Ош облустук Ички иштер башкармалыгында Улуу Жеңиштин 77 жылдык мааракесине карата салтанаттуу иш-чара өткөрүлдү.

2022-жылдын 9-Май күнү Ош облустук Ички иштер башкармалыгында Улуу Жеңиштин 77 жылдык мааракесине карата салтанаттуу иш-чара өткөрүлдү.

Алгач ички иштер министри милициянын генерал-лейтенанты Улан Ниязбековдун куттуктоосун өздүк курамга жеткирилди, андан соң башкармалыктын башчысы милициянын полковниги Жеңишбек Абитов өздүк курамды Улуу Жеңиштин 77 жылдык мааракеси менен куттуктап, бүгүнкү майрамга карата Ош облусунун аймагында коомдук тартипти жана жарандардын коопсуздугун камсыз кылууда жарандардын коопсуздугун камсыз кылуу учурунда кыраакы болуп, жарандар менен мамиле түзүүдө сылыктык менен мамиле кылууну, укук бузган жарандарга карата ыкчам чара көрүүнү талап кылды. Иш-чаранын жүрүшүндө айрым кызматкерлерге ИИМдин буйругу менен кезектеги атайын наамдар ыйгарылып, салтанаттуу саптык жүрүш менен аяктады.

Ош облустук Ички иштер башкармалыгынын ѳздүк курамы майрам күнүнө карата коомдук тартипти камсыз кылуу максатында күчөтүлгөн кызмат ѳтѳѳ тартибинде иш алып баруу менен бөлүнгөн багыттарга жөнөп кетишти.

Мындай иш-чаралар райондук Ички иштер бөлүмдөрүндө да өткөрүлдү.

Ош ОИИБдин Басма сөз кызматы