушташкан. Тергөө органдарына алынып келинип, суракка алынган кыз 2024-жылдын октябрь айында бейтаныш жигит аны менен байланышып, айдоочулук күбөлүктү сатып алуу &nbsp;кызматтары боюнча жарнамасын ал кыздын баракчасына жарыялап берүүнү суранган. Ошол эле учурда ар бир жарыялоо үчүн ал 5000 сомдон төлөп турган.

Жүргүзүлгөн ыкчам иш-чаралардын жүрүшүндө ИИМдин Кылмыш иликтөө башкы башкармалыгынын кызматкерлери айдоочулук күбөлүктөрдү берүү кызматтары тууралуу билдирүүлөрдү тараткан Telegram аккаунтунун ээсин аныкташкан. Ал 2005-жылы туулган Чүй облусунун тургуну Т.У. аттуу борбордогу Жогоркуу окуу жайлардын биринин студенти болуп чыккан. Жогорудагы жаран тергөө амалдарын жүргүзүү үчүн Бишкек шаарынын Ленин райондук ички иштер башкармалыгынын тергөө кызматына жеткирилген.

Учурда аталган факты боюнча тергөө иштери жүрүп, жабырлануучуларды аныктоо үчүн кошумча тергөө-ыкчам иш-чаралар жүргүзүлүүдө. 
 
КР ИИМ эскеретет: социалдык тармактарда экзаменсиз айдоочулук күбөлүк алууга көмөктөшөт деген жарнактар жана сунуштар мыйзамсыз. Көбүнчө шылуундар жарандардын ишеничине кирип,алдын ала акы алып, изин жашырып кетишет.

Жол кыймылынын коопсуздугун камсыздоо башкы башкармалыгынын базасына маалыматтарды киргизүү менен айдоочулук күбөлүктү берүү жөнүндө социалдык тармактарда тараган маалыматтар жана жарнамалар &ndash; чындыкка дал келбейт. Айдоочулук күбөлүктөрдү алуу маселелери боюнча жарандар ыйгарым укуктуу органга - Кыргыз Республикасынын министрлер кабинетине караштуу Транспорттук каражаттарды жана айдоочулук курамды каттоо боюнча мамлекеттик агенттикке гана кайрылышы керек.

Ошону менен бирге КР ИИМдин КИББгы өзүн блогер деп атаган социалдык тармактардын активдүү колдонуучуларын этият болууга жана шектүү сунуштарга жана жарнамаларга макул болбоого чакырат. Шектүү схемалар тууралуу маалыматтар дароо ички иштер органдарына берилиши керек.

ИИМдин Басма сөз кызматы

ИИМдин КИББдин ыкчам кызматкерлери мыйзамсыз түрдө айдоочулук күбөлүк алууну сунуштап, социалдык тармактарда алдамчылык маалыматтарды таратып жүргөн жаранды аныкташты

Кыргыз Республикасынын ИИМдин БМЖКККнын башкармалыгынын башчысы Марсель Дооталиев башында турган Кыргыз Республикасынын делегациясы 2024-жылдын 18-ноябрында Душанбе шаарында Борбор Азия өлкөлөрү үчүн БУУнун БКБнын программасынын жетектөөчү комитетинин отурумуна катышты.

Иш-чаранын жүрүшүндө Борбордук Азия өлкөлөрүнүн, донор мамлекеттердин, БУУ БКБ жана профилдик эл аралык уюмдардын делегациялары аймакта баңгизаттарды мыйзамсыз жүгүртүүгө байланышкан учурдагы чакырыктарды жана коркунучтарды жана трансулуттук уюшкан баңги кылмыштуулугуна каршы аракеттенүүдө, мыйзамсыз баңги кирешелерин мыйзамдаштырууда/адалдоодо, жазык сот адилеттигин жүзөгө ашырууда, баңгизаттарды кыянаттык менен пайдаланууну болтурбоодо, ошондой эле баңгизаттар менен күрөшүү жаатында кыйла натыйжалуу чараларды кабыл алуу үчүн мониторинг, талдоо жана изилдөө жүргүзүү маселелерин талкуулашты.

Иш-чаранын жыйынтыгы боюнча катышуучулар 2025-жылга карата Борбордук Азия өлкөлөрү үчүн БУУнун БКБнын программасынын алкагында өз ара аракеттенүүнүн артыкчылыктуу багыттарын аныкташты.

&nbsp;

Борбор Азия өлкөлөрү жана БУУ БКБ аймактагы баңгизат коопсуздугунун учурдагы чакырыктарды жана коркунучтарды талкуулашты

2024-жылдын 19-ноябрында Баңгизаттарды мыйзамсыз жүгүртүүгө каршы күрөшүү кызматында видеоконференция форматында ыкчам жыйын болуп, анда үстүбүздөгү жылдын алгачкы 10 айынын жыйынтыгы чыгарылды.

Жолугушууда негизги көңүл баңгизаттарды мыйзамсыз жүгүртүүгө каршы күрөшүү чөйрөсүндөгү ыкчам кырдаалды талдоого, ошондой эле жүргүзүлгөн атайын операциялардын жана иликтөөлөрдүн жыйынтыктарына бурулду.

Кеңешменин жүрүшүндө алынган баңги каражаттарынын саны, ачылган кылмыштардын саны, ошондой эле трансулуттук наркокартелдер менен күрөшүүдө эл аралык өнөктөштөр менен өз ара аракеттенүүнүн натыйжалуулугу сыяктуу негизги маселелер каралды.

Мындан тышкары, синтетикалык баңгизаттарды жайылтуунун тенденцияларына, ошондой эле базарга жаңы психоактивдүү заттардын көбөйүшүнө байланыштуу көйгөйлөргө өзгөчө көңүл бурулду.

Баңгизаттарды мыйзамсыз жүгүртүү көйгөйү улуттук коопсуздукка эң чоң коркунучтардын бири бойдон калууда жана биз аны чечүү үчүн бардык зарыл чараларды көрүүнү улантабыз. Белгилей кетчү нерсе, аймактык бөлүмдөр жана эл аралык өнөктөштөр менен биргелешкен иш оң натыйжаларды берээрин эскертти ИИМдин БМЖКККнын башчысы Уланбек Султанов.

Талкуунун жүрүшүндө жарандар менен иштөөнү күчөтүү, баңгиликтин алдын алуу, ошондой эле ар кандай мамлекеттик жана жеке түзүмдөрдүн наркотрафик менен күрөшүүдөгү аракеттерин координациялоону жакшыртуу боюнча сунуштар берилди.

ИИМдин Басма сөз кызматы

ИИМдин  БМЖКККда 10 ай аралыгындагы ыкчам-кызматтык ишмердүүлүктү жыйынтыктоочу ыкчам кеңешме өттү

Бүгүн, 2024-жылдын 19-ноябрь күнү Алай районунун Жибек-Жолу айыл аймагында заманбап &nbsp;Коомдук алдын алуу борборунун имараты оңдоп түзөөдөн өткөрүлүп, &nbsp;пайдаланууга берилди.&nbsp;

Иш-чарага Ош облусунун ички иштер башкармалыгынын башчысынын орун басары Эрнис Бекташов, жергиликтүү бийлик өкүлдөрү, АКШнын Мамлекеттик департаментинин эл аралык баңгизат аткезчилигине каршы күрөшүү жана укук коргоо ишмердүүлүгү боюнча бюросунун программалык менеджери Ийи Микйанг, &nbsp;&ldquo;Эл аралык толерантуулук үчүн&rdquo; уюмунун Баткен кеңсесинин директору Роберт Абазбеков жана &ldquo;Сейферуорлд&rdquo; уюмунун Борбордук Азия боюнча аймактык менеджери Чыңгыз Исрайилов жана Чынгыз Иманалиев баштаган Алай райондук ички иштер бөлүмүнүн өздүк курамы катышты.&nbsp;

Иш-чаранын &nbsp;жүрүшүндө Эрнис Бекташов пайдаланууга берилип жаткан коомдук алдын алуу борборун ачуу менен &nbsp;жарандардын бейпил турмушун камсыз кылууга кошкон зор салымы үчүн &nbsp;жергиликтүү бийлик өкүлдөрүнө жана эл аралык уюмдарга Кыргыз Республикасынын ИИМдин жана Ош облусунун ички иштер башкармалыгынын атынан терең ыраазычылык билдирди жана ИИМдин &ldquo;Колдоо көрсөткөндүгү үчүн&rdquo; &nbsp;медалын &nbsp;жана Ардак грамоталарды тапшырды. &nbsp;Ал алыскы аймактарда дал ушундай борборлор калктын коопсуздугун камсыз кылууда эбегейсиз салым кошуп жатканын баса белгиледи.&nbsp;

Кошумчалай кетсек, &nbsp;аталган коомдук алдын алуу борборунун имаратын оңдоп түзөөгө, тийиштүү техникаларды буюмдарды &nbsp;сатып алууга жана иш бөлмөлөрүн жасалгалоого эл аралык уюмдар тарабынан 1 миллион сомдон ашуун каржылык колдоо көрсөтүлсө, жергиликтүү бюджеттен 585 миң 870 сом бөлүнгөн.

Эми бул имаратта &nbsp;Кыргыз Республикасынын 2021-жылдын 5-майындагы №60 &ldquo;Укук бузуулардын алдын алуунун негиздери жөнүндө&rdquo; мыйзамынын алкагында милиция кызматкерлери жана аксакалдар соту, аялдар кеңеши жана жаштар комитети укук бузуулардын алдын алуу боюнча иш алып барышат.&nbsp;

Ош ОИИБдин Басма сөз кызматы

Ош ОИИБ: Алайда Коомдук алдын алуу борбору  ачылды

Жол кыймылынын коопсуздугун камсыздоо&nbsp;&nbsp;башкы башкармалыгынын жер-жерлердеги бөлүмдөрүнүн&nbsp;&nbsp;кызматкерлерине буга чейин&nbsp;&nbsp;башкы башкармалыктын өздүк курам менен иштешүү кызматкерлери Кызыл Ай коому менен биргеликте жол кырсыктары болгон учурда&nbsp;&nbsp;жаракат алган жарандарыбызга алгачкы медициналык жардамдарды көрсөтүү боюнча практикалык сабактарды жеринде өткөрүп, көрсөтүшүп келишкен.

Бул ирет ЖКККББнын Атайын ротасынын экипаждарына&nbsp;&nbsp;Кызыл Ай коому тарабынан медициналык биринчи жардам&nbsp;&nbsp;кутучасы тапшырылды.

ИИМдин ЖКККББнын башчысы милициянын полковниги Жеңишбек Жоробеков бул уюумдун өкүлдөрүнө терең ыраазычылыгын билдирип, жол кырсыктарынын алдын алууда жарандарыбызга ыкчам жана алгачкы медициналык жардамдарды көрсөтүү багытында мындан ары да чогу кызматташуну бекемдөө зарыл экендигин&nbsp;&nbsp;белгиледи.

&nbsp;

ЖКККББнын басма сөз кызматы

ИИМдин Жол коопсуздугун камсыздоо башкы башкармалыгынын кызматкерлерине биринчи жардам дары-дармек кутучасы тапшырылды

Кыргыз Республикасынын ИИМдин БМЖКККнын ыкчам кызматкерлери республиканын аймагында сатуу максатында баңги каражаттарынын жана психотроптук заттардын ири партияларын жеткирүүнүн жана сатуунун туруктуу каналын уюштурган, болжол менен 35-40 жаштагы &quot;Равш&quot; аттуу кишиге жана белгисиз адамдарга карата ыкчам маалыматтар алынган.&nbsp; 
 
Бул маалымат Кыргыз Республикасынын Кылмыш-жаза кодексинин 282-беренесинде каралган кылмыштын белгилери боюнча Кыргыз Республикасынын ИИМдин Тергөө кызматында катталган.&nbsp;

Тергөө-ыкчам иш-чараларды жүргүзүү учурунда ИИМдин БМЖКККнын кызматкерлери Чүй облусунун аймагында коомдук автоунаанын ичинен 1986-жылы туулган И.Р.Х. аттуу адамды кармашкан, жеке тинтүү учурунда анын сол чөнтөгүндө боз түстөгү күрмө кийиминде, ачык түстөгү скотч менен оролгон бир брикет табылган, анын ичинде &quot;30х2&quot; деген кол жазма менен жазылган 36 даана кызыл түстөгү термо пакеттер болгон.&nbsp; 
 
Бир термо пакетти ачканда анын ичинде өзгөчө жыты бар ак түстөгү порошок болгон. Бул зат эксперттин корутундусуна ылайык, &ldquo;мефедрон&rdquo; психотроптук зат болуп аныкталды.

Кылмыш ниетин ишке ашырып, психотроптук заттарды сатса мыйзамсыз киреше 310 миң сомдон ашышы мүмкүн эле.

Белгилей кетсек, &quot;мефедрон&quot; психотроптук затынын 432ден ашык бир жолку дозасынын таралышынын алдын алынган.

Учурда бул кылмышка тиешеси бар башка адамдарды аныктоо боюнча кошумча атайын-тергөө жана ыкчам-издөө иш-чаралары жүргүзүлүүдө.

