Кыргыз Республикасынын ИИМдин 23.08.2023-ж., № 3 буйругу "Коррупциянын келип чыгуу тобокелдиги бар учурлардын жана кырдаалдардын Тизмесин бекитүү жөнүндө"
Кыргыз Республикасынын Министрлер Кабинетинин 2023-жылдын 3-мартындагы № 115 “Кыргыз Республикасынын Министрлер Кабинетинин айрым ченем жаратуу ыйгарым укуктарын мамлекеттик органдарга жана жергиликтүү өз алдынча башкаруунун аткаруу органдарына өткөрүп берүү жөнүндө” токтомун жетекчиликке алып, Кыргыз Республикасынын Министрлер Кабинетинин “Мамлекеттик жарандык кызмат жана муниципалдык кызмат жөнүндө” Мыйзамын ишке ашыруу боюнча айрым чаралар тууралуу токтомунун 3-пунктун аткаруу, ошондой эле Кыргыз Республикасынын “Мамлекеттик кызмат жана муниципалдык кызмат жөнүндө” Мыйзамынын 20-беренесин ишке ашыруу максатында, буйрук кылам:
1. Коррупциянын келип чыгуу тобокелдиги бар учурлардын жана кырдаалдардын тизмеси тиркемеге ылайык бекитилсин.
2. Кыргыз Республикасынын Ички иштер министрлигинин Борбордук аппаратынын кызматтарынын жана бөлүктөрүнүн, түзүмдүк, ведомстволук жана аймактык бөлүктөрүнүн, ошондой эле “Унаа” мамлекеттик мекемесинин жетекчилерине (башчыларына):
- Кыргыз Республикасынын ички иштер органдарында коррупциялык тобокелдиктерди азайтуу боюнча комплекстүү иш-чаралар жүргүзүлсүн;
- коррупцияга каршы укуктук аң-сезимди жогорулатуу боюнча кызматкерлер жана жумушчулар арасында, кимдин иши жогоруда аталган Тизмеге байланышкан болсо, түшүндүрүү иштери туруктуу негизде жүргүзүлсүн.
3. Кыргыз Республикасынын ИИМдин Катчылыгынын министрдин коррупциянын алдын алуу боюнча кеңешчиси милициянын полковниги А.А.Мамыров:
- ушул буйрукту Кыргыз Республикасынын Өкмөтүнүн 2010-жылдын 26-февралындагы № 117 “Кыргыз Республикасынын ченемдик укуктук актыларын расмий жарыялоо булактары жөнүндө” токтомуна ылайык, “Эркин Тоо” газетасында расмий жарыялоону камсыз кылсын;
- расмий жарыяланган күндөн тартып үч жумуш күндүн ичинде ушул буйруктун көчүрмөлөрүн мамлекеттик жана расмий тилдерде эки нускада, кагаз жүзүндө жана электрондук түрдө, жарыялоо булагын көрсөтүү менен Кыргыз Республикасынын ченемдик укуктук актыларынын мамлекеттик реестрине киргизүүгө Кыргыз Республикасынын Юстиция министрлигине жөнөтсүн;
- ушул буйрук күчүнө кирген күндөн тартып үч жумуш күндүн ичинде буйруктардын мамлекеттик жана расмий тилдердеги эки нускадагы көчүрмөлөрүн маалымат үчүн Кыргыз Республикасынын Президентинин Администрациясына жиберсин.
4. Кыргыз Республикасынын Ички иштер министрлигинин Басма сөз кызматы ушул буйрукту Кыргыз Республикасынын Ички иштер министрлигинин расмий сайтына жарыяласын.
5. Буйруктун талаптарын тийиштүү түрдө аткаруу жоопкерчилиги Кыргыз Республикасынын ИИМдин Катчылыгынын министрдин коррупциянын алдын алуу боюнча кеңешчиси милициянын полковниги А.А. Мамыровго жана ушул буйруктун 2-пунктунда көрсөтүлгөн жетекчилерге (башчыларга) жүктөлсүн.
6. Ушул буйруктун аткарылышына көзөмөл Кыргыз Республикасынын ички иштер министринин биринчи орун басарына жана кураторлук багыттары боюнча орун басарларына жүктөлсүн.
7. Буйрук расмий жарыяланган күндөн тартып жети күн өткөндөн кийин күчүнө кирет.
