Кыргыз Республикасынын ИИМдин Академиясында Казакстан Республикасынын ИИМдин Алматы Академиясынын курсанттары кыска мөөнөттүү окуудан өтүштү

2016-жылдын 25-январында түзүлгөн Кыргыз Республикасынын ИИМдин Академиясы менен Казакстан Республикасынын ИИМдин Алматы Академиясынын ортосунда түзүлгөн кызматташтык жөнүндө келишими жана 2024-жылдын 6-сентябрында Түрк Мамлекеттер Уюмунун Ички иштер министрлеринин биринчи жыйынында кабыл алынган Декларацияга ылайык, академиялык мобилдүүлүк программасы уюштурулду.

Бул программа аркылуу Казакстан ИИМдин Алматы Академиясынын курсанттары Кыргыз Республикасынын ИИМдин Академиясында кыска мөөнөттүү окуудан өтүп, билим алышты.
Окуунун жүрүшүндө курсанттар үчүн билим алуу жана маданий тажрыйба алмашуу өзгөчө мүмкүнчүлүктөр түзүлдү, бул эки окуу жайдын ортосундагы байланыштарды чыңдоого жана эл аралык кызматташтыкты кеңейтүүгө өбөлгө болду.