Чүй облусунда “мефедрон” психотроптук затын сатууну көздөгөн жаран кармалды

Буга чейин , &quot;Казак&quot; лакап аты менен таанымал М.У. аттуу жаран Египетте кармалганы, ал оор кылмышка шектелип, Интерпол кызматы тарабынан изделгендиги маалымдалган.

Ал ИИМдин ыкчам каттоосунда уюшкан кылмыштуу топтун активдүү мүчөсү катары турат. 
2024-жылдын октябрында Интерполдун кызматкерлери тарабынан изделип жаткан жаран Египетте кармалган. &nbsp;Компетенттүү органдар тарабынан аны экстрадициялоо боюнча иш-чаралар жүргүзүлгөн.

Үстүбүздөгү жылдын 17-ноябрында ИИМдин Кылмыш иликтөө башкы башкармалыгынын жана ИИМдин Интерпол Улуттук борбордук бюросунун кызматкерлери &nbsp;тарабынан кармалган &quot;Казак&quot; лакап аты менен таанылган М.У. аттуу жаран, Ош шаарына жеткирилген. Египеттин Интерполунун кызматкерлери активдүү көмөк көрсөтүштү.

ИИМдин Басма сөз кызматы

ИИМдин КИББ: Египетте кармалган, "Казак" лакап аты менен таанымал болгон М.У. аттуу жаран Кыргызстанга алынып келинди

ИИМдин Кылмыш иликтөө башкы башкармалыгынын кызматкерлерине Бишкек шаарынын жана Чүй облусунун аймагында бир нече адам, болжолдуу түрдө Токтогул районунун тургундары баңги затын таратуучу канал ачканы тууралуу маалымат алышкан.&nbsp;

Милиция кызматкерлери ыкчам маалыматтын аркасында баңгизат сатуучулардын изине түшкөн. 
Бул факты боюнча чогултулган материалдардын негизинде 2024-жылдын сентябрь айында ИИМдин Тергөө кызматы тарабынан Кыргыз Республикасынын Кылмыш-жаза кодексинин 282-беренесинин (Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо) негизинде кылмыш иши козголгон.

Андан аркы ыкчам иш-чаралардын жүрүшүндө шектүү адамдар Бишкекте ири өлчөмдөгү баңги каражаттарын сатуу үчүн сатып алуучуларды издеп жатышканы белгилүү болду.Буга байланыштуу баңгизат сатуучуларга ишеним артып, аларды кармоо максатында мындан аркы иш-чаралардын планы иштелип чыккан. Бул операцияга кызматкерлер кылдаттык менен даярданышкан.

ИИМдин Кылмыш иликтөө башкы башкармалыгынын Уюшкан кылмыштуулукка каршы күрөшүү башкармалыгынын ыкчам кызматкерлери баңгизатын сатып алуучулар менен сүйлөшүп, жолуга турчу жер белгиленген. Сатып алуучу катары оперативдүү кызматкерлер өздөрү чыгышкан.

Кийинчерээк Жалал-Абад облусунун Токтогул районунун кылмышка шектүү тургундары баңги затын (гашиш) автоунаага (иномарка) алмаштыргысы келгени белгилүү болгон.

Кылмыш иликтөө башкы башкармалыгынын ыкчам кызматкерлери байланышка чыгышкандан кийин баңгизатты &ldquo;Тойота Камриге&rdquo; алмаштырыла турган жер белгилүү болгон.

Бир күн мурун Токтогул районунда Ички иштер министрлигинин кызматкерлери тарабынан баңги затын сатууга шектелген адамдарды кармоо боюнча атайын операция жүргүзүшкөн. 5 кг баңги затын автоунаага алмаштыруу жүргүзүлүп, андан соң ИИМдин Кылмыш иликтөө башкы башкармалыгынын тарабынан Жалал-Абад облусунун Токтогул районунун тургуну 1995-жылы туулган Ч.у Н. кармалган. 5 кг салмактагы &quot;гашиш&quot; баңги заты алынды.

Мындан тышкары Бишкек шаарынын аймагында анын шериги Токтогул районунун тургуну 1997-жылы туулган А.у К. аттуу жаран кармалып, жеке текшерүү учурунда салмагы 138 грамм баңги зат (гашиш) алынган. 
Кармалган эки адам тең Бишкек ШИИБдин убактылуу кормоочу жайына киргизилди. Тергөө иштери жүрүп жатат.

ИИМдин Басма сөз кызматы

ИИМдин КИББдин ыкчам кызматкерлери ири көлөмдөгү баңги затын сатууну көздөгөн жарандарды кармашты

Өлкөбүздө өтүп жаткан жергиликтүү кеңештердин депутаттарын шайлоодо Жол кыймылынын коопсуздугун камсыздоо башкы башкармалыгынын өздүк курамы шайлоо участокторуна&nbsp;&nbsp;бекитилип, бөлүнгөн чарчыларда коомдук коопсуздукту жана жол кыймылынын коопсуздугун камсыздашууда.

Айрыкча добуш берүүгө келген жарандарыбызга ыңгайлуу шарттарды түзүп, жол жээгиндеги унаалардын туура эмес жерлерге токтоолоруна жана жол тыгындарына жол бербөө үчүн тийиштүү тилкелерде жол кыймылын жөнгө салышууда.

Кызматкерлердин ишмердүүлүгүн ИИМдин Жол кыймылынын коопсуздугун камсыздоо башкы башкармалыгынын башчысы милициянын полковниги Жеңишбек Жоробеков жеринен текшерип, бул мамлекеттик маанидеги тарыхый күндөрдө милиция элдин коопсуздугунда болуусу, чагымчыл маалыматтардын же туура эмес көрүнүштөрдүн чыгып кетүүсүнө жол бербөө боюнча тийиштүү нускамаларды жеткирүүдө.

Ошондой эле ЖКККББнын башчысы шайлоо участокторуна бекитилген жергиликтүү бийлик органдарына, тийиштүү мамлекеттик кызматтарга, медицина кызматкерлерине, элдик кошуундарга&nbsp;&nbsp;жана укук коргоо органдарына кайрылып,&nbsp;&nbsp;&laquo;-жарандарыбыздын укуктарын сактоого, аларга ыңгайлуу шарттарды түзүүгө&nbsp;&nbsp;жана жалпы коопсуздукту камсыздоодо жигердүү жана күжүрмөн кызмат өтөп берүүбүз зарыл экендигин эскертти&raquo;.

&nbsp;

&nbsp;

ЖКККББнын басма сөз кызматы

ЖКККББгы күчөтүлгөн тартипте кызмат алып барууда

2024-жылдын 17-ноябрь күнү Кыргыз Республикасынын жергиликтүү кеңештеринин депутаттарын шайлоо күнү өтөт. Өлкөнүн турмушундагы маанилүү окуяларга байланыштуу Ички иштер министрлиги тарабынан шайлоо участкаларында коопсуздукту камсыз кылууга, укук тартибин сактоого багытталган чаралар көрүлүүдө.

Жер-жерлердеги ички иштер органдарынын тергөө жана ыкчам кызматтарынан турган атайын 50дөн ашуун &ldquo;Документтештирүү топтору&rdquo; түзүлүп, иш алып барылууда.

Шайлоо мыйзамдарын бузуу, шайлоочулардын добуштарын сатып алуу фактыларын аныктоо боюнча тиешелүү иш-чаралар жүргүзүлүүдө. Ошондой эле милицияга бардык мыйзам бузууларга токтоосуз чара көрүү тапшырмасы берилди.

Аймактык бөлүмдөрдүн ишин координациялоону, алдыга коюлган милдеттерди натыйжалуу аткарууну камсыз кылуу максатында бир катар жетекчилер региондорго бекитилген.&nbsp;&nbsp;Жалпысынан 15 миң ички иштер органдарынын кызматкерлери коомдук тартипти жана жол кыймылынын коопсуздугун күчөтүлгөн тартипте камсыз кылып жатышат.&nbsp;

Шайлоо учурунда, ар түрдүү мыйзам бузууларды, айрыкча добуш сатып алуу, элди ташуу, мыйзамсыз үгүт жүргүзүү сыяктуу элдин көңүлүн бурган көрүнүштөргө бөгөт коюу жаатында ыкчам иликтөө иш-чаралары жүргүзүп, шайлоо комиссиялары менен өз ара аракеттенет.

Учурда борбор калаадагы жана аймактардагы шайлоо участкаларында коомдук тартипти атайын бузуулар катталган жок. Милиция кызматкерлери республиканын бардык аймактарындагы 2443 шайлоо участкаларында коомдук тартипти жана коопсуздукту камсыз кылууда.

ИИМдин Басма сөз кызматы

Милиция кызматкерлери шайлоо участкаларындагы коомдук тартипти жана коопсуздукту камсыздоодо

Кыргыз Республикасында жергиликтүү кеңештерди шайлоону өткөрүүнүн алкагында республика боюнча ИИМдин Күзөт кызматынын 2000ден ашуун кызматкери жалпы өлкө боюнча шайлоо участкаларында коомдук тартипти жана коопсуздукту камсыз кылууга активдүү катышууда.

Мүмкүн болгон укук бузуулардын алдын алуу жана жарандардын эркин жана коопсуз эркин билдирүүсү үчүн шарттарды түзүү максатында Кыргыз Республикасынын ИИМ шайлоочуларды жана шайлоо процессинин катышуучуларын коргоо үчүн бардык зарыл чараларды көрөт. Коопсуздук кызматкерлери шайлоо участкаларында коопсуздукту камсыз кылып, мыйзамдардын сакталышын көзөмөлдөп, бул жерде чакырууларга ыкчам жооп кайтарышат.

Негизги милдет болуп - шайлоонун мыйзамдуулугун жана ачык-айкындыгын камсыз кылуу, ошондой эле добуш берүү участкаларына келген бардык жарандар үчүн тынч жана коопсуз атмосфераны түзүү.

Шайлоо участкаларында ИИМдин кызматкерлери коомдук тартиптин сакталышын көзөмөлдөп, шайлоо комиссияларынын мүчөлөрү жана саясий партиялардын өкүлдөрү менен өз ара аракеттенишет, ошондой эле шайлоо пункттарынын жанындагы коопсуздукту көзөмөлдөшөт.&nbsp;

Бардык чаралар шайлоо мыйзам чегинде өтүп, жарандар эркин жана тоскоолдуксуз өз эркин билдире алышына багытталган.

Мындан тышкары, ИИМдин Күзөт кызматы шайлоочулардын көбүрөөк катышуусу күтүлүп жаткан участоктордо, ошондой эле коомдук тартип үчүн коркунуч болушу мүмкүн болгон жерлерде күчөтүлгөн коопсуздук чараларын карады. Ички иштер органдарынын бардык иштери жергиликтүү бийликтер жана байкоочулар менен тыгыз кызматташтыкта жүргүзүлөт, бул шайлоо процессинин ачыктыгына жана ачыктыгына өбөлгө түзөт.

&nbsp;

ИИМдин ККнын Басма сөз кызматы

ИИМдин Күзөт кызматынын кызматкерлери жергиликтүү кеңештерге шайлоо өткөрүү мезгилинде шайлоо участкаларында тартипти камсыздоодо

Шайлоого байланыштуу өлкөнүн турмушундагы маанилүү окуяларга байланыштуу Ички иштер министрлиги коопсуздукту камсыз кылууга, укук тартибин сактоого багытталган бардык чараларды көрдү.

Бүгүн 17-ноябрь күнү саат 08:00дө башталган шайлоо, саат 20:00дө аяктады.

Республиканын бардык аймактарындагы 2443 шайлоо тилкелеринде 15 миң кызматкер күчөтүлгөн тартипте кызмат өтөөсүн ушул учурда улантышууда.

Жүктөлгөн милдеттерди натыйжалуу аткаруу жана жер-жерлердеги аймактык бөлүмдөрдүн ишин координациялоону камсыз кылуу максатында региондордо Ички иштер министринин орун басарлары, ИИМдин кызматтарынын жана башкармалыктарынын жетекчилери иш алып барышууда.

Кыргыз Республикасынын жергиликтүү кеңештерине шайлоо одоно бузулбастан өттү. Ички иштер органдары мамлекеттик органдар жана Борбордук шайлоо комиссиясы менен тыгыз өз ара аракеттенишет.

Бүгүнкү күнгө чейин шайлоого байланышкан жалпы 96 факт маалыматтардын электрондук журналына катталган.

Ал эми бүгүн 17-ноябрда саат 08:00дөн баштап саат 20:00гө чейин жалпы республика боюнча шайлоо мыйзам бузууларына байланыштуу 69 факт маалыматтардын электрондук журналына катталган.

Бирок, бүгүнкү шайлоо мезгилинде катталган фактылар, ушуну менен чектелбейт. Себеби, арыз-билдирүүлөр дагы болушу толук ыктымал.

&nbsp;Жалпысынан республиканын аймагында коомдук-саясий абал туруктуу. Шайлоо тынч жана одоно укук бузуулары жок өттү.

&nbsp;Ички иштер министрлиги коомдук коопсуздукту камсыздоо багытында жүктөлгөн милдеттерди белгиленген тартипте аткарып жатат.

