Ош облусунун аймагында  милициянын көчмө кабылдамасы түшүндүрүү иш-чарасын улантууда

2022-жылдын 10-июнь күнү Кара-Суу РИИБдин Нариман жана Отуз-Адыр аймактык милиция бөлүмчөлөрүнүн кызматкерлери Кара-Суу районунун аймагында  “милициянын көчмө кабылдамасы" иш алып барып, айыл тургундардын арыз муңдарын угушту. Милициянын участкалык уполномоченныйлары жарандар  арасында укук бузуучулуктардын, кылмыштуулуктун алдын алуу жана болтурбоо максатында түшүндүрүү иштерин жүргүзүшүп, иш-чаранын жүрүшүндө коомдук коопсуздукту сактоо, кылмыштуулукту алдын алуу жана алыскы аймактарда жарандардын  арыз-даттануларын, кайрылууларын өз учурунда аныктоо жана жеринде чечүү максатында элдер менен жолугушууларды өткөрүлдү.
Ошондой эле, коопту болгон жайларда суу коркунучун алдын алуу менен балдарга эскертүүлөр айтылды. 
Мындан сырткары 2022-жылдын 24-февралындагы Кыргыз Республикасынын Президентинин «Үй бүлѳлүк салтанаттарды жана маркумду эскерүү үрп-адаттарын тартипке келтирүү боюнча чаралар жѳнүндѳгү» Жарлыгын жана “Жерлерди өзүм билемдик менен мыйзамсыз ээлеп алуу фактыларын алдын алуу жана болтурбоо боюнча иш-чаралар жөнүндө” Жарлыгы тууралуу  түшүндүрмөлөр берилди.
Ал эми Отуз-Адыр айыл аймагынын тургундары таза суу маселесин жана көчолөрүн оңдоого муктаж экендигин айтышып, жергиликтүү бийлик өкүлдөрүнө кайрылышты. 
Ош ОИИБдин Басма сөз кызматы