ИИМдин  “Шумкар” атайын багыттагы полку  “Бактылуу балалык кербени” аталыштагы иш-чарасынын алкагында ачык эшик  күнүн өткөрүштү

2021-жылдын 23-ноябрь күнү Кыргыз Республикасынын ИИМдин  “Шумкар” атайын багыттагы полкунун Балыкчы шаарында жайгашкан ѳзүнчѳ ротасы Ысык-Көл облустук ички иштер башкармалыгынын “Бактылуу балалык кербени” аталыштагы иш-чарасынын алкагында  Билим берүү жана илим министрлиги менен биргеликте 8-11-класстын  окуучулары үчүн  ачык эшик күнүн өткөрдү. 

Ачык эшиктин жүрүшүндѳ мектеп окуучулары үчүн курал-жарак, көргөзмөсүн уюштуруп, кызматкерлердин күнүмдүк аткарган кызматы жана күжүрмөн даярдык машыгуу кѳнүгүүлѳрүн кѳргѳздү.

Бул иш-чаранын негизги максаты жашы жете электер арасында укук бузууларды, зордук- зомбулуктарды, кылмыштарды алдын алуу, ошондой эле   өсүп келе жаткан жаш муундарыбызды Мекенин сүйүп, коргоого үйрөтүү, коомдук тартипти сактоодо, жарандардын коопсуздугун, бейпил жашоосун камсыз кылуу менен бирге кызматкерлерибиздин күжүрмөн-кызматтык тапшырмаларын аткарууда көргөзгөн эрдиктерин муундан-муунга жеткирүү жана ар бир атуулду патриоттуулука тарбиялоо болуп эсептелет.

 

ИИМдин “Шумкар” атайын багыттагы полкунун Басма сөз кызматы