ИИМдин Борбордук аппаратынын кызматкерлери үчүн саптык кароо болуп өттү

Бүгүн, 2022-жылдын 29-мартында ИИМдин Атайын багыттагы полкунун плацында ИИМдин борборбук аппаратынын кызматкерлерине пландык саптык кароо болуп өттү.
Саптык кароонун жүрүшүндө взводдун, ротанын курамында басуунун эрежелери, машыгуу кадамы, катардан чыгуу жана кайра кайтуу, начальникке баруу жана артка кайтуу багыттарына өзгөчө көңүл бурулду.
Командирдин буйругун тез, так жана бир убакта аткаруу жөндөмүн өздөштүрүү, бурулуу боюнча машыгууларды жасашты. Сапка даярдык – бул өздүк курамды бирдиктүү аракеттерге даярдоо.  Ал командирдин буйруктарын ыкчам, так жана өз убагында аткаруу жөндөмүнө үйрөтөт.  Сапка даярдык  бөлүктүн курамында так, ыкчам аракеттерди аткаруу ыкмаларынан   негизделген.

ИИМдин Басма сөз кызматы