Жалган маалыматты тараткан жана туруксуздукка алып келүүгө чакырган жарандар кылмыш жообуна тартылаарын эскертип кетебиз.

&nbsp;

ИИМдин Басма сөз кызматы

Жергиликтүү кеңештерге шайлоолор тынч, одоно мыйзам бузууларсыз өттү

2024-жылдын 15-ноябрында&nbsp;ЖКККББнын Атайын ротасынын кызматкерлери бөлүнгөн аймакта&nbsp;&nbsp;кызмат өтөө учурунда Тунгуч кичи районунда болжолдуу беш жаштагы өспүрүм кыз жалгыз адашып, үйүн таппай жүргөндүгүн көрүшкөн.

Атайын ротанын кызматкерлери өспүрүм кызды&nbsp;&nbsp;&nbsp;кызматтык унаага салып, шаарды кыдырып, ата-энесин таап, сак-саламат жеткирип беришкен.

Өз кезегинде кыздын атасы кызы бала-бакчадан чыккан бойдон дайыны жок болуп издеп жаткандыгын айтып, ыкчам аракет кылган&nbsp;&nbsp;жол тескөөчүлөрүнө рахматын айтып, ыраазычылыгын билдирген.

&nbsp;

ЖКККББнын басма сөз кызматы.

ЖКККББнын кызматкерлери  адашып жүргөн өспүрүм кызды таап беришти

Бүгүн, милиция кызматкерлери Борбордук шайлоо комиссиясынын өкүлдөрү менен биргеликте Баткен облусунун Зардалы айылына бет алышты.

Зарыдалы айылы Баткен облусунун тоолорундагы эң алыскы жана жетүүгө кыйын айыл болуп эсептелет.

Сыртта добуш берүүнүн тартибине ылайык, шайлоочулардын тизмесине киргизилген жана алыскы жана барууга кыйын аймактарда жайгашкан жерлерде убактылуу жашаган шайлоочулар жашаган жери боюнча добуш беришет. Участкалык шайлоо комиссиялары мындай шайлоочуларга добуш берүү күнүнө бир календарлык күн калганда добуш берүүчү жайдан тышкары добуш берүү мүмкүнчүлүгүн камсыз кылууга милдеттүү.

Буга чейин арыз тапшырган бул айылдын жашоочулары добуш берүү процедурасын жайдан тышкары өткөрүштү.

Шайлоо процессинин ар бир этабында ички иштер органдарынын кызматкерлери шайлоону уюштурууда жана өткөрүүдө коопсуздукту камсыз кылуу үчүн жоопкерчилик тартат жана өз ишин шайлоо комиссиялары менен биргеликте жүзөгө ашырат. Добуш берүүчү жайдан тышкары жерде добуш берүүнү уюштуруп жаткан участкалык шайлоо комиссияларынын мүчөлөрүнүн коопсуздугун камсыз кылуу да милиция кызматкерлеринин милдеттерине кирет.

ИИМдин Басма сөз кызматы

ИИМ: Баткен облусунда милиция кызматкерлери БШК мүчөлөрүнүн коштоп, Зардалы айылына барышты

15-ноябрда &laquo;Чек арасыз Спорт&raquo;урааны алдында Бишкекте парамарафон болуп өттү.

Иш-чара Дөлөн Өмүрзаков атындагы&nbsp;&nbsp;&laquo;Спартак&raquo; стадионунда болуп өттү.&nbsp;

Марафонго ден соолугунун мүмкүнчүлүктөрү чектелген спортчулар катышышты.

Иш-чараны КР Олимпиадалык спорт коомдук бирикмеси, Улуттук паралимпиадалык комитети, жеңил атлетика федерациясы жана &laquo;Марафон дирекциясы&raquo; Коомдук бирикмеси уюштурушту.

Спортчулар жеңил атлетика, мас-рестлинг жана башка спорттун түрлөрү боюнча күч сынашты.&nbsp;

Мелдештин жеңүүчүлөрү Кыргыз Республикасынын ИИМинин БМЖКККнын аталган парамарафонунун өнөктөшүнөн белектер менен сыйланышты

Бишкекте «Чек арасыз спорт» парамарафону болуп өттү

Кыргыз Республикасынын жергиликтүү кеңештеринин депутаттарын шайлоодо коомдук тартипти сактоо жана коопсуздукту камсыздоо максатында Баткен ОИИБдин башчысы милициянын полковниги Улан Жукеновдун атайын буйругу чыгып, милиция кызматкерлери жер-жерлердеги шайлоо аймактарына бөлүндү. 
&nbsp; &nbsp; &nbsp; &nbsp; &nbsp; 
Башкармалыктын жетекчилиги тарабынан шайлоо тилкелерине бөлүнгөн ИИОнун кызматкерлери &nbsp;мыйзамдуулукту сактоо, коомдук тартипти көзөмөлдөө, ал жердеги санитардык эрежелердин нормаларынын сакталышын көзөмөлдөө жагы боюнча атайын нускамалар берилди.&nbsp; 
&nbsp; &nbsp; &nbsp; &nbsp; &nbsp; 
Баткен облус аймагындагы шайлоо боюнча жалпысынан 219 шайлоо тилкесине 950 милиция кызматкерлери 424 элдик кошуундар жана 300гө жакын ИИМдин ардагерлери күчөтүлгөн тартипте иш алып барып, коомдук тартипти сактап иш алып барат. 
&nbsp; &nbsp; &nbsp; &nbsp; &nbsp; &nbsp; 
Кыргыз Республикасынын жергиликтүү кеңештеринин депутаттарын шайлоодо Баткен облусундагы ИИОнун кызматкерлери 2024-жылдын 15-ноябрынан 18-ноябрына чейинки аралыкта күчөтүлгөн тартипте кызмат өтөйт.

Баткен ОИИБдин Басма сөз кызматы

Баткен облусундагы ИИОнун кызматкерлери Кыргыз Республикасынын жергиликтүү кеңештеринин депутаттарын шайлоо боюнча жер-жерлерге бөлүндү

ИИМдин Күзөт кызматынын милиционерлери оор кылмышка шектелген жаранды кылмыштын изи сууй элегинде кармашты. 
7-ноябрь күнү таңкы маалда Бишкек шаарынын Биринчи май райондук күзөт бөлүмүнүн кызматкери батирлердин биринде белгисиз адамдын бычакталганы тууралуу маалымат алган. &nbsp;Милиция кызматкеринин үстүндө форма кийими болгондуктан, жарандар ага дароо кайрылышкан. Ал ыкчам аракеттерди көрүп, дароо күзөт бөлүмүнүн кармоо тобунун кайгуулдагы экипажына, ошондой эле 102 кызматына маалымат берген. Окуя болгон жерден &nbsp;мас абалындагы жаран чыгып, колундагы бычакты ыргытып, окуя болгон жерден изин жашырып кетүүгө аракет кылган. Бул учурда милиция кызматкери тарабынан кармоо чаралары көрүлгөн. Ошол учурда &nbsp;Биринчи май райондук күзөт бөлүмүнүн кармоо тобунун экипажы менен бирге шектүүнү үйдүн кире беришинен кармашкан. &nbsp;Кармалган жаран мурда соттолгон 1979-жылы туулган А.Л. экендиги аныкталган. Кылмыш болгон жерди текшерүүдө батирдин ичинен бычактан жаракат алган адамдын сөөгү табылган. Алдын ала маалыматтар боюнча, кылмыш чырдан улам жасалган. Окуя болгон жерге Ленин райондук ИИБдин тергөө-ыкчам тобу жана райондук прокуратуранын кызматкерлери барышкан.&nbsp; 
 
Учурда аталган факты боюнча иликтөө иштери жүрүп жатат.

ИИМдин Басма сөз кызматы

ИИМдин Күзөт кызматынын кызматкерлери адам өлтүрүүгө шектелген жаранды кармашты

Кыргыз Республикасынын жергиликтүү кеңештеринин депутаттарын шайлоодо мамлекетибиздин коомдук-саясий турмушундагы маанилүү окуяга байланыштуу Ички иштер министрлиги тарабынан коомдук тартипти жана коопсуздукту камсыз кылуу боюнча атайын тескеменин негизинде милиция кызматкерлери күчөтүлгөн тартипте иш алып барышат.&nbsp;

Эскерте кетсек, 2024-жылдын 17-ноябрында 
Кыргыз Республикасынын жергиликтүү кеңештеринин депутаттарын шайлоо күнү болот.

Коопсуздукту камсыз кылуу - ар кандай шайлоо процессинин маанилүү жана зарыл бөлүгү болуп саналат, Ички иштер министрлиги мыйзамдуулукту камсыз кылуу, жарандардын укуктарын жана эркиндиктерин коргоо, коомдук тартипти сактоо, кылмыштуулукка каршы күрөшүү боюнча иш-чараларды жүзөгө ашырат.

КР ИИМдин &ldquo;Жергиликтүү кеңештерди шайлоону даярдоо жана өткөрүү мезгилинде коомдук тартипти жана коопсуздукту камсыз кылуу боюнча чаралар жөнүндө&quot; буйругу чыкты. Укук тартибин камсыз кылуу боюнча иш-чаралардын комплекстүү планы иштелип чыгып, ал өзүнө мыйзамдуулукту, жарандардын укуктарын жана эркиндиктерин камсыз кылуу, шайлоо участкаларын кайтаруу, шайлоо бюллетендерин ташып жеткирүү боюнча иштерди уюштурууну камтыйт.&nbsp; 
Ошондой эле жүктөлгөн милдеттерди натыйжалуу аткаруу үчүн ыкчам штаб түзүлдү.

Шайлоо өтүп жаткан күндөрү коомдук тартипти сактоого мыйзамдуулукту сактоо жана тартип бузуулардын алдын алуу максатында республиканын бардык региондорунда милиция кызматкерлери тартылат. Ар бир шайлоо участогуна милиция кызматкери бекитилип берилген.

16-ноябрда саат 8:00дөн баштап шайлоо алдындагы үгүт иштерин жүргүзүүгө тыюу салуу күчүнө кирет. &quot;Жымжырттык күнү&quot; деп аталган бул мезгил добуш берүү башталганга чейин 24 саатка созулат.

Ички иштер министрлиги тартип бузуулар, шайлоо мыйзамдарын бузуулар аныкталса, бардык фактылар катталып, мыйзам чегинде чара көрүлөрүн эскертет.

ИИМдин Басма сөз кызматы

ИИМ: Жергиликтүү кеңештердин депутаттарын шайлоону даярдоо жана өткөрүү мезгилинде коомдук тартипти жана коопсуздукту камсыз кылуу боюнча күчөтүлгөн тартипте иш-чаралар көрүлөт

2024-жылдын 13-ноябрь күнү Чүй облустук Ички иштер башкы башкармалыгынын кызматкерлерине өлкө аймагында тыюу салынган &quot;Йакын-Инкар&quot; экстремисттик уюмунун мүчөлөрү &quot;Ютуб&quot; социалдык тармагы аркылуу экстремисттик көз караштагы видео материалдарды тараткандыгы боюнча маалымат түшкөн.&nbsp;&nbsp;Видео материалдар соттук-лингвистикалык экспертизага берилип, экспертизанын корутундусу менен ал материалдар &quot;Йакын-Инкар&quot; экстремисттик уюмунуна тиешелүү экени аныкталган.

Бул факт Жайыл РИИБине катталып, Кыргыз Республикасынын Кылмыш-жаза кодексинин 331-беренесинин (Экстремисттик уюмду түзүү жана каржылоо) негизинде кылмыш иши козголгон.

Кыргыз Республикасынын ИИМдин, Чүй ОИИББнын ЭММККнын кызматкерлери, УКМКнын Чүй облусу боюнча башкармалыгынын кызматкерлери менен биргеликте&nbsp;&nbsp;ыкчам-иликтөө иш-чараларын жүргүзүшүп, жыйынтыгында видео материалдардагы жарандар аныкталып, 1970-жылы туулган О.Ч., 1983-жылы туулган Р.А., 1964-жылы туулган С.К., 1973-жылы туулган Д.М., 1976-жылы туулган С.Т., 1958-жылы туулган А.К., 1978-жылы туулган С.К., 1971-жылы туулган К.Б., 1983-жылы туулган К.Б. аттуу жарандар кармалган.

Кылмыш ишинин алкагында 15-ноябрь күнү жогоруда аталган жарандардын үйлөрүнө тинтүү жүргүзүлүп, анда 38 даана адабият, ар кандай дисктер, баракчалар табылып, аларга соттук-лингвистикалык экспертиза дайындалган.

Тергөө иштеринин жүрүшүндө 1964-жылы туулган С.К. аттуу жаран&nbsp;&nbsp;Кыргыз Республикасынын Кылмыш-жаза кодексинин 96-беренесинин негизинде убактылуу кармоочу жайга киргизилген. Ал эми &quot;Йакын-Инкар&quot; экстремисттик уюмунан калган мүчөлөрүнө 1970-жылы туулган О.Ч., 1983-жылы туулган Р.А., 1973-жылы туулган Д.М., 1976-жылы туулган С.Т., 1958-жылы туулган А. К., 1978-жылы туулган С.К., 1971-жылы туулган К.Б., 1983-жылы туулган К.Б. аттуу жарандарга &quot;Йакын-Инкар&quot; экстремисттик уюмунан баш тартуу боюнча эскертүү берилген.

