Ички иштер министринин орун басары Нурбек Абдиев   ЖККУнун  “Тоолуу канал форпосту” операциясынын алдын ала жыйынтыктарын чыгарууга катышты

Ички иштер министринин орун басары милициянын генерал-майору Нурбек Абдиев ЖККУнун  “Тоолуу канал форпосту” субрегионалдык баңгизатка каршы операциясынын алдын ала жыйынтыктарын чыгарууга катышты.

Иш-чара Чүй облусунун Арал айылындагы  Эл аралык координациялык штабда өттү. 

Операция үстүбүздөгү жылдын 18-23-майында ЖККУга мүчө мамлекеттердин аймагында өткөрүлгөн.  Операцияга 17 миңден ашуун кызматкер тартылган. Биргелешкен чаралардын натыйжасында 636 баңгикылмышы, анын ичинде 13 контрабандалык факт аныкталган, 

Кыргызстан чек араны кайтарууда жана баңгизаттарга каршы операцияларда учкучсуз учуучу апараттарды колдонуунун ийгиликтүү тажрыйбасын, ошондой эле куралдуу кылмышкерлерди кармоонун алдыңкы ыкмаларын көрсөттү.

Катышуучулар ЖККУнун алкагында аракеттерди координациялоонун маанилүүлүгүн белгилешти жана регионалдык коопсуздукту бекемдөө боюнча мындан аркы кадамдарды белгилешти. 

Иш-чаранын катышуучулары Улуу Ата Мекендик согуш жылдарында курман болгондорду эскерип, Чүй облусунун Токмок шаарындагы мемориалга гүл коюшту.

ИИМдин Басма сөз кызматы