wrapper

Криминалдык хроникасы

ИИМ: ИИМдин КМКнын өзгөчө оор кылмыштардын бетин ачуу боюнча бөлүмдүн жана Бишкек ШИИББдин КМКнын кызматкерлери тарабынан жашы жете элек өспүрүм кызды зоордуктаган шектүү кармалды


2019-жылдын 5-октябрь күнү "102" кызматына жашы жете элек өспүрүм кыздын зоордукталгандыгы тууралуу телефон чалуу түшкөн. Свердлов РИИБдин ыкчам тергөө тобу окуя болгон жерге тез арада жетип төмөнкүлөрдү аныкташкан, 2019-жылдын 5-октябрь күнү саат 18:00дон 19:00го чейинки аралыкта азият улутундагы болжол менен 25-30 жаштардагы белгисиз адам Бишкек шаарынын Шопоков көчөсү менен ЧЧКнын кесилишинен 2007-жылы туулган жашы жете элек өспүрүм кызды зордуктаган.
Аталган факты Свердлов РИИБдин КЖБРге Кыргыз Республиксынын Жазык Кодексинин 161-беренесинин    (Зордуктоо) боюнча кылмыш иши катталган.
Кыргыз Республикасынын ИИМдин КМКнын өзгөчө оор кылмыштардын бетин ачуу боюнча бөлүмдүн кызматкерлери Бишкек ШИИББдин жана Бишкек шаарынын Свердлов РИИБдин кызматкерлери менен бирдикте жүргүзүшкөн ыкчам -иликтөө иш-чараларынын жүрүшүндө жогорудагы кылмышка шектелип, 10-октябрь күнү Өзбекстан Республикасынын 1985-жылы туулган А.Ш. аттуу жараны кармалган. Ал курулушта иштеп, Бишкек шаарынын аймагында убактылуу иштеп келген. Мурда Өзбекстан Республикасынын Кылмыш-жаза кодексинин бейбаштык беренеси боюнча соттолгон. Күнөөсүн толугу менен моюнуна алды.
Азыркы учурда башка кылмыштарга тиешеси бардыгын текшерүү боюнча иш-чаралар жүрүп жатат.

ИИМдин Басма сөз кызматы

Read more...

ИИМдин Өкүлчүлүгү тарабынан туугандары бир нече айдан бери дайынсыз жоголду деп издеп жүргөн Кыргызстандын тургуну табылды


Ушул жылдын апрель айында Кыргыз Республикасынын ИИМдин РФдеги Өкүлчүлүгүнө Кыргыз Республикасынын 38 жаштагы жараны (аял киши) кайрылып, Чүй облусунун тургуну, 1978-жылы туулган Н.М. аттуу жолдошун издөөгө көмөк көрсөтүп коюларын суранган. Жолдошу акыркы жолу 2019-жылдын февралында Навый Уренгой шаарынан байланышка чыкканын, андан соң белгисиз себептер менен туугандары менен байланышпай калганын билдирген.
Кайрылгандан кийин, Кыргыз Республикасынын ИИМдин РФдеги Өкүлчүлүгү тарабынан Россия Федерациясынын ИИМдин Кылмыш иликтөө башкы башкармалыгына кайрылуу менен Россиянын аймагында дайынсыз жоголгон Кыргызстандын жаранынын кайда жүргөндүгүн тактоо жана текшерүүнү уюштуруу боюнча тиешелүү чаралар көрүлгөн.
Кыргыз Республикасынын ИИМдин РФдеги Өкүлчүлүгүнүн аракет көрүүсү аркылуу Россиянын ИИМдин аймактык бөлүмдөрү менен бирдикте дайынсыз жоголгон Н.М. аттуу жарандын кайда жүргөндүгүн тактоого багытталган комплекстүү ыкчам-иликтөө иш-чаралары жүргүзүлгөн. Ошондой эле, ИИМдин бардык багыттары боюнча текшерилген.
Россиянын ИИМдин аймактык бөлүмдөрүнүн башкармалыктары менен биргеликте көрүлгөн текшерүү жана издөө иш-чараларынын натыйжасында туугандары дайынсыз жоголду деп эсептешкен адам мыйзам бузган иш-аракеттери үчүн жазасын өтөп жаткандыгы маалым болгон. 2019-жылдын мартында ал Россия Федерациясынын кылмыш-жаза кодексинин 111-беренеси (саламаттыкка атайылап оор залал келтирүү) боюнча кылмыш жоопкерчилигине тартылганы жана сот тарабынан 6 айга эркинен ажыратылганы маалым болгон. Н.М. аттуу жаран Россиянын Федералдык жазаларды аткаруу кызматынын тергөө абагында жазасын өтөп жатат. Туугандарына жогорудагы факты тууралуу маалымдалган.
Учурда жаза мөөнөтүн өтөп бүткөндүктөн, жогорудагы жаран бошотулуп, мекенине кайтып, азыркы учурда үй-бүлөөсү менен бирге.
ИИМдин Басма сөз кызматы

