wrapper

Криминалдык хроникасы

Санкт-Петербург шаарындагы такси кызматкерлерине кол салган кылмышкерлер мыйзам чегинде жазаланат


Ушул жылдын январь айынын башында социалдык тармактарда Санкт –Петербург шаарында такси кызматында эмгектенген кыргыз жарандарына карата кол салуу болгон деген материалдар тараган.
Россия Федерациясындагы Кыргызстандын ички иштер министрлигинин өкүлү билдиргендей, биринчи факт 2020-жылдын 5-январында катталган.
Болжол менен саат 23:30дар чамасында Санкт-Петербург шаарындагы «Ветеранов» проспектисинде жайгашкан үйлөрдүн жанына белгисиз төрт адам такси кызматын чакырган. «Киа-Рио» үлгүсүндөгү таксиге отургандан кийин азият улутундагы белгисиз адамдар Кыргыз Республикасынын Ош облусунун 1992-жылы туулган тургуну Х.Ш. аттууга кол салышкан.
Кылмышкерлер айдоочуну бычак менен коркутушуп, мойнуна жип байлап, муунтуп акча каражатын, 3 уюлдук телефонун алышып, андан сырткары автоунаасынан түшүрүп белгисиз тарапка из жашырып качып кетишкен.
Бул окуя боюнча Орусиянын Санкт-Петербург шаарындагы ички иштер министирлигинин аймактык тергөө бөлүмү тарабынан РФнын Кылмыш жаза кодексинин 162-беренесинин 2, 3 -бөлүмдөрүнүн негизинде кылмыш иши козголгон.
Россия Федерациясындагы Кыргыз Республикасынын ички иштер министрлигинин өкүлү жабыр тарткандар менен тыгыз байланышта болуп, бул кылмыштын бети ачылыш үчүн укук коргоо кызматкерлери менен иштешип, аларга болгон жардамды көрсөтүп турушту.
Ыкчам тергөө иштери жүргүзүлүп, шектүүлөрдүн белгилери тастыкталган. Алардын ичинен үчөө азият улутундагы 20-25 жаштардагы кара түстөгү күрмө кийгендер болсо, төртүнчү шектүүнүн сакалы бар 30-35 жаштагы адам болгон.
Көрсөтүлгөн белгилер боюнча Россия Федерациясынын ички иштер министрлигинин Санкт-Петербург шаарындагы жана Ленинград облустарынын ичинде ыкчам издөө иштери жүргүзүлүп, анын жыйынтыгында ушул жылдын 12-январында бул кылмышка шектүүлөр коңшу республиканын жарандары 1994-жылы туулган Т.Х, 1994-жылы туулган Э.М, 1997-жылы туулган А.Ш жана 1987-жылы туулган А.Б.,аттуу жарандар болгону тастыкталып, уурдалган «КиА-Рио» үлгүсүндөгү автоунаа кайсы жерде экени аныкталган.
Мындан сырткары, ушул эле жылдын январь айында Санкт-Петербург шаарындагы Софийский көчөсүнөн үч белгисиз адам такси жалдашып, ал 1994-жылы туулган Кыргызстандын жараны болгон. Жолдон кардарлар таксистке балон газы менен кол салышып, анын 15000 акчасын, жеке документтерин, телефонун ошондой эле, банк карточкасын алып качып кетишкен.
Бул окуя боюнча Россиянын Санкт-Петербург шаарындагы ички иштер министрлигинин аймактык тергөө бөлүмү тарабынан, 162-берененин 2,3 бөлүмдөрүнүн негизинде кылмыш иши козголгон.
Тергөө иштери ыкчам жүргүзүлүп, кылмыштын изи сууй электе, 2020-жылдын 9-январында шектүүлөрдүн белгилери тастыкталып, кылмышкерлер кармалган.
Кылмышкерлер коңшу өлкөдөн келген бир тууган ага - инилер экени аныкталган. Жасаган кылмыш иш- аракеттери үчүн кармалышкан.
Азыркы учурда Кыргыз Республикасынын ИИМдин Россиядагы өкүлү Санкт-Петербург шаарынын, Ленинград облусундагы аймактык тергөө бөлүмү менен биргеликте жогорудагыдай кылмыштан жабыр тарткандарды иликтеп, шектүүлөрдүн аларга тиешеси бар же жок экендигин аныктап жатышат.
Санкт-Петербургда жашаган жабыр тарткан кыргыз жарандары ИИМдин Россиядагы өкүлүнө ыраазычылыктарын билдиришип ишине так, жоопкерчиликтүү мамиле кылаарын баса белгилешкен. Жабыр тарткандардын туугандары Россияда ИИМдин өкүлчүлүгү бар экенин билбегендерин бул окуядан кийин өкүлчүлүк өздөрү аларды таап кабарлашкандарын билдиришкен. Алардын гана жардамы менен кылмышкерлер табылып мыйзам чегинде жазаларын алгандарын айтышкан.
Жарандар чын дили менен ИИМдин өкүлчүлүгүнө ыраазычылыгын билдиришип, ыкчам аракеттерине, кесибине жоопкерчиликтүү мамиле кылышкандары үчүн эл тарабынан сыйга татыктуу экенин билдиришкен.

