wrapper

Adinai

Чүй облусунун ички иштер башкы башкармалыгы тарабынан Мамлекеттик тил күнүнө карата иш-чара өттү

Бүгүн, 2020-жылдын 24-сентябрында, Чүй облустук ички иштер башкы башкармалыгында Мамлекеттик тил күнүнө карата чакан иш-чара болуп өттү. Иш-чарага Кыргыз Республикасынын Ички иштер министрлигинин мамлекеттик тил боюнча өкүлү, милициянын полковниги Айбек Орозакунов, Чүй облустук ички иштер башкы башкармалыгынын башчысынын орун басары, милициянын полковниги Азамат Савыралиевдин жана С.Чокморова,  Данияр Чабалиев жана башка коноктор катышты.
Бул иш-чаранын ачылышы үчүн сөз Чүй ОИИББнын башчысынын орун басары, милициянын полковниги А.Савыралиевге берилди, ал баардыгын акыркы майрамы менен куттуктап, ошондой эле бардык чакырылгандарга убакыт бөлүп, ушул иш-чарага келип катышып кетишкендиктери үчүн ыраазычылык билдирип кетти. Ал азыркы күндө Чүй облусунун ички иштер органдары тарабынан мамлекеттик тилди өнүктүрүү жана аны ар тараптуу колдонуу боюнча бардык чаралар көрүлүп жаткандыгын белгилей кетти.
Бул иш-чаранын жүрүшүндө катышуучулар өз ойлору менен бөлүшүп, КРнын Ички иштер башкармалыгы үчүн жалпысынан мамлекеттик тилди чыңдоо боюнча өз сунуштарын беришти.
Кыргыз Республикасынын Ички иштер министрлигинин өкүлү, милициянын полковниги А.Орозакунов “Кыргыз тили” төш белгисин Кыргыз Республикасынын Президентине караштуу Мамлекеттик тил боюнча улуттук комиссиянын чечимине ылайык, Чүй облусунун Ички иштер башкы башкармалыгынын мамлекеттик тил боюнча инспектору, милициянын подполковниги О.Казабаевге, мамлекеттик тил жана тил саясатын өркүндөтүүгө кошкон зор салымы үчүн сыйлыкты тапшырды.
Иш-чаранын аягында биздин чакырылган коноктор майрамдын урматына чакан концерт уюштурушту.

Чүй облусунун Ички иштер башкы башкармалыгынын Басма сөз кызматы

Read more...

Жалал-Абад ОИИБдин милициясы мамлекеттик тил күнүнө ыр айтып, 1-класстын окуучулары менен жолугушту


Майлуу-Суу ШИИБдин кызматкерлери 23-сентябрь мамлекеттик тил күнүндө 1-класстын окуучулары менен жолугушту. Жаңыдан билим уясын аттаган келечек ээлерин кыргыз тилин сүйүүгө чакырышты. Мамлекеттик тилде эркин сүйлөө жана аны турмушта колдонуу ар бир кыргызстандык үчүн чоң сыймык экендиги белгиленип, эне тилдин келечеги үчүн кам көрүү зарылдыгы айтылды. Ошондой эле окуучуларга жолдо жүрүүнүн эрежелери үйрөтүлүп, сабакка барып-келүү учурунда сак болууга чакырышты.
Ал эми Ноокен райондук ички иштер бөлүмүнүн кызматкерлери мамлекеттик тил күнүнө карата ыр айтышты.

Жалал-Абад ОИИБдин Басма сөз кызматы

Read more...

