wrapper

Криминалдык хроникасы

Санкт-Петербургда кыргызстандыктын ден соолугуна атайылап оор зыян келтирип, өлүмгө алып келген фактыга шектүү кармалды


2019-жылдын 3-май күнү болжол менен саат экилер чамасында Россиянын ИИМдин Санкт-Петербург шаарынын Москва району боюнча башкармалыгынын 29 полициянын бөлүмүнүн нөөмөт бөлүгүнө Санкт-Петербург шаарынын Яковлевск көчөсүндөгү №6 үйдө 25 жаштардагы азият түспөлүндөгү эркек адамдын жансыз денеси жаткандыгын кабарлашкан. Каза болгон адам Кыргыз Республикасынын Ысык-Көл облусунун тургуну, 1989-жылы туулган С.Б. аттуу жаран болуп чыккан.
Ыкчам-тергөө иш-чараларын жүргүзүүнүн жүрүшүндө, тил келишпестиктин айынан чыккан чыр-чатактан белгисиз адам Кыргыз Республикасынын Ысык-Көл облусунун тургуну, 1989-жылы туулган С.Б. аттуу жарандын бет тарабына көптөгөн соккулардан улам алган жаракатынан каза болгондугу аныкталган.
2019-жылдын 3-май күнү аталган факты боюнча Россиянын Тергөө комитетинин Санк-Петербург шаары боюнча Башкы тергөө башкармалыгынын Москва району боюнча тергөө бөлүмү тарабынан Россия Федерациясынын Кылмыш-жаза кодексинин 111-беренесинин 4-бөлүмүндө (Адам өлүмүнө алып келген атайылап ден соолукка зыян келтирүү ) көрсөтүлгөн кылмыш белгилери менен кылмыш иши козголгон.
Жүргүзүлгөн комплекстүү ыкчам-иликтөө иш-чараларынын жүрүшүндө, ошол эле күнү кылмыштын изин суутпай жогорудагы кылмыш ишин жасоого шектелип Россия Федерациясынын  тургуну, 1992-жылды туулган М.М. аттуу жаран кармалган. М.М. аттуу жаран Санкт-Петербург шаарындагы убактылуу кармоочу жайга камалды. Россиянын ИИМдин Башкы маалыматтык-аналитикалык борборунун маалыматы боюнча М.М. аттуу жаран мурда кылмыш жоопкерчилигине тартылган.
Азыркы учурда, тиешелүү соттук-медициналык жана башка экспертизаларды жүргүзгөн соң гана С.Б. аттуунун туугандары тарабынан “Жүк-200” кичи мекенине жөнөтүү маселелери чечилип жатат.
ИИМдин Басма сөз кызматы

Read more...

ИИМдин КМКнын Аймактар аралык башкармалыгынын ыкчам кызматкерлери Баткен облусунан транспортторду көзөмөлдөө пунктунда мыйзамсыз акча чогултууларды аныкташты

 

Кыргыз Республикасынын ИИМдин КМКнын Аймактар аралык башкармалыгынын ыкчам кызматкерлери Кадамжай районунда Транспортторду көзөмөлдөө пунктунун биринде мыйзамсыз акча каражатын чогултуу фактысын аныкташты.
Жарандардан таразага тартуучу өтмөктөрдөн акча чогултуу жөнүндө, өтүү үчүн оор жүк ташуучу унаалардын айдоочуларынан опузалап акча каражатын талап кылуу жөнүндө фактылар бар экендигин айтышып, таразага тартуучу көзөмөлдөө пунктунун кызматкерлеринин мыйзам бузган иш-аракеттерин жоюу үчүн тиешелүү чараларды көрүп берүүлөрүн суранышкан. Келип түшкөн арыздын негизинде ИИМдин КМКнын Аймактар аралык башкармалыгынын ыкчам кызматкерлери тарабынан укук бузган фактыларды аныктоо жана ага бөгөт коюу максатында текшерүү иш-чараларын уюштурушкан.
Сотко чейинки иликтөөнүн алкагында ыкчам-тергөө иш-чараларын жүргүзүшүп, 26-апрель күнү Баткен облусунун Кадамжай районунан КМКнын Аймактар аралык башкармалыгынын кызматкерлери Кыргыз Республикасынын Транспорт жана жолдор министрлигинин транспортторду көзөмөлдөө пунктунун тескөөчүсү 1000 сом өлчөмүндөгү акча каражатын накталай алып жаткан жеринен кармашкан. ИИМдин Тергөө кызматы (Ош шаары) Кыргыз Республикасынын Жазык кодексинин 238-беренеси (мамлекеттик кызматкердин сый акыны мыйзамсыз алуусу) боюнча сотко чейинки иликтөөлөрүн жүргүзүп жатат.