Read more...

ИИМдин КМКнын Аймактар аралык башкармалыгынын ыкчам кызматкерлери сый акыны мыйзамсыз алган шектүүнү кармашты


2019-жылдын сентябрь айынын аягында Ош шаарынын тургуну мамлекеттик органдардын биринин кызматкери пара талап кылып жаткандыгы жөнүндө арыз менен ички иштер органдарына кайрылган. Арызында Шаар куруу жана архитектура мамлекеттик долбоорлоо институтунун филиалынын бөлүм кызматкери өндүрүш обьектисинин документерин бүтүрүү үчүн уруксат макулдук кагазын берүү үчүн 10 000 сом акча каражатын талап кылып  жаткандыгын билдирген.
Жогорудагы жазылган арыз ИИМнин Тергөө кызматы (Ош ш.) тарабынан КЖБРне катталып, Кыргыз РеспубликасынынЖазык кодексинин 238-беренеси (Кызматчынын мыйзамсыз сый акы алуусу) менен сотко чейинки өндүрүш жүргүзүлө башталган. Тергөө тапшырмасынын негизинде ИИМдин КМКнын Аймактар аралык башкармалыгынын кызматкерлери тарабынан ыкчам-иликтөө иш-чаралары жүргүзүлгөн.
ИИМдин КМКнын Аймактар аралык башкармалыгынын кызматкерлери тарабынан жүргүзүлгөн ыкчам-иликтөө иш-чаралары жүрүшүндө Архитектура, курулуш жана турак жай-коммуналдык чарба мамлекеттик агенттигинин алдындагы Шаар куруу жана архитектура мамлекеттик долбоорлоо институтунун Оштогу филиалынын жетектөөчүлүк курамынын кызматкери 10000 (он миң) сом акча каражатын алган учурда кармалды.
Бүгүнкү күнү ИИМдин Тергөө кызматы (Ош ш.) тарабынан сотко чейинки өндүрүш иши каралууда.

ИИМдин Басма сөз кызматы

Read more...

Ири өлчөмдөгү каржы алдамчылыгы үчүн бир нече жыл издөөдө жүргөн жаран Кыргыз Республикасынын ИИМдин РФдеги Өкүлчүлүгүнүн аракети менен Москвадан кармалды


