ИИМдин Ички аскерлеринин Ош жана Баткен шаарындагы аскер бөлүктөрүнө   Күжүрмөн Тууларды  тапшыруу аземи болуп өттү

 

 

2021-жылдын 10-сентябрында Кыргыз Республикасынын ИИМдин Ички аскерлеринин Ош шаарындагы 703 аскер бөлүгүнүн жана Баткен шаарындагы 707 аскер бөлүгүнүн   аймактарында Күжүрмөн Тууну тапшыруу боюнча салатанаттуу иш-чара болуп өттү.

Салтанаттуу иш-чарага Кыргыз Республикасынын Ички иштер министринин биринчи орун басары милициянын генерал-майору Сүйүнбек Өмүрзаков, Кыргыз Республикасынын ИИМдин Ички аскерлеринин колбашчысы полковник Исламбек Кенжекулов, аскер бөлүктөрдүн ардагерлери жана чакырылган меймандар катышты.

Күжүрмөн Тууларды аскер бөлүктөрдүн командирлерине  ички иштер министринин биринчи орун басары милициянын генерал-майору Сүйүн Өмүрзаков тапшырды.

 «Бүгүнкү күндө Ички аскерлердин ар бир аскер кызматчысы ага тагылган милдеттер, анын жоопкерчилиги, мамлекеттик мааниге ээ экендигин жүрөгү менен терең сезип, кайсыл жерде болбосун, кандай милдеттерди аткарбасын, ар дайым укук тартибинин сакчысынын аброюн бийик кармап келет»,- деп өз сөзүндө белгилей кетти Сүйүнбек Өмүрзаков. 

Салтанаттуу иш-чара, аскер бөлүктөрдүн өздүк курамы тарабынан даярдалган кол уруш ыкмаларын жана аскердик техника менен курал-жарактарды көрсөтүү менен аяктады.

ИИМдин Басма сөз кызматы