ИИМдин Басма сөз кызматы

Read more...

Санкт-Петербургда Кыргыз Республикасынын ИИМдин РФдеги Өкүлчүлүгүнүн кийлигишүүсү менен өз мекендештеринен опузалап талап кылып, тоноп жүргөн кылмыштуу топтун активдүү мүчөлөрү кармалды

Санкт-Петербургдан Кыргыз Республикасынын ИИМдин Россия Федерациясындагы Өкүлчүлүгү жергиликтүү укук коргоо органдары менен биргеликте өз мекендештерин уурдап, зомбулук көрсөтүү менен опузалап талап кылып жүргөн Кыргызстандын жарандарынан түзүлгөн кылмыштуу топтун активдүү мүчөлөрүн кармашты.
Кыргыз Республикасынын ИИМдин Россия Федерациясындагы Өкүлчүлүгү узак убакыттын аралыгында Санкт-Петербург шаарынын жана Ленинград облусунун аймагында этникалык белгилер боюнча түзүлгөн уюшкан кылмыштуу топ тарабынан Кыргызстандын жарандарына карата укук бузган иш-аракеттер жасалып жаткандыгы, көп убакыттан бери физикалык күч колдонуп жана өлтүрөбүз деп коркутуу жолу менен акча каражаттарын мыйзамсыз чогултушуп, опузалап талап кылып, адамдарды уурдап, андан сырткары алар койгон талаптарды аткарышпаса туугандарын жазалай турушкандыгын айтышып, мыйзамсыз иш-аракеттер менен алектенип жүрүшкөндөр тууралуу ыкчам маалыматтар келип түшкөн. Ыкчам алынган маалымат боюнча этникалык кылмыштуу топтун мүчөлөрү Санкт-Петербург шаары менен Ленинград облусунун аймагында мыйзамдын негизинде эмгектенип жүрүшкөн мекендештерине карата укук бузган иш-аракеттерди жасап жүрүшкөн.
Ал эми жабырлануучулар, Россиянын укук коргоо органдарына кайрылышпагандыктан, кылмыш жасаган адамдар өз жазаларын албай, кайрадан Кыргызстандын жарандарына карата укук бузган иш-аракеттерди улантып келишкен.
Ар кандай булактардан жана биздин жарандардан алынган маалыматтардан кийин, ИИМдин Өкүлчүлүгү алынган маалыматтарды жеринен текшерүү үчүн Санкт-Петербург шаарына барган. Россиянын ИИМдин Санкт-Петербург шаары жана Ленинград облусу боюнча Башкы башкармалыгы менен Россиянын Тергөө комитетинин Санкт-Петербург шаары боюнча Башкы тергөө башкармалыгынын кызматкерлери менен биргеликте жогорудагы маалыматтар текшерилип, тастыкталган. Андан сырткары, Кыргыз Республикасынын ИИМдин Криминалдык милиция кызматынын Уюшкан кылмыштуулук менен күрөшүү башкармалыгы тарабынан дагы маалымат ыкчам тастыкталган. Кылмыштуу топтун катышуучулары тарабынан жабыр тарткандардын дагы өздүгү такталган.
Жогорудагы факты боюнча Россия Федерациясынын Кылмыш-жаза кодексинин 126-беренесинин 2-бөлүмүнүн “а”, “в”, “з” пунктарында көрсөтүлгөн кылмыш белгилери (Адам уурдоо, кылмыштуу оюн ишке ашыруу үчүн топ тарабынан болжолдуу сүйлөшүп алып, ден соолукка же өмүргө коркунуч жараткан зомбулукту колдонуу, же ушундай зомбулукту колдонобуз деген коркутуулар) боюнча кылмыш иши козголгон.
2019-жылдын 29-апрель күнү Кыргыз Республикасынын ИИМдин Россия Федерациясындагы Өкүлчүлүгү Россиянын ИИМдин Санкт-Петербург шаары жана Ленинград облусу боюнча Башкы башкармалыгын менен Россиянын Тергөө комитетинин Санкт-Петербург шаары боюнча Башкы тергөө башкармалыгынын кызматкерлери менен биргеликте Россиянын гвардиясынын жоокерлеринин катышуусу менен жүргүзүлгөн ыкчам-издө иш-чараларынын жүрүшүндө төмөнкүлөр кармалган:
1) Ош облусунун Кара-Суу районунун 1981-жылы туулган А.Ж. аттуу тургуну, маалымат боюнча Санкт-Петербург шаары жана Ленинград облусу боюнча “Смотрящий” болгон.
2) Ош облусунун Алай районунун 1987-жылы туулган Э.А. аттуу жогорудагы “Смотрящий” адамдын жакын кишиси болгон, криминалдык чөйрөнүн адамдарынын бири.
Кыргыз Республикасынын ИИМдин РФдеги Өкүлчүлүгүнүн маалыматы боюнча кармалган жарандар УКТнын биринин активдүү мүчөсү катары Кыргыз Республикасынын ИИМдин ыкчам каттоосунда турат. 2019-жылдын 30-апрель күнү соттун токтому менен кармалган жарандарга карата Санкт-Петербург шаарындагы тергөө абагына эки айга камакка алуу чарасы тандалды. Азыркы учурда Кыргыз Республикасынын ИИМдин Россия Федерациясындагы Өкүлчүлүгү Россиянын ИИМдин Санкт-Петербург шаары жана Ленинград облусу боюнча Башкы башкармалыгынын кылмыш иликтөө башкармалыгынын, Кыргыз Республикасынын ИИМдин КМКнын УККБнын кызматкерлери менен биргеликте аталган кылмыштуу топтун мүчөлөрүнүн колунан жабыр тарткандардын өздүгүн тактоо, андан сырткары ушул сыяктуу кылмыш иштерине тиешеси бар кылмыштуу топтун башка мүчөлөрүн аныктоо боюнча тиешелүү иш-чаралар жүрүп жатат.