Кыргыз Республикасынын ИИМдин РФдеги Өкүлчүлүгү тарабынан Бишкек ШИИББдин КМКнын ыкчам коштоосу аркылуу Москва шаарынын аймактык укук коргоо органдары менен биргеликте өзгөчө ири өлчөмдөгү алдамчылык жана ири суммада салыкты төлөөдөн качуу үчүн издөөдө жүргөн жарандын кайда экендиги такталды.
Москва шаарынын аймагында комплекстүү ыкчам-иликтөө иш-чараларын жүргүзүү учурунда Кыргыз Республикасынын аймагында жасаган кылмыш иши үчүн тергөө органдарынан (Кыргыз Республикасынын ички иштер органдарынан жана ЭККМК) качып, 8 жылдан бери издөөдө жүргөн Кыргызстандын жараны кармалды. Талас облусунун тургуну, 1979-жылы туулган М.М. аттуу жаран Кыргыз Республикасынын Кылмыш-жаза кодексинин (эски кодекс) 166-беренесинин 4-бөлүмүнүн 2,3-пунктарында (Кызматтык абалынан пайдалануу менен ири өлчөмдө жасалган алдамчылык) көрсөтүлгөн кылмышты жасагандыгы үчүн Бишкек шаарынын Ленин РИИБдин тергөө органдары тарабынан издөөдө жүргөн.
2011-жылы жогоруда көрсөтүлгөн жаран ЖЧКнын биринин башкы директору кезинде 7-апрель окуясында жабыр тарткандардын бири катары ишкерлик менен алектенүү шылтоосу менен 14 млн. сомдук насыя алуу үчүн банкка кайрылган. Тиешелүү документтерди тапшырып жана күрөөгө мүлкүн койгон соң 5 80 000 сом өлчөмүндөгү насыяны өзүнө каттатып, андан соң күрөөгө коюлган мүлк үчүн калган насыянын суммасын төлөбөй, өзүнө 2 188 000 сомду ээлеп алып изин жашырып кеткен.
Андан сырткары, М.М. аттуу жаран Кыргыз Республикасынын Өкмөтүнө караштуу Экономикалык кылмыштуулукка каршы күрөшүү боюнча мамлекеттик кызматынын Ош шаары боюнча башкармалыгы тарабынан Кыргыз Республикасынын Кылмыш-жаза кодексинин (эски кодекс) 213-беренесинин 2-бөлүмүндө (Чарба жүргүзүүчү субъекттердин кызмат адамдарынын салыктарды жана милдеттүү камсыздандыруу акыларын төлөөдөн четтөөсү, өзгөчө ири өлчөмдө жасоо) көрсөтүлгөн кылмышты жасагандыгы үчүн издөөдө жүргөн.
2012-жылы жогорудагы жаран ЖЧКнын директору кезинде мыйзамсыз баюу жана өзүнө мүлктү ыйгарып алуу максатында бир нече ай күйүүчү май менен цементти өзгөчө ири өлчөмдө иштетип жүргөн. Ал өзүнүн иш-аракетинин мыйзамсыз экендигин билип туруп, салык органдарынан каржы отчетун жашырып, салыкты төлөөдөн качып, мамлекеттик бюджетке жалпы суммасы 1 766 000 суммасындагы чыгаша келтирген.
Издөөгө алган тарапка маалымдалып, азыркы учурда М.М. аттууну кылмыш жоопкерчилигине тартуу үчүн Кыргыз Республикасынын аймагына алып келүү маселелери чечилүүдө.
ИИМдин Басма сөз кызматы

Read more...

Галерея

Видеогалерея

videogallery

Биз менен байланыш

Дареги; 720040, Бишкек ш., Фрунзе көч. 469

ИИМдин Катчылыгы, тел: + 996 312 26 60 54

ИИМдин ишеним телефону: +996 312 26 60 27

ИИМдин кабылдамасы: +996 312 66 24 50

ИИМдин Басма-сөз кызматы:

0 (тел/факс), +996 312 26 62 54, 26 62 90

“Коопсуз шаар”  долбоорунун ишиндеги жана ЖКЭни бузуулар үчүн айып пул маселелери боюнча : 0312 53-03-48, 0312 53-03-89, 0312 53-03-76 
Соттолбогондугу жөнүндө тактаманы берүү маселелери боюнча: 0312 36-94-18 
КР ИИМдин КККнын курал колдонууга уруксат берген тактама маселелери боюнча: 0312 36-94-93 
КР ИИМдин ЖКККББнын тактама берүү маселелери боюнча: 0312 36-95-58 
Апостиль  берүү маселелери боюнча 0312 36-94-13