Ош шаарында болочок милициянын кайгуул кызматына талапкер болуп окуп жаткан угуучулар мамлекеттик тил күнүнө карата иш-чара өткөрүштү

23-сентябрь-Кыргыз Республикасынын Мамлекеттик тил күнү. Мындан туура 31 жыл мурда, тактап айтканда, 1989-жылы 23-сентябрда Кыргыз ССРинин Жогорку Совети “Кыргыз ССРинин мамлекеттик тили жөнүндө” мыйзамын кабыл алып, андан соң кыргыз тилине Мамлекеттик тил макамын берген. Бул мыйзам 2004-жылы Жогорку Кеңештин Мыйзам чыгаруу жыйыны тарабынан жаңыланып, анда кыргыз тили мамлекеттик тил деп жарыяланган.
Кыргыз тилине Мамлекеттик тил макамынын берилиши-адилеттүүлүктү калыбына келтирүүгө, ошону менен бирге коомдун руханий жаңылануусуна, жаңыча ой жүгүртүүсүнө, эне тилдин кадырын көтөрүүгө ташталган зор кадам болгон.
Мына, ошол күндөн бери, 23-сентябрь кыргыз тил майрамы катары белгиленип келет. Бул күнү ички иштер органдарында да кыргыз тили боюнча ар кандай сынактар уюштурулуп, концерттик программалар менен коштолот. Ушул майрамды утурлай, мамлекеттик деңгээлде атайын иш-чаралар өткөрүлүп, кыргыз тилин өнүктүрүү, үйрөтүү маселелеринин тегерегинде талкуулар болуп турат.
Бардыгыбыз билгендей, мамлекеттик тил бул-мамлекетте иш кагаздарын жана сот иштерин алып барууда, жалпы билим берүүчү орто мектептерде, атайын орто жана жогорку окуу жайларында окутууну жүргүзүүдө бир өлкөдө милдеттүү түрдө колдонулуучу тил болуп эсептелет.
2020-жылдын 23-сентябрь күнү Ош шаарындагы ИИМдин Республикалык окуу борборунун Ош шаарындагы филиялында жаңы түзүлүп жаткан милициянын кайгуул кызматы бөлүмүнө талапкер болуп сынактын биринчи турунан ийгиликтүү өтүп, азыркы учурда билим деңгээлин жогорулатып жатышкан угуучулары Мамлекеттик тил күнүнө карата майрамдык иш-чара өткөрүштү.
Окуу борборунун жетекчилиги жана окутуучук курамдын катышуучуларын кыргыз тил майрамы менен куттуктап, элди эл кылып турган анын тили, ар бир улуттун тили анын автопортрети, мамлекеттик тил – бул мамлекеттүүлүктүн ыйык символу экендигин белгиледи. Ошондой эле талапкер угуучулар иш чарага кыргыз тил күнүнө арналган дубал газеталарды даярдашкан.
Иш-чаранын андан аркы бөлүгүндө милициянын кайгуул кызматына талапкер угуучулардын аткаруусунда кыргыз тил тууралуу ыр саптары, элдик ырлар, бийлер менен коштолду, о.э. «Манас» эпосунан үзүндүлөр айтылып
Окуу борборунун угуучулары аткарган бардык чыгармалар көрүүчүлөрдүн купулуна толуп, жакшы маанай тартуулады.

ИИМдин Басма сөз кызматы

Read more...

Галерея

Видеогалерея

videogallery

Биз менен байланыш

Дареги; 720040, Бишкек ш., Фрунзе көч. 469

ИИМдин Катчылыгы, тел: + 996 312 26 60 54

ИИМдин ишеним телефону: +996 312 26 60 27

ИИМдин кабылдамасы: +996 312 66 24 50

ИИМдин Басма-сөз кызматы:

0 (тел/факс), +996 312 26 62 54, 26 62 90

“Коопсуз шаар”  долбоорунун ишиндеги жана ЖКЭни бузуулар үчүн айып пул маселелери боюнча : 0312 53-03-48, 0312 53-03-89, 0312 53-03-76 
Соттолбогондугу жөнүндө тактаманы берүү маселелери боюнча: 0312 36-94-18 
КР ИИМдин КККнын курал колдонууга уруксат берген тактама маселелери боюнча: 0312 36-94-93 
КР ИИМдин ЖКККББнын тактама берүү маселелери боюнча: 0312 36-95-58 
Апостиль  берүү маселелери боюнча 0312 36-94-13