Аламүдүн РИИБдүн кызматкерлеринин жубайларына “Офицердин жубайы” медалы тапшырылды

Аламүдүн РИИБдүн кызматкерлеринин жубайларына “Офицердин жубайы” медалы тапшырылды
Нооруз майрамына карата Аламүдүн райондук ички иштер бөлүмүнүн кызматкерлеринин жубайларына “Офицердин жубайы” медалы жана жергиликтүү кеңештин депутаттарына РИИБдүн ардак грамоталары тапшырылды.
Үстүбүздөгү жылдын 19-мартында Аламүдүн РИИБдүн башчысы милициянын полковниги Нурланбек Эркинбаев  кызматкерлеринин жубайларына “Офицердин жубайы” медалын тапшырды. Милиция кызматкерлеринин жумушуна түшүнүп, аларга ар дайым колдоо көрсөтүп келишкен жубайларынын эмгектерин баалап өз учурунда сыйлыктарды тапшыруу жакшы көрүнүш экенин айтып, каалоо-тилектерин билдирди.
Ошондой эле кылмыштуулуктары жана башка мыйзам бузууларды алын алуу учурунда Аламүдүн РИИБдүн кызматкерлери менен биргеликте жумуштарды алып барышкан Лебединовка айыл аймагынын жергиликтүү кеңешинин депутаттарына Аламүдүн РИИБдүн ардак грамоталары тапшырылды. Жолгушууда Кыргыз Республикасынын Президентинин «Кыргыз Республикасында үй-бүлөлүк салтанаттарды жана маркумду эскерүү үрп-адаттарын тартипке келтирүү боюнча чаралар жөнүндө» Жарлыгын элге жеткирүү иштерин мындан ары да биргеликте тынымсыз жүргүзүлөөрү белгиленди.