КМШга мүчө мамлекеттеринин арасында жол кыймылынын жаш тескөөчүлөрү отряддарынын эл аралык кароо-сынагынын салтанаттуу ачылыш аземи болуп өттү

Бүгүн, 21-августта Ысык-Көл облусундагы пансионаттардын биринде көз карандысыз Мамлекеттер Шериктештигине мүчө мамлекеттердин арасында жол кыймылынын жаш тескөөчүлөрүнүн отряддарынын эл аралык кароо-сынагы болуп өттү.

Иш-чарага Ысык-Көл районунун акиминин биринчи орун басары Рамис Мамбеталиев, ИИМдин ЖКККББнын башчысы милициянын полковниги Жеңиш Жоробеков, КР Билим берүү жана илим министрлигинин мектеп, мектептен тышкаркы жана кошумча билим берүү башкармалыгынын адиси Салтанат Омурканова жана облустук, шаардык ИИБ кызматкерлери катышышты.

Иш – чарага катышуу үчүн КМШ өлкөлөрүнөн-Белорусь, Казакстан, Россия, Тажикстан, Өзбекстан жана Кыргыз Республикасынын командалары келишти.

Бул иш - чаранын максаты-Кыргызстан менен КМШ өлкөлөрүнүн ортосундагы мамлекеттер аралык мамилелерди чыңдоо жана балдардын катышуусундагы жол кырсыктарынын алдын алуу жана санын азайтуу, жалпы билим берүү мекемелериндеги жол кыймылынын жаш инспекторлорунун ишинин натыйжалуулугун жогорулатуу болуп саналат.

Ачылыш аземи Кыргыз Республикасынын гимнин аткаруу менен башталды.

Эскерте кетсек, иш-чарага КМШ өлкөлөрүнөн 6 команда, анын ичинде 29 окуучу тартылган. Ал эми республика боюнча ар бир облустан бирден эң мыкты командалар келип, 150 жакын мектеп окуучулары чон колдоо көрсөтүп, конок катары келишкен. 

Бул эл аралык кароо - сынак 2024-жылдын 21-24-августуна чейин созулат.

ИИМдин Басма сөз кызматы