ИИМдин Басма сөз кызматы

Read more...

Санкт-Петербургда Кыргыз Республикасынын ИИМдин РФдеги Өкүлчүлүгү жергиликтүү укук коргоо органдары менен биргеликте оор кылмыш ишин жасагандыгы үчүн издөөдө жүргөн Кыргызстандын жаранын кармашты

2019-жылдын 29-апрель күнү Кыргыз Республикасынын ИИМдин РФдеги Өкүлчүлүгү Россиянын ИИМдин Санкт-Петербург шаары жана Ленинград облусу боюнча Башкы башкармалыгынын кызматкерлери менен биргеликте Россия гвардиясынын жоокерлеринин катышуусу менен, Кыргыз Республикасынын ИИМдин КМКнын ыкчам кийлигүүшүсү аркылуу жүргүзүлгөн комплекстүү ыкчам-издөө иш-чараларынын жүрүшүндө 2007-жылы Кыргызстандын аймагында өзгөчө оор кылмыш ишин жасагандыгы үчүн мамлекеттер аралык издөөдө жүргөн жарандын кайда жүргөндүгүн аныкташып кармашты.
Ош облусунун Кара-Суу районунун 1992-жылы туулган А.Ш. аттуу тургуну Кыргыз Республикасынын Кылмыш-жаза кодексинин (эски кодекс) 97-беренесинин 2-бөлүмүнүн 2, 6, 14, 15-пунктарында (Өлтүрүү, болжолдуу сүйлөшүп алуу менен топтор тарабынан эки же андан көп адамдарга карата өзгөчө зөөкүрлүк менен жасоо), 164-беренесинин 3-бөлүмүнүн 3-пунктунда (Ири өлчөмдө жасалган уурулук) көрсөтүлгөн кылмыштарды жасоого айыпталып тергөөдөн качкандыгы үчүн издөдө жүргөн.
2007-жылдын июль айында жогоруда көрсөтүлгөн жаран мыйзамсыз баюу максатында шериктери менен болжолдуу сүйлөшүп алып, Кытай Эл Республикасынын жарандарынын 28 000 АКШ долларын ээлеп алышкан. Кылмыштуу топ Кытай Эл Республикасынын жарандарынын бирин ок атуучу курал менен өлтүрүшүп, кылмышты жабуу максатында жансыз денелерди Ош облусунун Кара-Суу районунда жайгашкан каналга ыргытышып, издерин жашырып кетишкен.
Бирдиктүү жүргүзүлгөн ыкчам-издөө иш-чараларынын жүрүшүндө издөөдө жүргөн А.Ш. аттуу жаран Санкт-Петербург шаарынын жана Ленинград облусунун аймагында Коомдук тамактануу чөйрөсүндө кызмат көрсөтүү менен алектенип жүрөт деген ыкчам маалымат келип түшкөн.
Андан сырткары, А.Ш. аттуу жаран 1990-жылы туулган Д.М. аттуунун атындагы паспорту менен жүргөн. Ал эми, Кыргыз Республикасынын ИИМдин Криминалдык милиция кызматы тарабынан аталган паспорт Кыргызстандын башка жаранына таандык экендиги тууралуу ыкчам тастыкталган малымат жөнөтүлгөн. Паспорттогу анкеталык маалыматтар өзгөртүлгөндүгүнө байланыштуу жараксыз болгон. 12 жыл аралыгында өзгөчө оор кылмыш ишин жасагындыгы үчүн издөөдө жүргөн А.Ш. аттуу жаран Россиянын аймагында жашап келип, башка поспортту көрсөтүп колдонуп жүргөн. Издөөгө сунуш бергендер маалымдалып, кармалган жаран Санкт-Петербургдагы Убактылуу кармоочу жайга камалды. Азыркы учурда Минск конвенциясына ылайык, өз өлкөсүнө экстрадициялоо маселеси каралып жатат.