Тергөө уланууда.

&nbsp;

Чүй ОИИББнын Басма сөз кызматы

Чүй ОИИББнын Экстремизмге жана мыйзамсыз миграцияга каршы күрөшүү кызматы тарабынан өлкө аймагында тыюу салынган “Йакын-Инкар” экстремисттик уюмуна шектүү жарандар кармалды

Баткен облусунда ИИМдин Коомдук коопсуздук кызматы тарабынан уюштурулган окуу семинары өтүүдө.&nbsp;

Баткен, Кызыл-Кыя, Сүлүктү шаарлары жана&nbsp;&nbsp;Баткен, Кадамжай, Лейлек районунун ички иштер бөлүмдөрүнүн жана социалдык камсыздоо бөлүмдөрүнүн кызматкерлерине 2024-жылдын 7-августунда кабыл алынган &ldquo;Үй-бүлөлүк зомбулуктан сактоо чөйрөсүндөгү Кыргыз Республикасынын айрым мыйзам актыларына өзгөртүүлөрдү киргизүү жөнүндө&rdquo; Кыргыз Республикасынын 161-мыйзамында каралган өзгөртүүлөрү боюнча окуу-семинары өткөрүлүүдө.&nbsp;&nbsp;

Бул семинарда мыйзамда каралган коргоо ордери 30 күнгө берилүүсү, андагы тобокелдиктерди баалоо протоколун түзүү үйрөтүлдү. Мындан тышкары&nbsp;&nbsp;зомбулук жасаган адамдын жүрүм-турумун өзгөртүү боюнча оңдоп түзөөчү программалар талкууланды.&nbsp;

Ошондой эле ИИОнун&nbsp;&nbsp;кызматкерлери тарабынан зордук-зомбулук менен күрөшүүдөгү&nbsp;&nbsp;иш-аракеттер жана&nbsp;&nbsp;көрүлүүчү чаралары каралды.

&nbsp;

ИИМдин Басма сөз кызматы

Баткенде зордук-зомбулук менен күрөшүү боюнча окуу өткөрүлүүдө

ИИМдин Баңгизаттарды мыйзамсыз жүгүртүүгө каршы күрөшүү кызматынын Кинологиялык борборунун кызматкерлери Нарын облусунун Жумгал районунда дайынсыз жоголгон жаран 1979-жылы туулган К.Б. жансыз денесин табышты. &nbsp;&nbsp; 
 
2024-жылдын 11-ноябрында Нарын облусунун Жумгал районунун аймагында ИИМдин БМЖКККнын кызматкерлери кызматтык-издөө иттери менен издөө иштерине тартылган.&nbsp; 
 
Бүгүн, 2024-жылдын 14-ноябрында КР ИИМ БМЖКККнын кызматтык-издөө иттеринин жардамы менен дарыянын жээгинен адамдын жансыз денеси табылды, ит жоголгон жарандын жытын алып анын сөөгүн Көкөмерен суусунун боюнда аныктады.&nbsp; 
 
Учурда издөө иштери анын уулун табууга багытталган.&nbsp; 
 
Эске сала кетсек, дайынсыз жоголгон ата жана анын жашы жете элек уулу 2024-жылдын 16-октябрынан бери изделүүдө.&nbsp; 
Издөө иштерине укук коргоо органдарынын кызматкерлери, ыктыярчылар жана жергиликтүү тургундар тартылган.&nbsp; 
ИИМдин БМЖККК маркумдун үй-бүлөсүнө терең кайгыруу менен көңүл айтат жана издөө иштерин аягына чыгаруу үчүн колдон келгендин баарын улантууда.

ИИМдин Басма сөз кызматы

Жумгалда жоголгон жарандын жансыз денесин ИИМдин БМЖКККнын кызматкерлери табышты

Бүгүн, 2024-жылдын 14-ноябрында Ички иштер министрлигинин борбордук аппаратында баңгизаттарды мыйзамсыз жүгүртүү, кылмыштуулук, анын ичинде экстремизм жана терроризмдин алдын алуу, каршы күрөшүү максатында эки тараптуу кызматташуунун артыкчылыктуу багыттарын талкууланган жолугушуу өттү.

Бул жолугушууга &nbsp;ички иштер министринин орун басары милициянын генерал-майору Суюнбек Ниязбеков, ИИМдин Баңгизаттарды мыйзамсыз жүгүртүүгө каршы күрөшүү кызматынын башчысы милициянын полковниги Уланбек Султанов, ИИМдин Эл аралык кызматташтык &nbsp;башкы башкармалыгынын башчысы милициянын полковниги Нурбек Жангабылов, ИИМдин Экстремизмге жана мыйзамсыз миграцияга каршы күрөшүү кызматынын башкармалыгынын &nbsp;башчысы милициянын полковниги Самат Бердикожоев жана ИИМдин Кылмыш иликтөө башкы башкармалыгынын &nbsp;башкармалыгынын башчысы милициянын полковниги Айбек Асангазиев &nbsp;катышты.&nbsp;

Ал эми экинчи тараптан Кыргыз Республикасындагы Бириккен улуттар уюму тарабынан Баңгизаттар жана кылмыштуулук (БУУ БКБ) боюнча башкармалыгынын Афганистан, Борбордук Азия, Иран жана Пакистан боюнча жаңы дайындалган аймактык өкүлү Оливер Штольпе, БУУнун БКБнын Кыргыз Республикасындагы Программалык кеңсесинин башчысы Андрей Селезнев катышты.&nbsp;

Жолугушуунун жүрүшүндө тараптар кызматташтыкка байланыштуу маселелерге &nbsp;кеңири токтолуп, баңгизаттарды мыйзамсыз жүгүртүүгө каршы күрөшүү, кылмыштуулук, анын ичинде экстремизмге жана терроризмге каршы туруу, ошондой эле гендердик зомбулуктун алдын алуу жаатында бир катар маселелер талкуулануу менен бирге иш алып баруу боюнча кызматташуунун багыттары белгиленди. 
&nbsp; 
ИИМдин Басма сөз кызматы

Министрдин орун басары Суюнбек Ниязбеков БУУнун аймактык өкүлү Оливер Штольпе менен жолугушту

Алдыда өтө турган жергиликтүү кеңештердин депутаттыгына талапкерлерди шайлоо үчүн шайлоочулардын добуштарын сатып алууга шектелип &ldquo;Социал-Демократы&rdquo; саясий партиясынын лидери жана бир катар мүчөлөрү кармалды.

Буга чейин социалдык тармактарда жогоруда аты аталган партиянын мүчөлөрүнүн добуштарды сатып алуу боюнча сүйлөшүүлөрү тараган. Анын негизинде, Бишкек ШИИББдин Тергөө кызматы тарабынан Кыргыз Республикасынын Кылмыш-жаза кодексинин 196- беренесинин &nbsp;1-бөлүгүнө (шайлоочулардын добуштарын сатып алуу) ылайык кылмыш иши козголгон.&nbsp; 
&nbsp; 
Жогорудагылардын негизинде күбө катары &ldquo;Социал-Демократы&rdquo; партиясынын лидери Т. С. жана бир катар мүчөлөрү К.И., А.Р., А.Н., С.Б., А.К., Ч.Д., Н.Н., Т.Р. А.Б. суракка алынып, алардын ичинен К.И., Т.Р. жана учурда Т.С кармалып, кылмыш жасагандыгы боюнча айыпталган. &nbsp;

Кармалган жарандар Бишкек ШИИББдин убактылуу кармоочу жайына киргизилген.

Учурда тергөө иштери жүргүзүлүүдө. Анын жыйынтыгы менен бардык катышкан адамдардын аракеттерине мыйзам чегинде &nbsp;юридикалык баа берилет.

Бишкек ШИИББдин Басма сөз кызматы

Добуш сатып алууга шектелип “Социал-Демократы” саясий партиясынын бир катар мүчөлөрү кармалды

Бишкек ШИИББнын Тергөө кызматы тарабынан Кыргыз Республикасынын Кылмыш-жаза кодексинин 196- беренесинин &nbsp;1- бөлүгүнө (шайлоочулардын добуштарын сатып алуу) ылайык козголгон кылмыш иши тергелүүдө.

Тергөөнүн жүрүшүндө жаран И.Н. &quot;Адилет&quot; саясий партиясынан Бишкек шаардык кеңешинин депутаттыгына &nbsp;талапкер А.И.нын пайдасына 113 шайлоочунун добуштарын сатып алуу үчүн 55 500 сом суммасында акча каражатын бергендиги, ошондой эле 1000 сомдон 2000 сомго чейин 17 жаранга М-банк аркылуу акча каражатын которуу жолу менен бергендиги аныкталган. &nbsp;

Көрсөтүлгөн жагдайлар И.Н. жана &quot;Адилет&quot; саясий партиясынын шайлоо алдындагы штабынын жашаган жерин тинтүү учурунда алынган документтер менен тастыкталды. &nbsp;

Жүргүзүлгөн комплекстүү тергөө-ыкчам иш-чаралардын жүрүшүндө И.Н. Кыргыз Республикасынын Кылмыш-жаза кодексинин 196-беренесинин &nbsp;1-бөлүгүнө ылайык (шайлоочулардын добуштарын сатып алуу) кылмыш жасагандыгы боюнча айыпталган.

Тергөө иштери жүргүзүлүүдө, жыйынтыгы менен бардык катышкан адамдардын аракеттерине юридикалык баа берилет.

Бишкек ШИИББнын Басма сөз кызматы

Добуштарды сатып алуу: Бишкек ШИИББдин тергөө кызматы кылмыш ишин козгоду

2024-жылдын 14-ноябрында ИИМдин Күзөт кызматынын башчысы милициянын полковниги Акпаров Оролбек ИИМдин күзөт кызматынын ведомстволук милиция полкунда өздүк курамга саптык кароо өткөрдү.&nbsp;

Аталган иш-чаранын негизги максаты- өздүк курамдын&nbsp;&nbsp;кызматкерлеринин кышкы&nbsp;&nbsp;формалык кийими талапка ылайык болуусу,&nbsp;&nbsp;жабдыктарды тиешелүү абалда пайдалануу&nbsp;&nbsp;болуп саналат.&nbsp;

Мындан тышкары,&nbsp;&nbsp;саптык кароо учурунда өздүк курамга&nbsp;&nbsp;кызмат өтөө учурунда кызматтык милдеттерди, мыйзамдуулукту сактоо боюнча&nbsp;&nbsp;нускама болуп өттү .

&nbsp;

ИИМдин күзөт кызматынын Басма сөз кызматы

Ведомстволук милициянын полкунда саптык кароо өткөрүлдү

Бүгүн, 2024-жылдын 13-ноябрында Бишкек шаарынын &quot;Орион&quot; мейманканасында &quot;Борбордук Азияда зордук-зомбулук экстремизминин алдын алуу облустар аралык долбоордун жыйынтыктоочу иш-чарасы болуп өттү.&nbsp;

Иш-чара Германиянын Федералдык Тышкы иштер министрлигинин эл аралык кызматташтык коому тарабынан ишке ашырылып, негизги максаты-мамлекеттик жана мамлекеттик эмес уюмдардын&nbsp;&nbsp;аткарылган иштерин жыйынтыгын чыгаруу менен 2024-жылы долбоордун жетишкендиктери жана жасалган иштери талкууланды.

Бул иш-чаранын катышуучулары Кыргыз Республикасындагы Германия элчилигинин өкүлү, КР ИИМдин борбордук аппаратынын тиешелүү башкармалыктары, эл аралык кызматташтык боюнча башкармалыгы, экстремизмге жана мыйзамсыз миграцияга каршы аракеттенүү боюнча кызматтары катышышты.

Ошондой эле ИИМдин Экстремизмге жана мыйзамсыз миграцияга каршы аракеттенүү кызматынын ыкчам өкүлү милициянын полковниги Р. Турусбеков сөз сүйлөп, Кыргыз Республикасындагы Германиялык эл аралык кызматташтык коомунун өкүлдөрүнө жана &quot;Борбордук Азияда зомбулук экстремизмдин алдын алуу&quot; долбооруна экстремизмге жол бербөө, калктын диний сабаттуулугун жогорулатуу жана жер-жерлерде калк менен өз ара түшүндүрүү иштерин жүргүзүүдө, бир катар иш-чараларды өткөрүүгө мүмкүнчүлүк бергендиги үчүн ыраазычылыгын билдирди.

&nbsp;

ИИМдин Басма сөз кызматы

ИИМдин кызматкерлеринин катышуусунда Борбор Азияда зордук-зомбулук экстремизмдин алдын алуу боюнча жыйынтыктоочу конференциясы болуп өттү

Кыргыз Республикасынын Ички иштер министрлигинин күзөт кызматы мамлекеттик, жеке жана коммерциялык объектилердин коопсуздугун камсыз кылуу, жарандардын мүлкүн коргоо боюнча активдүү иш алып барууда.