ИИМдин Басма Сөз кызматы

Read more...

ИИМ: Укук коргоо органдарынын кызматкерлери тарабынан Мамлекеттик бажы кызматынын кызматкери кармалды


Кыргыз Республикасынын ИИМдин Тергөө кызматы тарабынан кылмыштардын жана жоруктардын бирдиктүү реестерине катталган, Кыргыз Республикасынын Жазык кодексинин 320-беренесинин 2-бөлүгүндө каралган (Кызмат абалынан кыянаттык менен пайдалануу) жана тергелип жаткан сотко чейинки өндүрүштүн алкагында мамлекеттик бажы кызматтынын ички коопсуздук башкармалыгы менен биргеликте жалпы суммасы 253 500 АКШ долларын түзгөн жана Латвия өлкөсүнөн Кыргызстан аркылуу Афганистанга бара жаткан тамеки заттарын мамлекеттик бажы кызматы тарабынан уруксаатсыз бажы транзитине киргизүү фактысы аныкталган.
Айтылган факты боюнча 2020-жылдын 9-январында мамлекеттик бажы кызматынын кызматкери 1982- жылкы М.Б. аттуу кармалып, Кыргыз Республикасынын Жазык процессуалдык кодексинин 98- беренесине ылайык шектүү катары Бишкек ШИИББнин убактылуу кармоочу жайына киргизилди.
Кыргыз Республикасынын ИИМдин Тергөө кызматы тарабынан сотко чейинки өндүрүш уланууда.
ИИМдин Басма сөз кызматы

Read more...

Каракчылык кылып жүргөн чет өлкөлүк кылмыштуу топтун бети ачылды

Кошуна мамлекеттен эмгектик миграцияга келген жарандар жалданма жумуш издеген уста катары, колунда бар жарандардын үйлөрүнө байкоо жүргүзүшүп, иликтешип тактаган соң терс ойлорун ишке ашырып жүрүшкөн.
2019-жылдын 21-ноябрь күнү, түнкү саат 1лер чамасында Ош облусунун Өзгөн районуна караштуу Куршаб айылынын 48 жаштагы тургунунун үйүнө, белгисиз 4 бет капчан адамдар кол салган. Алар үйдүн ээсин жана аялын бычак менен коркутуп, жашы жете элек 4 баласын жип менен байлап, үйдөгү болгон алтындарды жана “Самсунг”, “Айфон” үлгүсүндөгү 5 уюлдук телефондорду, андан сырткары кылмышкерлер үй ээсине таандык “Хонда-СРВ” унаасын кошо айдап кетишкен.
Бул факты боюнча Кыргыз Республикасынын Жазык кодексинин 202-беренеси (каракчылык) менен сотко чейинки териштирүү иштери козголгон.
Изилдөө иштеринин жыйынтыгында Өзгөн районунун ички иштер бөлүмү жана Ош облусунун ИИБдин Криминалдык милиция кызматы тарбынан кылмыштуу топтун 1993-жылы туулган В.А. аттуу Өзбекстандык жаранын кармашкан. Издөө иштерин жүргүзүү учурунда бет кап, уюлдук телефон жана ошондой эле жабырлануучуга таандык унаа табылган.
Азыркы учурда бул кылмыштуу топтун башка дагы ушул сыяктуу кылмыштарга тиешеси бар-жоктугу аныкталып, калган мүчөлөрүн да колго түшүрүү чаралары жүрүп жатат.

