Эне тил – улуттун жүзү, сыймыгы

Бүгүн, 14-февраль күнү Баткен облусунун Ички  иштер башкармалыгында 21-февраль-Эл аралык эне тил күнүнө карата иш-чара өттү. Бул иш-чарага Баткен ОИИБдин начальнигинин орун басары Кубанычбек Колдошов,  кыргыз тили мугалимдери  Кайрыхан Рыскулова, Нуржан Эшмурзаева  жана милиция кызматкерлери катышты. 
Иш-чаранын жүрүшүндө милиция кызматкерлери менен коноктор ыр саптарынан көркөм окушуп, макалдардан айтышып, кызыктуу маек курушту.    Жолугушуу учурунда тараптар ар бир улут өз эне тилин аздектеп, көздүн карегиндей сакташы керектигин баса белгилешти. Андан сырткары, Баткен ОИИБде жүргүзүлгөн иш кагаздар боюнча талкуулашып, сунуш-пикирлер айтылды. 

Баткен ОИИБдин Басма сөз кызматы