wrapper

Криминалдык хроникасы

ИИМ: Көк-Жар жаңы конушундагы адам өлтүрүү ишинде саясий өңүт бар болушу мүмкүн деген багыт божомолдоолор каралууда

Ички иштер министрлиги Кыргыз Республикасынын ИИМдин КМКнын ыкчам кызматкерлеринин атайын кайтаруусунун негизинде Улан Саляновду өлтүрүү боюнча кылмыш ишине негизги шектүү болгон жаранды алып келген видеону көрсөтөт. Мурда Кыргыз Республикасынын Ички иштер министрлиги Улан Саляновду өлтүрүү тууралуу кылмыш иши боюнча бардык шектүүлөр кармалгандыгын маалымдаган.

2017-жылдын 6-ноябрында түн ичинде бет капчан 3 белгисиз адам Чүй облусунун Аламүдүн районунун Көк-Жар жаңы коңушунда жайгашкан үйгө кирип барышкан. Кол салгандар үйдүн бөлмөлөрүнүн биринен 1975-жылы туулган үйдүн ээси Улан Саляновго карата ок чыгарышып, андан соң изин жашырышып качып кетишкен. Ок атуучу куралдан алган жаракатынан улам У. Салянов ооруканага бара жатканда каза болгон.
Аталган факты Аламүдүн РИИБде катталып, Кыргыз Республикасынын Кылмыш-жаза кодексинин 97-беренеси “Адам өлтүрүү” (эски кодекс) менен кылмыш иши козголгон. Жогорудагы кылмыш ишин мындан ары иликтөө Кыргыз Республикасынын ИИМдин Тергөө кызматына тапшырылган.
2017-жылдын ноябрь айынын аягында кылмыш жасоого шектелип Чүй облусунун тургуну 1986-жылы туулган Э.Осмонкулов аттуу жаран кармалган. Ал мурда бир нече жолу каракчалык, тоноо боюнча соттолгон. Иликтөөнүн жыйынтыгы менен Э. Осмонкуловго кылмыш жасагандыгы тууралуу айып тагылып, тергөөнүн материалдары сотко жөнөтүлдү.
2019-жылдын май айынын акыркы күндөрү Бишкек шаарына аба каттамы аркылуу Чүй облусундагы Токмок шаарынын тургуну, 1983-жылы туулган Абыкулов Асанэмир алынып келинди. Ал Улан Саляновду өлтүрүү боюнча кылмыш ишинде негизги шектүү катары жүрүп, мурда оор кылмыш жасагандыгы үчүн мамлекеттер аралык издөөдө жүргөн. Аны атайын кайтаруу менен ИИМдин КМКнын кызматкерлери алып келишти. Ал 2018-жылдын январь айында РФтин ИИМдин Кылмыш иликтөө башкы башкармалыгынын жана Кыргыз Республикасынын ИИМдин КМКнын кызматкерлери тарабынан жүргүзүлгөн ыкчам издөө иш-чаралары учурунда Москва шаарында кармалган.
Соттук териштирүүнүн жана өзүнчө бөлүнүп алынган иштерди иликтөөнүн жүрүшүндө Көк-Жар жаңы конушунда Улан Саляновду өлтүрүү ишинде саясий өңүт бар болушу мүмкүн деген багыт божомолдоолор каралууда. Азыркы учурда жогорудагы факты боюнча ыкчам тергөө-иш-чаралары жүрүүдө.

ИИМдин Басма сөз кызматы

Read more...

ИИМдин КМКнын 2-башкармалыгынын жана Жайыл РИИБдин КМКнын ыкчам кызматкерлери ок атуучу куралды мыйзамсыз сатууга бөгөт коюшту


Кыргыз Республикасынын ИИМдин 2-башкармалыгынын ыкчам кызматкерлери ок атуучу куралды мыйзамсыз сатуу аракетин аныкташты. Жакында криминалдык милиция кызматы тарабынан жаран кесилген ок атуучу куралды мыйзамсыз сатуу аракетин көрүп жаткандыгы жөнүндө ыкчам маалымат келип түшкөн. Маалыматты текшерүү учурунда милиция кызматкерлери Чүй облусунун Жайыл районунун жашоочусуна чыгышкан. Аталган факты КЖБРге катталган.
Кыргыз Республикасынын ИИМдин КМКнын 2-башкармалыгынын ыкчам кызматкерлери Жайыл РИИБдин КМКнын кызматкерлери менен биргеликте куралды мыйзамсыз сатуунун катышуучуларын тактоого багытталган ыкчам-издөө иш-чараларын жүргүзүшкөн. Болжолдуу маалымат боюнча Чүй облусунун жашоочусу ок атуучу куралды мал жандыгына алмаштурууну көздөп жүргөн.
Атайын операциянын жүрүшүндө, ушул жылдын июнь айынын ортосунда Кара-Балта шаарынын жашоочусу, 1986-жылы туулган Ш.С. аттуу жаран кармалып, далилзат катары “ТОЗ-8” үлгүсүндөгү ок атуучу курал алынды.
Азыркы учурда Чүй облусунун Жайыл РИИБдин тергөө кызматы тарабынан ок атуучу куралды сатуу фактысы боюнча сотко чейинки иликтөө жүрүп жатат.

ИИМдин Басма сөз кызматы

Read more...

