Министрдин биринчи орун басары Адылбек Бийбосунов ЕККУнун улуттук азчылыктар иштери боюнча жогорку комиссары, элчи Кристоф Камп менен жолугушту

Бүгүн, 2025-жылдын 19-майында, Ички иштер министрлигинин борбордук аппаратында Ички иштер министринин биринчи орун басары, милициянын генерал-майору Адылбек Бийбосунов  ЕККУнун улуттук азчылыктар иштери боюнча жогорку комиссары, элчи Кристоф Камп менен жолугушуу өткөрдү.

Жолугушуунун жүрүшүндө Адылбек Бийбосунов ички иштер министрлиги тарабынан элдин биримдигин чыңдоо жана этностор аралык чыңалууга жана чыр-чатактарга жол бербөө боюнча бардык зарыл чаралар көрүлүлөөрүн баса белгиледи.
“Сиздер менен бирге коомдогу жарандык ынтымакты жана социалдык биримдикти бекемдөө боюнча мамлекеттин аракеттерине да салым кошоорубузга ишенем.” – деди министрдин биринчи орун басары.

Жолугушуунун аягында, тараптар өз ара кызматташуу ачык-айкындуулук менен өз ара аракеттенүүгө жана мындан аркы кызматташтыкты өнүктүрүүгө даяр экендиктерин билдиришти.