Милициянын бул бөлүмүнүн милдеттерине жолдогу жүктөрдүн коопсуздугун камсыз кылуу, ташылган буюмдарга уурулуктун жана башка кылмыштуу кол салуулардын алдын алуу боюнча чараларды көрүү кирет. Бишкек &ndash; Нарын &ndash; Торугарт жана Ош &ndash; Эркештам унаа жолдору борбор калааны жана өлкөнүн башка шаарларын КЭР менен байланыштырган Кыргызстандын ири жолдору болуп саналат.&nbsp;

Бул каттамдар эл аралык соодада жана экономикалык байланыштарда негизги ролду ойнойт, анткени бул жолдор аркылуу олуттуу көлөмдөгү жүктөр өтөт. Белгилей кетчү нерсе, жүк ташуу кээ бир тобокелдиктер менен коштолот, алардын катарына транспорт каражатынын бузулушу жана башка ушул сыяктуу учурлар кирет. Мындай кырдаал ташуучуну олуттуу каржылык жоготууларга учуратат. Мындай учурларда ташылып жаткан жүктөрдүн коопсуздугун камсыз кылуу маселеси каралышы керек.

&nbsp;

&nbsp;ИИМдин күзөт кызматы келишимдик негизде ар кандай себептерден улам жолдо токтоп калган оор жүк ташуучу унааларды кайтаруу жана коргоо боюнча кызмат көрсөтөт. Бишкек &ndash; Нарын &ndash; Торугарт жана Ош &ndash; Эркештам стратегиялык жолдорунда күзөт жүргүзүү мезгилинде ИИМдин күзөт кызматынын бөлүмдөрү тарабынан коомдук тартипти жана мыйзамдуулукту бузууга, ташылып бара жаткан жүктү уурдоого жол берилген эмес.&nbsp;

Жолдо бузулуп калса же көчүүгө мүмкүн болбой турган жагдай пайда болсо, жүк ташуучулар дароо эле жогорудагы ири автотрассанын бир нече аймактарында&nbsp;&nbsp;жайгашкан ИИМдин күзөт кызматынын бөлүктөрү менен байланышат.&nbsp;&nbsp;2024-жылдын 10 айында күзөт бөлүмдөрүнүн күчү менен 509 жерге баруу жүргүзүлүп, жүк ташуучу унаалардын 226 айдоочусуна жардам көрсөтүлгөн. Ички иштер министрлигинин күзөт кызматкерлери көп учурда жолдо аба ырайынын катаал шарттарында кызмат өтөшөт. Жолдо жамгыр же кар, туман, начар көрүнүү, бийик тоолуу аймактарда тыгын сейрек эмес. Бул чаралар уурулуктун, жүктүн бузулушунун жана мажбурлап токтогондо пайда болушу мүмкүн болгон башка окуялардын алдын алууга багытталган. Бул иштин негизги аспектилери төмөнкүлөрдү камтыйт:

&nbsp;

&nbsp;- Кайгуул жана жеринде кайтаруу-күзөтчүлөрдүн токтогон жерге ыкчам келиши, оңдоо же эвакуация аяктаганга чейин жүктүн жана транспорт каражатынын коопсуздугун камсыз кылуу.

&nbsp;&mdash; Күнү-түнү мониторинг жүргүзүү жана чара көрүү-күзөт бөлүмдөрүнүн күнү-түнү даярдыгы, бул сутканын каалаган убагында коопсуздукту камсыз кылуу менен жардам суроо-талаптарына тез жооп берүүгө мүмкүндүк берет. &mdash; Техникалык кызматтар менен кызматташуу-техникалык жардам көрсөтүүчү өнөктөштөр менен өз ара аракеттенүү, бул коопсуз жана тез колдоону камсыз кылуу менен көйгөйлөрдү чечүү процессин тездетет.

&nbsp;

&nbsp;&mdash; Зарыл болгон учурда укук коргоо органдарына кабарлоо-жүктөргө же айдоочуга коркунуч болгон учурда, күзөт кызматы окуяга биргелешип чара көрүү үчүн тиешелүү кызматтарга токтоосуз маалымдайт.&nbsp;

&nbsp;

Бул кызматтар транспорттук компанияларга жана алардын айдоочуларына жоготууларды болтурбоого жана жолдо мажбурлап токтогондо жүктөрдү коопсуз сактоого жардам берет. Белгилей кетсек, инвестициялык ишмердүүлүк өлкөнүн өнүгүүсүндө эң негизиглердин бири болуп саналат. Инвестицияларды пайдалуу тартуу үчүн жагымдуу экономикалык климаттын болушу гана эмес, ошондой эле укуктардын коопсуздугун жана корголушун камсыз кылуу зарыл. Бул онунчу орунда укук тартибинин жана мүлктүк кызыкчылыктарды коргоонун кепили болгон милиция негизги ролду ойнойт. Ошентип, жалпысынан милициянын кызыкчылыктарды коргоо чөйрөсүндөгү ишмердүүлүгү туруктуу экономикалык өнүгүүнүн жана ички иштер органдарына ишенимдин жогорулашынын маанилүү көрсөткүчү болуп калат.

&nbsp;

&nbsp;

ИИМдин Басма сөз кызматы

ИИМдин күзөт кызматы тартипти жана коопсуздукту сактоодо

ИИМдин Кылмыш иликтөө башкы башкармалыгынын Төртүнчү башкармалыгынын кызматкерлери Жалал-Абад облусунун Ала-Бука районундагы 1,20 гектар жер тилкесин мамлекеттик менчиктен чыгарган фактыны аныкташты. Ала-Бука айыл өкмөтүнүн аймагында жайгашкан жер тилкеси пландоо долбооруна ылайык социалдык имараттарды курууга арналган. Бул жерде автобекеттин имараты жайгашкан.&nbsp;

Бирок, 2004-жылдан кийин бир нече жыл аралыгында Ала-Бука айыл өкмөтүнүн айрым жооптуу кызматкерлери Ала-Бука райондук жерге жайгаштыруу жана кыймылсыз мүлккө укуктарды каттоо боюнча башкармалыгынын кызмат адамдары менен сүйлөшүп, кызмат абалынан кыянаттык менен пайдаланышып, жогоруда көрсөтүлгөн 1,20 гектар жер тилкесин мамлекеттик менчиктен мыйзамсыз чыгарып кеткендери аныкталган.

Ошону менен автобекеттин эки кабаттуу имараты мыйзамсыз жеке менчикке өтүп, мамлекетке өзгөчө ири өлчөмдө зыян келтирилгендиги маалым болгон.

Жыйынтыгында чогулган материалдардын негизинде&nbsp;&nbsp;ИИМдин Тергөө кызматы тарабынан Кыргыз Республикасынын Кылмыш-жаза кодексинин 336-беренесинин 2-бөлүгү &quot;Коррупция&quot; боюнча кылмыш иши козголгон.

&nbsp;2024-жылдын 12-ноябрында ИИМдин кызматкерлери Ала-Бука айыл өкмөтүнүн мурдагы жетекчилерин жана Ала-Бука райондук жерге жайгаштыруу жана кыймылсыз мүлккө укуктарды каттоо башкармалыгынын мурдагы кызматкерлерин кармашкан.&nbsp;

Жалпысынан беш жаран кармалып, алар&nbsp;&nbsp;Бишкек ШИИББнын убактылуу кармоочу жайына камалып,&nbsp;&nbsp;Кылмыш-жаза кодексинин 336-беренеси (Коррупция) боюнча айып коюлган.&nbsp;

Азыркы учурда тергөө иштери жүрүп жатат.&nbsp;

&nbsp;

ИИМдин Басма&nbsp;сөз&nbsp;кызматы

Мамлекеттик менчиктеги жер тилкесин мыйзамсыз жеке менчикке өткөрүп бергендер кармалды

&ldquo;Электрондук документ жүргүзүү&rdquo; автоматташтырылган системасына интеграцияланган &ldquo;Актылар базасы&rdquo; аттуу модуль ишке киргизилди.&nbsp;

Бул модуль ички иштер органдарынын кызматкерлерине керектүү болгон Кыргыз Республикасынын укуктук ченемдик актыларын жана ИИМдин ведомстволук (буйруктар, тескемелер) актыларын өзүнө камтыйт.

Учурда ИИМдин Укуктук камсыздоо башкармалыгы тарабынан &ldquo;Электрондук документ жүгүртүү&rdquo; автоматташтырылган системасынын ичиндеги &ldquo;Актылар базасына&rdquo; Кыргыз Республикасынын ички иштер органдарынын кызматкерлеринин күнүмдүк ишине керектүү болгон көптөгөн укуктук ченемдик жана ведомстволук актылар жүктөлдү.&nbsp;

Ошондой эле, Башкармалык Кыргыз Республикасынын ИИМдин ведомстволук актыларына инвентаризация жүргүзүү менен юридикалык күчү жогору турган ченемдик укуктук актыларга дал келбеген учурларды аныктап, аларга шайкеш келтирүү менен &ldquo;Актылар базасы&rdquo; толукталууда.

Бул иш-чара Кыргыз Республикасынын ИИМдин Электрондук документ жүгүртүү автоматташтырылган маалыматтык системасын натыйжалуу иштетүү жөнүндө тескеменин талаптарын аткаруу максатында ишке ашырылды.&nbsp;

ИИМдин Басма сөз кызматы

ИИМдин ведомстволук актыларын камтыган маалыматтык почта ишке киризилди

Бүгүн, 2024-жылдын 12-ноябрында ИИМдин Борбордук аппаратында шайлоону даярдоо жана өткөрүү мезгилинде коомдук тартипти камсыздоо боюнча Инструктивдик Кеңешмеси онлайн форматында өткөрүлдү.

Анда Ички иштер министринин орун басары, милициянын генерал-майору Октябрь Урмамбетов, ИИМдин Жол кыймылынын коопсуздугун камсыздоо башкы башкармалыгынын башчысы милициянын полковниги Жеңишбек Жоробеков, ИИМдин Коомдук коопсуздук кызматынын&nbsp; милициянын полковниги Сталбек Рахманов жана ИИМдин Коомдук коопсуздук кызматынын&nbsp; бөлүм башчысы милициянын полковниги Максат Клычев катышышты.

Онлай кеңешмеде Кыргыз Республикасынын Ички иштер министрлигинин &ldquo;Кыргыз Республикасынын жергиликтүү Кеңештеринин депутаттарын шайлоону даярдоо жана өткөрүү мезгилинде коомдук тартипти жана жарандардын коопсуздугун камсыз кылуу боюнча чаралар жөнүндө&rdquo; буйругунун талаптарын аткаруу маселелери каралды.

Ички иштер министринин орун басары, милициянын генерал-майору Октябрь Урмамбетов тарабынан шайлоо участокторунда коопсуздук чаралары күчөтүлүп, шайлоочуларга ыңгайлуу шарттарды түзүү максатында жана мыйзам бузууларды алдын алуу үчүн көзөмөлдөрдүн күчөтүлүшү эскертилди.

Онлайн кеңешменин негизги максаты - бул буйруктун талаптарын жергиликтүү бийлик органдары, укук коргоо органдары жана башка тиешелүү тараптар тарабынан өз убагында жана туура ишке ашырылышын камсыздоо.

Кеңешменин жүрүшүндө шайлоо процесстерин ийгиликтүү өткөрүү үчүн коомдук тартипти жана коопсуздукту сактоо, ошондой эле шайлоочулардын укуктарын жана эркиндигин коргоо үчүн аткарыла турган чаралар талкууланды. Шайлоо күнү жана шайлоого даярдык учурунда коомдук тартипти бузбоо үчүн ички иштер органдары тарабынан алдын ала иш-чаралар жүргүзүлүп, коомдук коопсуздукту камсыздоо жана мыйзам бузууларды алдын алуу маанилүү экендиги баса белгиленди.

ИИМдин Басма сөз кызматы

ИИМ: Шайлоону даярдоо жана өткөрүү мезгилинде коомдук тартипти камсыздоо боюнча онлайн-кеңешме болуп өттү

ИИМдин ыкчам кызматы &nbsp;массалык башаламандыктарды уюштуруу менен бийликти күч менен басып алууну көздөгөн адамдардын тобун кармады.

ИИМдин Кылмыш иликтөө башкы башкармалыгынын кызматкерлери &nbsp;массалык башаламандыктарды даярдап жаткан жана коомдук-саясий кырдаалды туруксуздаштырууну көздөгөн адамдардын тобу жөнүндө маалымат алышкан.

Алынган маалыматтар боюнча аталган уюшкан топ массалык башаламандыктарды уюштуруу, бийликти күч менен басып алуу максатында топтун ар бир катышуучусунун (уюштуруучулар, жардамчылар, каржылагандар, аткаруучулар) ролдорун бөлүштүрүү менен түзүлгөн. 
 