Министр
милициянын генерал-лейтенанты У.О.Ниязбеков
Кыргыз Республикасынын ИИМдин
2023-жылдын 8-августтун №3
буйругуна тиркеме
Кыргыз Республикасынын Ички иштер министрлигинде коррупциянын келип чыгуу тобокелдиги бар учурлардын жана кырдаалдардын тизмеси
|
№ |
Мамлекеттик органдын (ыйгарым укуктары) милдеттери |
Коррупциянын келип чыгуу тобокелдиги бар учурлар жана кырдаалдар |
Коррупциялык тобокелдиктин категориясы: системалуу (реалдуу), потенциалдуу кырдаалдык |
Коррупциялык тобокелдиктин деңгээли (төмөн, орто, жогорку) |
Түзүмдүк бөлүктүн аталышы (борбордук аппарат, аймактык же ведомстволук бөлүмчөнүн, мекеменин) |
Коррупция тобокелдигине кабылган кызмат орундары |
Коррупциялык тобокелдик бир гана органдын ишине киреби же анын көрүнүшү бир нече мамлекеттик органдардын ишин камтышы мүмкүнбү |
|
1 |
Транспорт каражаттарын каттоо/кайра каттоо |
Мекеменин кызматкерлери жана үчүнчү жактар менен түздөн-түз байланыш сүйлөшүп алуу мүмкүнчүлүгү |
Кырдаалдык |
Төмөн |
ММ «Унаа» |
Бөлүм жана сектор башчылары, аймактык каттоо бөлүмдөрүнүн жана секторлорунун адистери жана башкы адистери |
Бул тобокелдиктер транспорт каражаттарын каттоо/кайра каттоо чөйрөсүндөгү ишке тиешелүү болушу мүмкүн |
|
2 |
Квалификациялык (теория/практика) экзамендерди кабыл алуу |
Кызмат адамдары жана үчүнчү жактар менен түздөн-түз байланыш учурунда сүйлөшүп алуу мүмкүнчүлүгү |
Кырдаалдык |
Орточо |
ММ «Унаа» |
Бөлүм жана сектор башчылары, аймактык каттоо бөлүмдөрүнүн жана секторлорунун адистери жана башкы адистери |
Бул тобокелдиктер квалификациялык (теория/практика) экзамендерди кабыл алуу боюнча ишке тиешелүү болушу мүмкүн |
|
3 |
Келишимдерде белгиленген талаптарга ылайык келбеген товарларды, жумуштарды жана кызмат көрсөтүүлөрдү кабыл алууну ишке ашыруу |
Талаптарга жооп бербеген товарларды, жумуштарды жана кызмат көрсөтүүлөрдү кабыл алуу боюнча жеткирүүчүлөр менен түздөн-түз байланыш учурунда сүйлөшүп алуу мүмкүнчүлүгү |
Кырдаалдык |
Төмөн |
Мамлекеттик сатып алуулар бөлүмү |
Башчы, |
Бул тобокелдиктер мамлекеттик сатып алуулар чөйрөсүндөгү ишке тиешелүү болушу мүмкүн |
|
4 |
Уруксат берүүчү документти (лицензия/уруксат/корутунду) берүү же уруксат берүүчү документти берүүдөн баш тартуу ж.б. |
Документтерди берүүнүн толуктугуна жана мөөнөттөрүнө карата катуу жана жумшак талаптарды коюу жолу менен арыз ээлери менен түздөн-түз байланыш учурунда сүйлөшүп алуу мүмкүнчүлүгү Документтерди карап чыгууну жана чечимди даярдоону тездетүү же жайлатуу мүмкүндүгү |
Кырдаалдык |
Төмөн |
Жол кыймылынын коопсуздугун камсыздоо башкы башкармалыгы
Коомдук коопсуздук кызматы |
Лицензиялык-уруксат берүү ишин берүү боюнча жетектөөчү курам
башчы, |
Бул тобокелдиктер лицензияларды жана башка уруксат документтерин берүү башка ишке тиешелүү болушу мүмкүн |
|
5 |
Жол кыймылынын коопсуздугун камсыз кылуу |
Жол кыймылынын эрежелерин одоно бузууну анча одоно эмес деп алмаштыруу же болбосо ар кандай жагдайлардан улам жол кыймылынын эрежелерин бузууну этибарга албоо жолу менен тартип бузуучулар менен түздөн-түз байланышта сүйлөшүү мүмкүндүгү |
Кырдаалдык
|
Орточо |
Жол кыймылынын коопсуздугун камсыздоо башкы башкармалыгы |
Жол кыймылына көзөмөл жүргүзүүчү саптык бөлүктөрдүн кызматкерлери |
Бул тобокелдиктер жол кыймылынын коопсуздугун камсыз кылуучу органдардын ишине тиешелүү болушу мүмкүн |
|
6 |
Кыргыз Республикасынын Жазык-процессуалдык кодексинин алкагында тергөө аракеттерин жүзөгө ашыруу |
Тергөө жана изин суутпай издөө иш-чараларын жүргүзүүдө кабыл алынган чечимдин натыйжалары жана кылмыштардын бетин ачуу, дайынсыз жоголгон адамдарды жана дайынсыз жоголгон мүлктү табуу боюнча көрүлүп жаткан чараларга чагылдырылуучу жарандар же болбосо үчүнчү жактар менен сүйлөшүп алуу мүмкүнчүлүгү, мында кызматкерлердин кызыкдар адамдар менен түздөн-түз байланышында сүйлөшүп алуу мүмкүнчүлүгү бар |
Кырдаалдык |
Төмөн |
Тергөө бөлүктөрү
|
Жетекчилер, тергөөчү |
Бул тобокелдиктер Кыргыз Республикасынын |
Кыргыз Республикасынын ИИМи