ИИМдин КМКнын жана Түп РИИБдин ыкчам кызматкерлери православ чиркөөсүндөгү уурулуктун бетин ачышып, андан уурдалган реликвияларды кайтарышты

 

2019-жылдын 24-май күнү түнчүндө белгисиз адамдар Түп районунун Түп айылындагы православ чиркөөсүнө киришип, ичиндеги эски китептерди, иконаларды,  андан башка чиркөөнүн мүлктөрүн уурдап кетишкен.
Көп убакытты создурбастан, ИИМдин Криминалдык милиция кызматынын ыкчам кызматкерлери чиркөөдө жасалган уурулукка тешеси бар Ысык-Көл облусунун жашоочусун аныкташкан. Аныкталгандай, 24 жаштагы жаран түнчүндө чиркөөгө кирип, уурулук жасаган. Бекеринен айтылбагандай, ички иштер органдарынын иши коомдук ишенимдин жана элдин колдоосунун негизинде түзүлүш керек. Аталган кылмыш ишинин бетин ачууга жарандан түшкөн маалымат жардам берген. Кыргыз Республикасынын ИИМдин КМКнын 2-башкармалыгынын ыкчам кызматкерлерине Бишкек шаарынын базарларынын биринде чиркөөгө таандык китептерди 2 миң сомдон сатып жатышкандыгы тууралуу маалымдашкан. Аталган маалыматты текшерүү учурунда жана иликтөөнүн жүрүшүндө күмөн ойлорду жараткан шектүү фактылар аныкталган. Сатыкка коюлган чиркөөнүн китебинин барактарынын биринде Ысык-Көл облусунун чиркөөсү көрсөтүлүп, аны белекке берилгендиги жөнүндө жазуу болгон. Кийинки ыкчам-издөө иш-чараларынын жүрүшүндө ИИМдин КМКнын 2-башкармалыгынын жана Ысык-Көл облусунун Түп РИИБдин КМКнын ыкчам кызматкерлери табылган мүлктөр Түп айылындагы православ чиркөөсүнө таандык экендигин аныкташкан.
Криминалдык милиция кызматы тарабынан жогорудагы кылмыш ишине шектүү катары мурда соттолгон Ысык-Көл районунун Темировка айылынын 1995-жылы туулган К.у.К. аттуу жараны кармалды. Андан соң, ички иштер органдарынын кызматкерлери чиркөөдөн уурдалган башка мүлктөрдү Түп айылынын аймагынан табышты. Ууру уурдалган мүлктөрдү кайра келип алып кетүүнү көздөгөндөй болуп чөптөрдүн түбүнө катып койгон. Азыркы учурда Түп РИИБдин Тергөө кызматы чиркөөдөн уурдоо фактысы боюнча сотко чейинки иликтөөлөрдү жүргүзүп жактат. Болжолдуу маалымат боюнча чиркөөгө он миңдеген чыгым келтирилген. Уурдалган ар бир китептин баасы 30 миң сомду түзөт.

ИИМдин Басма сөз кызматы

Read more...

Москвада Кыргыз Республикасынын ИИМдин РФдеги Өкүлчүлүгүнүн кийлигишүүсү менен Кыргызстандын аймагында жасаган кылмыш иши үчүн мамлекеттер аралык издөөгө алынган чет мамлекеттин жараны кармалды


Кыргыз Республикасынын ИИМдин РФдеги Өкүлчүлүгү Москва шаарынын аймактык укук коргоо органдары менен биргеликте жүргүзүшкөн ыкчам-издөө иш-чараларынын жүрүшүндө Кыргызстандын аймагында жасаган кылмыш иши үчүн мамлекеттик аралык издөөдө жүргөн Түркмөнстандын жараны аныкталып, кармалды.
Түркмөнстандын жараны, 1988-жылы туулган Н.Р.  Кыргыз Республикасынын Кылмыш-жаза кодексинин 168-беренесинин 2-бөлүмүндө (Алдын ала болжолдуу сүйлөшүп алуу менен адамдардын тобу тарабынан жасалган каракчылык) көрсөтүлгөн кылмыш ишин жасоого айыпталып тергөө органдарынан качып жүргөндүктөн издөөгө алынган. 2010-жылы сентябрда, жогоруда көрсөтүлгөн жаран И. Арабаев атындагы КМУнун 1-курсунун студенти кезинде таанышы менен болжолдуу сүйлөшүп алып, Бишкек шаарынын Манас жана Токтогул көчөлөрүнүн кесилишинде жайгашкан “7 дней” дүкөнүнөн жабырлануучу адамга карата физикалык күч колдонушуп, ири суммадагы акча каражатын ээлеп алышкан. Ошол эле жылы ички иштер органдары тарабынан кылмыш ишине тиешеси барлар аныкталган. Каракчылык фактысы боюнча башка тиешеси бар адамдар кылмыш жоопкерчилигине тартылган.
Издөөгө алган тарап маалымдалып, азыркы учурда кармалган адамды кылмыш жоопкерчилигине тартуу үчүн Кыргыз Республикасынын аймагына алып келүү боюнча маселелер чечилип жатат.
ИИМдин Басма сөз кызматы

Read more...

Галерея

Видеогалерея

videogallery

Биз менен байланыш

Дареги; 720040, Бишкек ш., Фрунзе көч. 469

ИИМдин Катчылыгы, тел: + 996 312 26 60 54

ИИМдин ишеним телефону: +996 312 26 60 27

ИИМдин кабылдамасы: +996 312 66 24 50

ИИМдин Басма-сөз кызматы:

0 (тел/факс), +996 312 26 62 54, 26 62 90

“Коопсуз шаар”  долбоорунун ишиндеги жана ЖКЭни бузуулар үчүн айып пул маселелери боюнча : 0312 53-03-48, 0312 53-03-89, 0312 53-03-76 
Соттолбогондугу жөнүндө тактаманы берүү маселелери боюнча: 0312 36-94-18 
КР ИИМдин КККнын курал колдонууга уруксат берген тактама маселелери боюнча: 0312 36-94-93 
КР ИИМдин ЖКККББнын тактама берүү маселелери боюнча: 0312 36-95-58 
Апостиль  берүү маселелери боюнча 0312 36-94-13