Аталган топ спорт оюндарын, ошондой эле башка мелдештерди Бишкектин чет жакаларында өткөрүүнү пландаган. Улуттук спорт оюндарын өткөрүүгө жамынып алышып, кырдаалды туруксуздаштыруу үчүн зомбулукка чакырууга, &nbsp;Конституцияга каршы чакырыктарды жасоого даярданышып, &nbsp;2024-жылдын 17-ноябрында өтө турган жергиликтүү кеңештерге шайлоо учурунда бийликти күч менен басып алууну &nbsp;көздөшкөн. 
Бул факты боюнча чогултулган материалдардын негизинде ИИМ тарабынан Кыргыз Республикасынын Кылмыш - жаза кодексинин 36-278-беренелеринин 1-бөлүгү (Зомбулук, талкалоо, өрттөө, мүлктү жок кылуу, атуучу куралды, жарылуучу заттарды же жардыруучу түзүлүштөрдү колдонуу менен, же болбосо бийликтин өкүлүнө куралдуу каршылык көрсөтүү менен коштолуучу массалык башаламандыктарды уюштурууга даярдык көрүү) боюнча кылмыш иши козголгон. 
Ыкчам-тергөө иш-чараларынын жүрүшүндө аталган топтун бир катар мүчөлөрү кармалган.

1. Чет мамлекеттин жараны, ал эле Ош облусунун тургуну 1987-жылы туулган К.А.О.. Чет мамлекеттин аймагында согуш аракеттеринин катышуучусу болуп саналат, анын милдеттерине: физикалык жактан даярдалган адамдарды тандоо, жалдоо жана нускама берүү, алкоголдук ичимдиктерди, азык-түлүктү жана малды сатып алуу, массалык башаламандыктар учурунда укук коргоо органдарынын аракеттерине көз салуу жана уюштуруучуларга жана координаторлорго маалымат берүү кирген.&nbsp; 
Ал кармалган учурда жана жашаган жерин тинтүү иш-чараларында тутанткыч менен күжүрмөн граната, патрондор, үч квадрокоптер, тепловизор, алысты өлчөгүчү бар оптикалык прицел табылып алынган;

2. Чет мамлекеттин жараны, ал эле &nbsp;Ош облусунун тургуну А.у. М., &nbsp;К. А. менен бирге Кыргыз Республикасына массалык башаламандыктарды өткөрүүгө жардам берүү үчүн келген.&nbsp; 
Кармоо учурунда андан номурлары өчүрүлгөн белгисиз үлгүдөгү тапанча жана анын октору, салмагы 5,7 грамм болгон &quot;гашиш&quot; баңгизаты табылган;

3. Чет мамлекеттин жараны М.М.Т. чет мамлекеттин аймагында согуш аракеттеринин катышуучусу болуп саналат, Кыргыз Республикасына досу К. А. менен бирге массалык башаламандыктарды жүргүзүүгө жардам берүү үчүн келген, учкучсуз учуучу аппараттар (дрондор) менен иштөө боюнча адис, жардыруучу түзүлүштөрдү даярдоо жана колдонуу жөндөмүнө ээ;

4. Чүй облусунун тургуну, уюштуруучу жана координатор Б.Т.Н. мурда бир нече жолу кылмыш жоопкерчилигине тартылган, массалык башаламандыктарды өткөрүү үчүн жогоруда аталган адамдарды демөөрчүлүк кылган жана ишке тарткан, мессенджерлер боюнча чагымчыл видеороликтерди жана шилтемелерди тараткан, анын милдетине деструктивдүү элементтерди, мурда соттолгон адамдарды жана көрсөтүлгөн мыйзамга каршы аракеттерди каржылоого даяр башка адамдарды каржылоо жана табуу кирген;

5. Чүй облусунун тургуну К.Д.С. каракчылык, курал-жаракты мыйзамсыз сактоо, уурдоо жана баңгизатын сатуу боюнча бир нече жолу соттолгон, анын милдетине үгүт жана каржылоо жолу менен спорттук иш-чараларга жамынып катышуучуларды чогултуу кирген, элди өкмөт үйүнө жөнөтүшү керек болгон;

6. Чүй облусунун тургуну Ч.А.С. &nbsp;уюштуруучу жана координатор болот. Ал &nbsp;Б.Т.нын &nbsp;уюштуруу жана акча каражаттарын бөлүштүрүү, жалданган адамдардын акысын төлөө жана элди чагымчылдыкка үндөө маселелери боюнча жакын адамы.&nbsp;

7. Негизги уюштуруучу А.у.К. Жалал-Абад облусунда туулган. &nbsp;Ал КРнын Башкы прокурорунун мурдагы орун басары, анын милдетине финансылык камсыздоо, укук коргоо органдары менен байланышуу, алардын аракеттери жөнүндө алынган маалыматтарды берүү, массалык башаламандыктарда жана бийликти басып алууда ролдорду бөлүштүрүү жана координациялоо кирген.

Ошондой эле аталган топтун кампасынан элди мас кылуу үчүн 1000 бөтөлкө арак, 2000 бөтөлкө минералдык суу, 1 тонна күрүч, союу үчүн 1 жылкы жана массалык башаламандыктарга катышкандарга аш &nbsp;даярдоо үчүн азыктар алынган.

Кармалган адамдарга Кыргыз Республикасынын Кылмыш-жаза кодексинин &nbsp;41-беренесинин 2-бөлүмү, 36, 278-беренелер (массалык башаламандыктарды даярдоону уюштуруу); 261-беренесинин 1-бөлүмү (уюшкан топ түзүү); 263-беренесинин 2-бөлүмү (уюшкан топту каржылоо); 326-беренеси (бийликти күч менен басып алууга аракет кылуу); 256-беренесинин 1-бөлүмү (Кыргыз Республикасынын жаранынын чет мамлекеттин аймагында куралдуу кагылышууларга же согуш аракеттерине катышуусу) менен айыптары угузулду.&nbsp; 
Соттун чечими менен жогорудагы кармалган адамдарга карата 2025-жылдын 10-январына чейин тергөө абагына камакка алуу түрүндөгү бөгөт чарасы тандалды.&nbsp;

Учурда кылмыш иши боюнча уюшкан кылмыштуу топтун башка уюштуруучуларын жана катышуучуларын аныктоо боюнча бир катар тергөө-ыкчам иш-чаралар жүргүзүлүүдө.&nbsp;

ИИМдин Басма сөз кызматы

ИИМ: Бийликти басып алуу максатында массалык башаламандыктарды уюштурууга шектелгендер кармалды

Кыргыз Республикасынын ИИМ БМЖКККнын демилгеси боюнча ЕККУнун Бишкектеги Программалык кеңсесинин колдоосу менен 2024-жылдын 11-ноябрында Бишкекте баңгизаттардын маселелерине жана алардын укуктук кесепеттерине арналган адистештирилген тренинг уюштурулду. Иш-чарага 30дан ашык катышуучу, ар кайсы жогорку окуу жайлардын студенттери катышты.

Тренингди ИИМдин КБНБ башкармалыгынын башчысы, милициянын полковниги Марсель Дооталиев жана ЕККУнун Бишкектеги Программалык кеңсесинин аскердик-саясий департаментинин башчысы Константин Бедарев ачты.&nbsp;

Тренингдин спикерлери ИИМдин БМЖКККнын өкүлдөрү, ЕККУнун Бишкектеги Программалык кеңсесинин Улуттук консультанты Шамшыбек Мамыров, Кыргызстан Эл аралык Университетинин бакалавриат жогорку мектебинин деканы Айбек Ахматов, КР ССМ РПДБнын наркология жана психиатрия бөлүмүнүн башчысы Тинатин Сагынбаева болушту.&nbsp;

Тренингдин жүрүшүндө катышуучулар баңгиликке берилүүнүн актуалдуу проблемалары, алдын алуунун колдонуудагы ыкмалары, ошондой эле Кыргызстанда баңгизаттарды мыйзамсыз жүгүртүүгө каршы күрөшүүгө багытталган мыйзам демилгелери менен таанышышты.

Негизги басым баңгизаттарга байланыштуу мыйзамдарды бузуу менен келип чыгышы мүмкүн болгон укуктук кесепеттерге, анын ичинде баңгизаттарды мыйзамсыз сактоо, бөлүштүрүү жана колдонуу үчүн кылмыш жоопкерчилигине көңүл бурулду.

Тренингдин спикерлери баңгиликти алдын алуу жаатындагы практикалык сунуштары менен бөлүшүштү. Баңгизатка көз карандылыкка туш болгон адамдарды реабилитациялоо маселелерине, ошондой эле баңгиликтин алгачкы этаптарында алдын алуу зарылдыгы жөнүндө коомдук пикирди калыптандыруунун маанилүүлүгүнө өзгөчө көңүл бурулду.

Тренинг студенттер арасында мыйзамдуулук жана маалымдуулук маданиятын жайылтууда, ошондой эле Кыргызстанда баңгиликке каршы күрөшүүнүн натыйжалуу механизмдерин калыптандырууда маанилүү кадам болуп калды.

Иш-чаранын аягында бардык катышуучуларга тиешелүү сертификаттар берилди, ал эми эң активдүү катышуучуларга ИИМдин БМЖКККнын белектери тапшырылды.

ИИМдин Басма сөз кызматы

Бишкекте “Баңгизаттар жана укуктук кесепеттер” темасында тренинг өттү

ИИМдин Кылмыш иликтөө башкы башкармалыгынын төртүнчү башкармалыгынын ыкчам кызматкерлери билим берүү тармагындагы паракорлук фактыларын аныкташты. 
&nbsp; 
Буга чейин ИИМдин Кылмыш иликтөө башкы башкармалыгынын жетекчилигине Ош облусунун Ноокат районунун тургунунан арыз түшкөн. &nbsp; 
 
Арызда 2014-жылы абитуриенттин апасы, Ноокат районунун тургуну Ош шаарындагы жогорку окуу жайдын биринин кафедра башчысына кызын жогорку окуу жайга өткөргөнү үчүн 75 миң рубль &nbsp;бергени көрсөтүлгөн. Маалым болгондой, 2019-жылы ошол эле окутуучусу айрым керектүү документтерди толтуруу үчүн 19 миң сом, 2022-жылы жогорку билими тууралуу диплом үчүн 20 000 сом алган.&nbsp; 
 
Жабыркаган тараптын айтымында, жогорку окуу жайдын кызматкери &ldquo;кайра-кайра келүүнүн кереги жок баары жакшы&rdquo;- деп ишендирген.&nbsp; 
2024-жылы абитуриенттин апасынан кайрадан акча сурашкан, бирок бул жолу ал жогоруда аталган жогорку окуу жайга келип, &nbsp; кызын студенттердин тизмесинен текшерген учурда, тизмеде &nbsp;жок болгон.&nbsp; 
 
Бул факты боюнча чогултулган материалдардын негизинде, Ош шаардык ички иштер башкармалыгынын тергөө кызматы тарабынан &nbsp; Кылмыш-жаза кодексинин 251-беренесинин 2-бөлүгү &laquo;Кызматчынын сый акыны мыйзамсыз алуусу&raquo; менен кылмыш иши козголгон.&nbsp; 
 
Көрсө, аталган жарындын кызы бул окуу жайга тапшырып өтпөгөндүгү аныкталган. &nbsp; 10 жыл бою университеттин кызматкери аларды (апасы менен кызын) адаштырып келген. &nbsp;Бул жерде окуу жайдын кызматкеринин аракетинде алдамчылыктын белгилери да бар. &nbsp; &nbsp;&nbsp; 
 
2024-жылдын октябрынын аягында ИИМдин Кылмыш иликтөө башкы башкармалыгынын төртүнчү башкармалыгынын ыкчам кызматкерлеринин жана Ош шаардык ички иштер башкармалыгынын тергөөчүлөрүнүн катышуусунда тергөө-ыкчам иш-чаралары жүргүзүлүп, Ош шаарындагы жогорку окуу жайлардын биринин кафедра башчысы К. &nbsp;мурда алынган 115 миң сом өлчөмүндө акча каражатын кенемте катары кайтарып берип жаткан учурда кармалган. &nbsp; Учурда тергөө иштери жүргүзүлүүдө.&nbsp;

ИИМдин Басма сөз кызматы

ИИМ:  Жогорку окуу жайдын кызматкери мыйзамсыз сый акы алууга шектүү катары кармалды

Аламүдүн районунун жерге жайгаштыруу жана кыймылсыз мүлккө укуктарды каттоо боюнча башкармалыгынын кызматкери опузалап пара талап кылууга шектелип кармалды. &nbsp; 
 
Буга чейин ИИМдин Кылмыш иликтөө башкы башкармалыгына Чүй облусунун тургуну коррупциялык мүнөздөгү укук бузуулар үчүн чара көрүү өтүнүчү менен кайрылган. Анда жерге жайгаштыруу жана кыймылсыз мүлккө укуктарды каттоо боюнча башкармалыгынын биринин кызматкери облустун тургунунан жер тилкесине болгон укукту күбөлөндүргөн документти даярдоо үчүн акча каражатын опузалаганы маалым болгон. &nbsp; 
 
Топтолгон материалдардын негизинде ИИМдин Тергөө кызматы тарабынан &nbsp; Кылмыш-жаза кодексинин 343-беренесинин 1-бөлүгү (Пара талап кылуу) &nbsp;боюнча кылмыш иши козголгон. Козголгон кылмыш ишинин алкагында ыкчам-тергөө иш-чараларын ИИМдин Кылмыш иликтөө башкы башкармалыгынын төртүнчү башкармалыгынын кызматкерлери жүргүзүшкөн.&nbsp; 
Каттоо тармагынын кызматкери бир нече айдан бери пара катары акча каражатын талап кылып жатканы аныкталган. Андан тышкары, ал арыз ээсинин башка мүлкүнө кызыга баштаган.&nbsp; 
 
Маалым болгондой, ушул жылдын сентябрь айында арыздануучудан ал кызмат абалынан пайдаланып акча каражатын алган. Андан кийин дагы &nbsp;ага үч жолу бөлүп-бөлүп акча каражаты которулуп, берилген. 
 