Эскертебиз, өзгөчө зөөкүрлүк менен эки адамды өлтүрүү 2007-жылы жасалып, коомдук резонанс жараткан. 2007-жылы Кара-Суу районунда Савай айыл башкармалыгында киши колдуу болуп өлгөн азият түспөлүндөгү 40-45 жаштардагы аял кишинин жансыз денеси табылган. Териштирүүнүн жүрүшүндө, ал Кытай Эл Республикасынын жараны, Кара-Суу районунда убактылуу жашаган 1964-жылы туулган Ванг Бо болуп чыгып, ишкерлик менен алектенип жүргөн. 2007-жылы июлда Кара-Суу районундагы жолдо кылмышкерлер автоунааны токтотушкан. Автоунаанын ичинде Кытай Эл Республикасынын жараны Ванг Бо менен айдоочусу Вату Байер болгон. Кылмышкерлер аларды эл жок жерге алып барышып, 28 миң АКШ долларын талап кылышкан. Андан соң кылмыштын изин жашыруу максатында аларды өлтүрүп салышкан. Айдоочуну атып, ал эми аял кишини зөөкүрлүк менен сабашкан. Өлтүргөн адамдарынын жансыз денелерин Савай дарыясына ташташкан. Ички иштер органдары тарабынан жүргүзүлгөн тергөөнүн жүрүшүндө кылмыш ишине тиешеси барлар аныкталып кармалышкан. Алар: Ош облусунун жашоочусу 1973-жылы туулган Акыл Орозбеков, Өзбекстандын Жалалкудук районунун 1975-жылы туулган Бактыбек Юсаев, ал эми Кара-Суу районунун 1975-жылы туулган Эркин Сыдыков аттуу жашоочусу 2014-жылы кармалган. Бардыгы соттолгон. Ал эми акыркы шектүү А. Ш. аттуу жаран болсо мурда бир нече жолу соттолгон, издөөдө жүрүп Россия Федерациясынын аймагынан кармалды.


ИИМдин Басма сөз кызматы

 


Read more...

Галерея

Видеогалерея

videogallery

Биз менен байланыш

Дареги; 720040, Бишкек ш., Фрунзе көч. 469

ИИМдин Катчылыгы, тел: + 996 312 26 60 54

ИИМдин ишеним телефону: +996 312 26 60 27

ИИМдин кабылдамасы: +996 312 66 24 50

ИИМдин Басма-сөз кызматы:

0 (тел/факс), +996 312 26 62 54, 26 62 90

“Коопсуз шаар”  долбоорунун ишиндеги жана ЖКЭни бузуулар үчүн айып пул маселелери боюнча : 0312 53-03-48, 0312 53-03-89, 0312 53-03-76 
Соттолбогондугу жөнүндө тактаманы берүү маселелери боюнча: 0312 36-94-18 
КР ИИМдин КККнын курал колдонууга уруксат берген тактама маселелери боюнча: 0312 36-94-93 
КР ИИМдин ЖКККББнын тактама берүү маселелери боюнча: 0312 36-95-58 
Апостиль  берүү маселелери боюнча 0312 36-94-13