ИИМдин кызматкерлеринин катышуусунда Борбор Азияда зордук-зомбулук экстремизмдин алдын алуу боюнча жыйынтыктоочу конференциясы болуп өттү

Бүгүн, 2024-жылдын 13-ноябрында Бишкек шаарынын "Орион" мейманканасында "Борбордук Азияда зордук-зомбулук экстремизминин алдын алуу облустар аралык долбоордун жыйынтыктоочу иш-чарасы болуп өттү. 

Иш-чара Германиянын Федералдык Тышкы иштер министрлигинин эл аралык кызматташтык коому тарабынан ишке ашырылып, негизги максаты-мамлекеттик жана мамлекеттик эмес уюмдардын  аткарылган иштерин жыйынтыгын чыгаруу менен 2024-жылы долбоордун жетишкендиктери жана жасалган иштери талкууланды.

Бул иш-чаранын катышуучулары Кыргыз Республикасындагы Германия элчилигинин өкүлү, КР ИИМдин борбордук аппаратынын тиешелүү башкармалыктары, эл аралык кызматташтык боюнча башкармалыгы, экстремизмге жана мыйзамсыз миграцияга каршы аракеттенүү боюнча кызматтары катышышты.

Ошондой эле ИИМдин Экстремизмге жана мыйзамсыз миграцияга каршы аракеттенүү кызматынын ыкчам өкүлү милициянын полковниги Р. Турусбеков сөз сүйлөп, Кыргыз Республикасындагы Германиялык эл аралык кызматташтык коомунун өкүлдөрүнө жана "Борбордук Азияда зомбулук экстремизмдин алдын алуу" долбооруна экстремизмге жол бербөө, калктын диний сабаттуулугун жогорулатуу жана жер-жерлерде калк менен өз ара түшүндүрүү иштерин жүргүзүүдө, бир катар иш-чараларды өткөрүүгө мүмкүнчүлүк бергендиги үчүн ыраазычылыгын билдирди.

 

ИИМдин Басма сөз кызматы