2024-жылдын 4-ноябрында ИИМдин Кылмыш иликтөө башкы башкармалыгынын төртүнчү башкармалыгынын кызматкерлери акча каражаттарын акыркы жолу пара катары берүү учурунда шектүүнү кармашкан. 
 
Ага өздүк кароо учурунда 20 000 сом табылып алынган. Акыркы он күндүн ичинде эле ага 40 миң сом акча каражаты берилген.&nbsp; 
Учурда аталган факты боюнча иликтөө иштери жүрүп жатат. Соттун чечими менен кармалган жаран тергөө аяктаганга чейин камакка алынды.

ИИМдин Басма сөз кызматы

Жер тилкесине байланыштуу опузалап пара талап кылуу фактылары аныкталды

2024-жылдын 11-ноябрь күнү Ички иштер министри Улан Ниязбеков ички иштер органдарынын жетекчилерине онлайн кеңешме өткөрдү.

Анда, жергиликтүү кеңештердин депутаттарын шайлоого байланыштуу коопсуздук иш-чаралары, улуттук пландын аткарылышы жөнүндө маселелер каралды. Жогоруда аталган маселелер боюнча ИИМдин кызматтары менен башкармалыктарынын жана шаардык жана облустук жетекчилердин ушул багыттагы ишмердүүлүктөрү кеңири талкууланды.&nbsp;

Онлайн кеңешменин жүрүшүндө ИИМ башчысы шайлоого даярдык көрүү жана өткөрүү мезгилинде мыйзамдуулукту, жарандардын укуктарын жана эркиндиктерин камсыз кылуу, коомдук тартипти сактоо боюнча иш-чараларды алып баруу тапшырмасы буга чейин берилгенин дагы бир жолу эскертип кетти.

&ldquo;&ldquo;Шайлоо мезгилинде коопсуздукту камсыздоо жөнүндө&rdquo; Ички иштер министрлигинин комплекстүү иш-мерчемин бекитип, баарыңыздарга таратып бергенбиз.

Аталган иш-мерчемде, ички иштер органдарынын аткара турган негизги иш-чаралары так көрсөтүлгөн. Андыктан, бардык жетекчилер, Жарлыктын талаптарын жана Ички иштер министрлигинин иш-мерчемине чоң жоопкерчилик менен карап, коюлган тапшырмаларды өз учурунда аткарууну колго алыңыздар.

Азыркы тапта, республиканын бардык аймактарында шайлоо алдындагы үгүт иштери кызуу жүрүп жатат. Буга байланыштуу, жарандардын коопсуздугун сактоо, анын ичинде жол кыймылынын коопсуздугун камсыздоо иштерин күчөтүлгөн тартипте алып барууну тапшырам. 
&nbsp; 
Шайлоо өтүп жаткан мезгилде, көйгөйлөр жаралып, кемчиликтерге жол бериле турган болсо, анда ошол аймакка жооптуу болгон биринчи жетекчилерге катуу тартиптик чаралар көрүлө тургандыгын алдын ала эскертем&quot;, - деди өз сөзүндө Улан Ниязбеков.

Андан соң, Ички иштер министрлигинин кызматтарынын жана жер-жердеги ички иштер башкармалыктарынын, бөлүмдөрүнүн жетекчилерине тапшырмаларды берди.

-Жергиликтүү кеңештердин депутаттарын шайлоо мезгилинде бир дагы одоно тартип жана мыйзам бузууларга жол берилбесин;

-Акимдер, айыл өкмөттөр, мэрлер, айыл башчылары, аксакалдар, аялдар, жаштар кеңештери, күч түзүмдөрү жана аймактык шайлоо комиссиялары менен чогуу, шайлоону тынч өткөрүү боюнча биргелешкен иш-аракеттер көрүлсүн;

-Кайсы бир аймакта, шайлоого байланыштуу элдин массалык нааразычылыгы, одоно тартип же мыйзам бузуулар орун ала турган болсо, анда ошол аймакка жооптуу болгон жетекчилер &ldquo;алдын алуу жумуштарын алып барган жок&rdquo; деген негизде катуу тартиптик жазага кириптер болушат. Бул талапты баарыңыздар жакшылап эсиңиздерге түйүп алыңыздар;

-Добуш сатып алууга, шайлоочуларды ташууга, документтерди бурмалоого, эл арасында чагымчыл маалыматтарды таркатууга, өз кызыкчылыгын көздөп, шайлоонун жыйынтыгын жокко чыгарууга жана башка ушул сыяктуу терс кесепеттерге алып келе турган бардык жагдайларга катуу бөгөт коюлсун;

-Жер-жердеги ички иштер органдарынын ыкчам-тергөө жана документтештирүү топтору, жетекчиликтен жооптуулар, нөөмөт бөлүктөрү, жол кыймылынын коопсуздугун камсыздоо болүктөрү жана ыкчам кызматтар, күчөтүлгөн тартипте иш алып барышсын; 
&nbsp; 
-&ldquo;102&rdquo; телефонуна түшкөн ар бир кайрылуу, жарандардан келген бардык арыз-даттануулар биринчи жетекчилер тарабынан катуу көзөмөлгө алынып, жеринде ыкчам жана сапаттуу юридикалык баа берилсин;

-Шайлоого тиешелүү бардык ыкчам маалыматтар, ошол замат каттоого алынып, ыкчам кызматтар тарабынан кечиктирилгис иш-чаралар жүргүзүлсүн;

-Шайлоо өнөктүгү аяктаганга чейин, жер-жердеги биринчи жетекчилердин жоопкерчилиги күчөтүлөт;

-Бардык айтылган маселелерди ирээтке келтирип, күч-каражаттардын эсебин дагы бир жолу ырастап, кызматкерлерди туура бөлүштүрүп, мыйзам жана одоно тартип бузууларга жол берилбесин;

ИИМдин башчысы Улан Ниязбеков онлайн кеңешменин жүрүшүндө жогоруда белгиленип өткөн тапшырмаларды кынтыксыз аткарууну эскертти.

Онлайн режиминде өткөн кенешменин ишине министрдин орун басарлары, ИИМдин Борбордук аппаратынын тиешелүү кызматтарынын, Баткен, Ош, Жалал-Абад, Нарын, Ысык-Көл, Талас, Чүй облустарынын, Бишкек жана Ош шаарларынын ички иштер башкы башкармалыктарынын, башкармалыктарынын жетекчилери катышты.

ИИМдин Басма сөз кызматы

Улан Ниязбеков жергиликтүү кеңештердин депутаттарын шайлоо учурунда коопсуздукту камсыздоо боюнча онлайн кеңешме өткөрдү

ИИМдин Кылмыш иликтөө башкы башкармалыгынын ыкчам кызматкерлери Жазаларды аткаруу кызматы менен биргеликте эркинен ажыратылган жайларда &nbsp;акча каражатын опузалап талап кылуу фактыларынын бетин ачуу боюнча биргелешкен ыкчам-тергөө иш-чараларын өткөрүштү.&nbsp; 
 
Ички иштер министрлигинин кызматкерлери узак мөөнөткө соттолуп, жазасын өтөп жаткан адамдар эркиндикке чыгып жаткан жарандан акча каражатын опузалап жаткандыгы тууралуу маалымат алышкан.&nbsp; 
 
Алар шантаж жана коркутуу жолу менен өздөрүнө уюлдук телефон сатып алууну талап кылышкан. &nbsp;Бул факт боюнча &nbsp;Жаза аткаруу кызматынын тергөө башкармалыгы тарабынан Кылмыш-жаза кодексинин 208-беренесинин 2-бөлүгүндө (Опузалап талап кылуу) &nbsp;көрсөтүлгөн кылмыштын белгилери боюнча кылмыш иши козголгон. &nbsp;&nbsp; 
 
Опузалап жаткандардын талабы боюнча, тез арада төлөмдөрдү жана которууларды жүргүзүүгө мүмкүндүк берген тиркемелерди жүктөлгөн &nbsp;телефон эркиндикке чыккан адамдын &nbsp;атына катталуусу керек болгон. &nbsp;Бул телефондор алдамчылыкка байланыштуу кылмыш иштерин, пландарды ишке ашыруу максатында жасалышы мүмкүн. &nbsp; &nbsp; 
 
Бул кылмыш ишинин бетин ачуу максатында сатып алынган телефондор белгисиз жаранга (кийинчерээк опузалоочулардын биринин тууганы экени аныкталган) &nbsp;берилген жана ал ИИМдин жана ЖАКтын кызматкерлери тарабынан кармалган. Жеке текшерүүнүн жүрүшүндө кармалган адамдан эки уюлдук телефон табылып алынган.&nbsp; 
 
Маалыматтарга караганда, опузалап талап кылууга шектелген жарандар А.Э. жана У. С. &nbsp;оор кылмыштары үчүн соттолуп, узак мөөнөткө эркинен ажыратылган.&nbsp; 
 
Учурда опузалап акча талап кылуу фактылары боюнча тергөө иштери жүрүп жатат. 
 
ИИМдин Басма сөз кызматы

Түрмөдө опузалап акча талап кылган соттолуучулар аныкталды

Кыргыз Республикасынын ИИМдин Жол кыймылынын коопсуздугун камсыздоо башкы башкармалыгы тарабынан күйүүчү, уулуу, радиоактивдүү, жарылуучу материалдар бар автоунааларды, жүктөрдү узатуу белгиленген баада, алдын ала макулдашуу боюнча жүзөгө ашырылат:

&nbsp;

Кыргыз Республикасынын жеке жана юридикалык жактар үчүн 1 саат убактысына&nbsp; (унаа узатуу) ЖККББ бир кызматкери үчүн төлөм - 184,0 сом, чет элдик биргелешкен ишканалар жана уюмдар үчүн - 790,0 сом;

&nbsp;

Кыргыз Республикасынын жеке жана юридикалык жактар үчүн автоуналаарды коштоо 1 км баасы - 15,0 сом, чет элдик биргелешкен ишканалар жана уюмдар үчүн - 36,0 сом.

&nbsp;

Коркунучтуу, баалуу ж.б. жүктөрдү ташууну алдын ала маршрутун макулдашуу, керектүү өзгөртүүлөрдү киргизүү үчүн атайын уруксат - 440,0 сом;

Оор жүктөрдү ташуу үчүн транспорт каттамын макулдашуу жана кошумча жабдууларды орнотуу үчүн уруксат - 260,0 сом.

&nbsp;

Байланыш телефону:&nbsp;

&nbsp;

КР ИИМ ЖККББ: 0(555) 60-60-03;

ЖҮКТӨРДҮ КОШТОО

Кыргыз Республикасынын Ички иштер министрлигинин түзүлүшүндө ведомстволук медициналык кызматы каралган.

Анын негизги милдеттерди:

-&nbsp; ички иштер органдарынын өздүк курамынын ден-соолугун чыңдоо;

-&nbsp; ички иштер органдарында аскердик-дарыгердик экспертизасын уюштуруу;

- ИИО өткөргөн аскердик-мобилизациялык жана коомдук иш-чараларда медициналык камсыздоону уюштуруу;

- ички иштер органдарынын өздүк курамын кызматтык ишмердүүлүккө психологиялык камсыздоо, кызматкерлерди психологиялык реабилитациялоодон өткөрүү;

- ички иштер мекемелеринде жана бөлүктөрүндө санитардык-гигиеналык жана эпидемияга каршы иш-чараларды уюштуруу жана өткөрүү.

ИИМдин медициналык кызматынын башында &ndash; Медициналык башкармалыгы турат. Аткарыла турган милдеттердин негизинде төмөнкү бөлүмдөрү бар:

ИИМдин: 50 орундук Ооруканасы, Бейтапканасы, Аскердик-дарыгердик комиссиясы, Санитардык-эпидемиялык көзөмөлдөө борбору жана Психологиялык кызматы менен Тиш-дарылоо кызматы. Облусттарда амбулаториялары, күндүзгү ооруканасы, аймактык аскердик-дарыгердик комиссиялары бар медициналык кызматтары, Ош шаарында 25 орундуу дарылоо борбору жана бейтапканасы бар.