Ош ИИМдин Басма сөз кызматы

Read more...

ИИМдин Аймактар аралык башкармалыгы салмак габаритти контролдоо пунктундагы мыйзамсыз чогултуу фактысын аныкташты


Кыргыз Республикасынын ИИМдин КМКнын Аймактар аралык башкармалыгынын кызматкерлери Жалал-Абад облусундагы "Кара-Куль" салмак габаритти контролдоо пунктундагы мыйзамсыз чогултуу фактысын аныкташты.
Жүк ташуучу автоунаалардын айдоочулары ички иштер органдарына кайрылышып, салмак габаритти контролдоо пунктундагы мыйзамсыз чогултуу фактылары жөнүндө билдиришип, жогорудагы факты боюнча тиешелүү чараларды көрүп берүүлөрүн суранышкан. Жогоруда аталган пунктун кызматкерлери жүк ташуучу автоунаанын айдоочуларынан акча каражатын талап кылып жаткандыгы белгиленген. Ош облусунун жашоочусу, чоң жүк ташуучу автоунаанын айдоочусунун арызында аталган пунктта акча каражатын чогултуу кадимки көрүнүшкө айлангандыгы көрсөтүлгөн.
Аталган факты КЖБРге катталып, ИИМдин Тергөө кызматы (Ош шаары) тарабынан Кыргыз Республикасынын Жазык кодексинин 238-беренеси (мамлекеттик кызматкердин мыйзамсыз сыйлык акы алуусу) боюнча сотко чейинки өндүрүш башталган.
Тергөөнүн тапшырмасынын негизинде Кыргыз Республикасынын ИИМдин КМКнын Аймактар аралык башкармалыгынын кызматкерлери тарабынан ыкчам-тергөө иш-чаралары жүргүзүлгөн.
2019-жылдын ноябрь айынын аягында укукбузууларды ачыктоо жана ага бөгөт коюу максатында ыкчам иш-чаралары жүргүзүлүп, натыйжасында 2000 сом өлчөмүндөгү акча каражатын алып жаткан жеринен Кыргыз Республикасынын Транспорт жана жол министрлигинин алдындагы Автомобиль, суу транспорту жана салмак габаритти контролдоо агенттигинин (Жалал-Абад облусу боюнча башкармалыгы) салмак габаритти контролдоо пунктунун тескөөчүсү кармалган.
Азыркы учурда сотко чейинки өндүрүштү ИИМдин Тергөө кызматы (Ош шаары) жүргүзүп жатат.
ИИМдин Басма сөз кызматы

Read more...

Галерея

Видеогалерея

videogallery

Биз менен байланыш

Дареги; 720040, Бишкек ш., Фрунзе көч. 469

ИИМдин Катчылыгы, тел: + 996 312 26 60 54

ИИМдин ишеним телефону: +996 312 26 60 27

ИИМдин кабылдамасы: +996 312 66 24 50

ИИМдин Басма-сөз кызматы:

0 (тел/факс), +996 312 26 62 54, 26 62 90

“Коопсуз шаар”  долбоорунун ишиндеги жана ЖКЭни бузуулар үчүн айып пул маселелери боюнча : 0312 53-03-48, 0312 53-03-89, 0312 53-03-76 
Соттолбогондугу жөнүндө тактаманы берүү маселелери боюнча: 0312 36-94-18 
КР ИИМдин КККнын курал колдонууга уруксат берген тактама маселелери боюнча: 0312 36-94-93 
КР ИИМдин ЖКККББнын тактама берүү маселелери боюнча: 0312 36-95-58 
Апостиль  берүү маселелери боюнча 0312 36-94-13