Ички иштер министрлигинин жетекчилиги Бишкек мамлекеттик университетинин медалдары менен сыйланышты

Кыргыз Республикасынын Ички иштер министринин биринчи орун басары милициянын генерал-майору Адылбек Бийбосунов, генералдар кеңешинин төрагасы Садырбек Дубанаев жана Бишкек шаарынын Ички иштер башкы башкармалыгынын начальниги Азамат Ногойбаев билим берүү жана ички иштер органдарын өнүктүрүүгө кошкон зор салымдары үчүн Бишкек мамлекетик университетинин атайын мадальдары менен сыйланышты.

Сыйлыкты Бишкек мамлекетик университетинин проректору, Ички иштер министлигинин Коомдук кеңешинин төрагасы, Президентке караштуу Антикоррупциялык ишкердик кеңештин мүчөсү Ялкун Даутов тапшырды.

Медальдарды тапшырууда, Ялкун Даутов - учурдагы Министрлик тарабынан билим берүү жана коом менен тыгыз байланышта иштешүүдө өзгөчө көңүл бурулуп, алгылыктуу иштер аткарылып жаткандыгын белгиледи.

Мындан тышкары, ИИМдин Коомдук кеңеши Ички иштер органдарынын ишмердүүлүгүн жакшыртуу, коом менен болгон байланыштарды бекемдөө, өлге болгон ишенимин артыруу артыкчылыктуу багыттары деп сөзүн жыйынтыктады.

ИИМдин Басма сөз кызматы