ИИМдин дарылоо-алдын алуу мекемелери ички иштер органдарынын кызматкерлерин, ИИОнун пенсионерлерин жана кызматкерлердин үй-бүлө мүчөлөрүн, Кыргыз Республикасынын Өкмөтүнө караштуу Жазаларды аткаруу мамлекеттик кызматынын кызматкерлерин, келишимдин негизинде башка укук коргоо органдарынын кызматкерлерин (КРнын Өкмөтүнө караштуу мамлекеттик бажы кызматы, Башкы прокуратура, КРнын Өкмөтүнө караштуу Экономикалык кылмыштарга каршы күрөшүү боюнча мамлекеттик кызматы, КРнын Өзгөчө кырдаал министрлигинин мамлекеттик өрткө каршы кызматы) медициналык жактан камсыздайт.

ИИМдин бейтапканасы 15 дарыгердик адистиги боюнча квалификациялык медициналык жардам көрсөтөт. Дарт аныктоочу изилдөөлөрдү жүргүзөт &ndash; рентгенологиялык, ультразвуктук, ЭКГ, лаборатордук: клинико-биохимиялык, бактериялогиялык, ВИЧ инфекциясын аныктоочу.

Акы төлөөнүн негизинде (бюджеттик каржылоодон тышкары) элге тиш-дарылоо жана тиш жасоо жардамын көрсөтөт.

ИИМдин аскердик-дарыгердик комиссиясы жана облусттардын аймактык аскердик-дарыгердик комиссиялары коргоо органдарына кызмат өтөөгө кирип жана ИИМдин окуу жайларына окууга өтүп жаткан жарандарды аскедик-дарыгердик медициналык күбөлөндүрүүдөн өткөрөт.

Психодиагностикалык борбору кызматка кабыл алынып жаткан жарандардын психологиялык жарамдуулугун аныктайт.

ИИМдин санитардык-эпидемиялогиялык борбору санитардык-эпидемиологиялык экспертиза, иликтөө, бактериялогиялык текшерүү жана башка баа берүүнүн түрлөрүн уюштурат жана өткөрөт. Башка кесиптин кызматкерлерине алдын ала жана мезгил-мезгили менен медициналык кароодон өткөрүүнү камсыз кылат.

<ul>
	<li>&nbsp;</li>
</ul>

МЕДИЦИНАЛЫК КЫЗМАТЫ

ЛИЦЕНЗИЯ-УРУКСАТ БЕРYY ИШИ

<a href="https://portal.tunduk.kg/">Жөнөө</a>

МААЛЫМАТ ТЕХНОЛОГИЯЛАР БАШКЫ БАШКАРМАЛЫГЫ

КАЙТАРУУДАГЫ ОБЪЕКТИЛЕР

Кыргыз Республикасынын аймагында кылмыш жоопкерчилигине тартылгандыгы жөнүндө, соттуулугунун болушу же жоктугу жөнүндө маалым кат

Мындан ары 3 саат ичинде соттолбогондугу тууралуу маалымкатты ала аласыз

Кыргыз Республикасынын Ички иштер министрлиги жаңы санариптик кызмат көрсөтүүнү ишке киргизгенин жарыялайт! Бул демилге Кыргыз Республикасынын санариптик өнүктүрүү министрлиги менен биргеликте ишке ашырылды.&nbsp;Эми сиз 3 сааттын ичинде соттолбогондугу тууралуу маалымкат ала аласыз!&nbsp;

Бул үчүн &quot;адамдын кылмыш жоопкерчилигине тартылгандыгы, Кыргыз Республикасынын аймагында соттуулугу бар же жок экендиги жөнүндө маалымкат алуу үчүн арыз берүү&quot; кызматын тандоо менен билдирмени &laquo;Tunduk&raquo; мобилдик тиркемеси аркылуу же электрондук кызмат көрсөтүүлөрдүн мамлекеттик порталынан тариздөө жетиштүү.&nbsp;

Маалымкат алуу үчүн арызды каттоо үчүн төмөнкүлөр керек:&nbsp; 
1. Жардам алуу үчүн жерди тандаңыз;&nbsp; 
2. Телефон номерин көрсөтүңүз;&nbsp; 
3. Аты-жөнүн өзгөртүү жөнүндө жооп тандоо;&nbsp; 
4. Шашылыш көрүнүштү тандаңыз 
&nbsp;5. &quot;Өтүнмөнү тариздөө&quot; баскычын басуу.&nbsp;

Даяр жардамды эки жол менен алууга болот:&nbsp; 
* КР Ички иштер министрлигинен &quot;маалыматтык документ&quot; жеке кабинетке, телеграмга жана электрондук почтага жөнөтүлөт;&nbsp; 
* Маалымкат берилген жерде жаныңызда паспортуңуз жана &quot;маалыматтык документиңиз&quot; болушу керек.&nbsp;

Кызматтын баасы 1090 сомду түзөт.

Көңүл буруңуз: 3 жумушчу сааттын ичинде соттолбогондугу тууралуу маалымкат алуу үчүн арыздар саат 9:00дөн 14: 30га чейин кабыл алынат.&nbsp;Маалымкатты ошол эле күнү саат 18:00гө чейин алууга болот.&nbsp;

Маалым катты электрондук форматта Кыргыз Республикасынын Электрондук кызматтардын мамлекеттик порталы аркылуу алса болот - (<a href="http://www.portal.tunduk.kg" style="color: rgb(5, 99, 193);">www.portal.tunduk.kg</a>)

Төмөнкү кызматтарды колдоно аласыздар:

1. Маалым катты акысыз негизде (7 жумушчу күн) же шашылыш түрдө, акы төлөнүүчү негизде (1 же 3 жумушчу күн) алуу үчүн арыз тапшыруу - (<a href="file:///C:/Users/User/Desktop/www.portal.tunduk.kg/basic_service/redirect_signin" style="color:#0563c1; text-decoration:underline">www.portal.tunduk.kg/basic_service/redirect_signin</a>)

2. Маалым каттын даяр болгондугун текшерүү - (<a href="file:///C:/Users/User/Desktop/www.portal.tunduk.kg/basic_service/redirect_signin" style="color:#0563c1; text-decoration:underline">www.portal.tunduk.kg/basic_service/redirect_signin</a>)

Көрсөтүлгөн кызматтар Мамлекеттик электрондук кызматтар порталына катталган колдонуучулары үчүн гана жеткиликтүү.&nbsp; 2 жол менен катталууга болот:

&bull; 2017-жылдагы үлгүдөгү электрондук ID картаны колдонуу менен;

&bull; булутка негизделген электрондук кол тамганы колдонуу менен. Булутка негизделген электрондук кол тамга өлкөнүн бардык калкты тейлөө борборлорунда бекер берилет.

Суроолор боюнча ушу номерге кайрылсаңыздар болот: 119. Каттоо боюнча толук нускамаларды шилтеме боюнча &quot;Нускама&quot; бөлүмүнөн тапса болот - (<a href="file:///C:/Users/User/Desktop/www.portal.tunduk.kg/basic_service/redirect_signin" style="color:#0563c1; text-decoration:underline">www.portal.tunduk.kg/basic_service/redirect_signin</a>)

<a name="_Hlk90655764">Суроолор болгон учурда &nbsp;төмөнкү телефон номерлерине </a>(0312) 988123 (кошумча 445, 545) (www.portal.tunduk.kg) <a name="_Hlk90655791">кайрылууңуздарды суранабыз.</a>

Ошондой эле, Маалым катты акысыз негизде алуу үчүн&nbsp; &laquo;Бирдиктүү терезе&raquo; режиминдеги мамлекеттик кызмат көрсөтүү борборуна же пунктуна, белгиленген формага ылайык, жазуу жүзүндө өздүгүн тастыктаган документтин көчүрмөсү тиркелген арыз тапшырууңуз керектигин билдиребиз.

Ошондой эле, Маалым катты алуу үчүн арыздар Бишкек шаарынын аймагында жайгашкан Калкты тейлөө борборлору аркылуу кабыл алынат. Маалым катты берүү Бишкек ш., Курманжан Датки көч., 115а (Чүй обл.ИИББнын имараты) дареги боюнча жайгашкан Кыргыз Республикасынын ИИМдин МТББнын &laquo;Бирдиктүү терезе&raquo; режиминдеги мамлекеттик кызмат көрсөтүү борборунда жүргүзүлөт.

Маалым катты &nbsp;шашылыш түрдө, акы төлөнүүчү негизде (1 жана 3 жумушчу күн) алуу үчүн арыздар&nbsp; төлөм терминалдары жана электрондук капчыктар аркылуу тапшырылат, мында жеке идентификациялык номерин киргизүү, ошондой эле алуу жерин жана байланыш телефонун көрсөтүү зарыл.

Шашылыш түрдө мамлекеттик кызмат көрсөтүүнүн баасы:

- 3 жумушчу күн - 86 сом;

- 1 жумушчу күн - 191 сом.

Эгерде Маалым катты алуу үчүн төлөмү менен арыз түшкү саат 12:00дөн кийин тапшырылса, анда Маалым кат бир жумушчу күндөн кийин берилет. Маалым каттарды берүү &ldquo;Бирдиктүү терезе&rdquo; режиминдеги мамлекеттик кызматтарды көрсөтүү борборлорунда жана пункттарында саат 16:00дөн 18:00гө чейин жүргүзүлөт. Суроолор болгон учурда&nbsp; төмөнкү телефон номерлерине (0312) 369-418, (0312) 369-417 кайрылууңуздарды суранабыз.

Шашылыш түрдө, акы төлөнүүчү негизде арыз тапшыруу учурунда, Маалым кат алуу үчүн&nbsp; өздүгүн тастыктаган документти жана кызмат көрсөтүү үчүн төлөмдүн квитанциясын көрсөтүү керек. Эгерде жаран кызматты алуу үчүн органга өз алдынча кайрыла албаса, анда башка адам кызматты алууга муктаж болгон жарандын нотариалдык жактан күбөлөндүрүлгөн ишеним каты жана паспортунун көчүрмөсү менен кайрыла алат. Эгерде жарандын жеке идентификациялык номери жок болсо, анда Маалым кат алуу боюнча арыз тапшыруу мүмкүнчүлүгүнө ээ болуу үчүн жеке штрих-кодду алууга &ldquo;Бирдиктүү терезе&rdquo; режиминдеги мамлекеттик кызмат көрсөтүү борборуна же пунктуна кайрылуусу зарыл.

Жарандардын ыңгайлуулугу үчүн Кыргыз Республикасынын ички иштер органдарынын аймактык бөлүмдөрүндө &laquo;Бирдиктүү терезе&raquo; режиминдеги мамлекеттик кызматтарды көрсөтүү борборлору жана пункттары, төмөнкү даректер боюнча ачылган.

Борборлор:

<ul>
	<li>Бишкек ш., Чүй облусу -Бишкек ш., Курманжан Датка көч., 115а (Чүй облустук ИИББнын имаратында);</li>
	<li>&nbsp;</li>
	<li value="5">Жалал-Абад облусу - Жалал-Абад ш., Шопоков көч., 37;</li>
	<li>&nbsp;</li>
	<li value="5">Ош облусу &ndash; Ош ш., Ленин көч., 199;</li>
	<li>&nbsp;</li>
	<li value="5">Баткен облусу &ndash; Баткен ш., Раззаков көч., 4;</li>
	<li>&nbsp;</li>
	<li value="5">Нарын облусу -Нарын ш., Ленин көч., 27;</li>
	<li>&nbsp;</li>
	<li value="5">Ысык-Көл облусу &ndash; Каракол ш., Кутманалиев көч., 146а;</li>
	<li>&nbsp;</li>
	<li value="5">Талас облусу &ndash; Талас ш., Турдалиев көч., 191.</li>
</ul>

Пункттар:

<ul>
	<li>Чүй облусу - Жайыл райондук жана Токмок шаардык ИИБларынын имараттарында;</li>
	<li>&nbsp;</li>
	<li>Жалал-Абад облусу - Ала-Бука, Токтогул, Тогуз-Торо, Ноокен райондук жана&nbsp; Каракөл, Таш-Көмүр шаардык ИИБларынын имараттарында;</li>
	<li>&nbsp;</li>
	<li>Ош облусу - Алай, Кара-Кулжа, Өзгөн, Араван жана Ноокат райондук ИИБларынын имараттарында;</li>
	<li>&nbsp;</li>
	<li>Баткен облусу - Кызыл-Кыя, Сүлүктү шаардык жана Кадамжай, Лейлек райондук ИИБларынын имараттарында;</li>
	<li>&nbsp;</li>
	<li>Нарын облусу - Кочкор, Ак-Талаа, Ат-Башы жана Жумгал райондук ИИБларынын имараттарында;</li>
	<li>&nbsp;</li>
	<li>Ысык-Көл облусу - Балыкчы шаардык жана Ысык-Көл, Жети-Өгүз, Тоң, Ак-Суу, Түп райондук ИИБларынын имараттарында;</li>
	<li>&nbsp;</li>
	<li>Талас облусу - Кара-Буура, Манас, Бакай-Ата жана Талас райондук ИИБларынын имараттарында.</li>
</ul>

КЫРГЫЗ РЕСПУБЛИКАСЫНЫН ИЧКИ ИШТЕР МИНИСТРЛИГИ

Кабарлар

Кызматтар

Рубрикалар

Аймактык ички иштер органдары

Бишкек ШИИББи