wrapper

Жаңылыктар

Сузакта өспүрүмдөр арасында кылмыштуулуктун алдын алуу иштери жүргүзүлүүдө


Сузак РИИБи тарабынан өспүрүмдөр арасындагы кылмыштуулуктун алдын алуу максатында бир топ профилактикалык иштер жүргүзүлүүдө. Милиция кызматкерлери жергиликтүү бийлик жана дин өкүлдөрү, мектеп мугалимдери менен тыгыз кызматташып, окуучулардын терс жолго түшүүсүн болтурбоо үчүн район аймагындагы ар бир айыл аймактарда чакан жыйындар өткөрүлүүдө. Бул жерде өспүрүмдөр аралашкан кылмыш жана кырсыктарга бөгөт коюу чаралары жана аны ишке ашыруу жолдору талкууланып жатат.
Мындан сырткары жашы жете элек өспүрүмдөр менен иштөө инспекциясынын кызматкерлери ата-энелерге балдарын көзөмөлгө алуу керектигин эскертишүүдө. Аралыктан окуусун текшерүү жана түнкү убакыттарда себепсиз көчөгө чыгарбоо зарылдыгын жеткиришүүдө.

Жалал-Абад ОИИБдин Басма сөз кызматы

Read more...

Баткен облусундагы ИИОнун кызматкерлери сыйланды


Бүгүн Баткен шаарында облус аймагындагы жер-жерлерде кызмат өтөп жаткан кызматкерлерге  ИИМнин медалдары жана кезектеги наамдары тапшырылды. Бул иш-чарага Баткен ОИИБнын өздүк курамы жана ИИМнин "Шумкар" атайын багыттагы полкунун Баткен облусундагы ротасынын күжүрмөн кызматкерлери, ошондой эле облус аймагындагы район шаардык ички иштер бөлүмүнүн сыйлана турган кызматкерлери катышты.
Баткен ОИИБнын начальниги, милициянын полковниги Акылбек Мамасейитов алгачкы 9 наам жана кезектеги 15 наам алган кызматкерлерге наамдарын, ал эми ички иштер органдарында көп жылдан бери үзүрлүү жана кынтыксыз, ошондой эле ак ниеттүүлүк менен кызмат өтөгөн 50 кызматкерге ИИМ тарабынан “Азамат”, “Кыргыз милициясына 95 жыл” медалдарын салтанаттуу тапшырды. “Ар бир татыктуу иштеген кызматкерлерге сыйлыктар өз учурунда тапшырылат. Ал эми биздин милдет – жарандардын коопсуздугун сактоо” деп кызматкерлерди алган сыйлыктары менен куттуктап кетти.
Ошондой эле Баткен ОИИБнын милициянын кайгуул күзөт кызматынын өзүнчө ротасынын бөлүмчө командири милициянын старшинасы Дыйканбаев Өмүр Кыргыз Республикасынын Премьер-министри Кубатбек Бороновдун Алкыш баракчасы менен сыйланды.
Баткен ОИИБнын Басма сөз кызматы

Read more...

Чүй облусунун ички иштер башкы башкармалыгы тарабынан Мамлекеттик тил күнүнө карата иш-чара өттү

Бүгүн, 2020-жылдын 24-сентябрында, Чүй облустук ички иштер башкы башкармалыгында Мамлекеттик тил күнүнө карата чакан иш-чара болуп өттү. Иш-чарага Кыргыз Республикасынын Ички иштер министрлигинин мамлекеттик тил боюнча өкүлү, милициянын полковниги Айбек Орозакунов, Чүй облустук ички иштер башкы башкармалыгынын башчысынын орун басары, милициянын полковниги Азамат Савыралиевдин жана С.Чокморова,  Данияр Чабалиев жана башка коноктор катышты.
Бул иш-чаранын ачылышы үчүн сөз Чүй ОИИББнын башчысынын орун басары, милициянын полковниги А.Савыралиевге берилди, ал баардыгын акыркы майрамы менен куттуктап, ошондой эле бардык чакырылгандарга убакыт бөлүп, ушул иш-чарага келип катышып кетишкендиктери үчүн ыраазычылык билдирип кетти. Ал азыркы күндө Чүй облусунун ички иштер органдары тарабынан мамлекеттик тилди өнүктүрүү жана аны ар тараптуу колдонуу боюнча бардык чаралар көрүлүп жаткандыгын белгилей кетти.
Бул иш-чаранын жүрүшүндө катышуучулар өз ойлору менен бөлүшүп, КРнын Ички иштер башкармалыгы үчүн жалпысынан мамлекеттик тилди чыңдоо боюнча өз сунуштарын беришти.
Кыргыз Республикасынын Ички иштер министрлигинин өкүлү, милициянын полковниги А.Орозакунов “Кыргыз тили” төш белгисин Кыргыз Республикасынын Президентине караштуу Мамлекеттик тил боюнча улуттук комиссиянын чечимине ылайык, Чүй облусунун Ички иштер башкы башкармалыгынын мамлекеттик тил боюнча инспектору, милициянын подполковниги О.Казабаевге, мамлекеттик тил жана тил саясатын өркүндөтүүгө кошкон зор салымы үчүн сыйлыкты тапшырды.
Иш-чаранын аягында биздин чакырылган коноктор майрамдын урматына чакан концерт уюштурушту.

Чүй облусунун Ички иштер башкы башкармалыгынын Басма сөз кызматы

Read more...

Жалал-Абад ОИИБдин милициясы мамлекеттик тил күнүнө ыр айтып, 1-класстын окуучулары менен жолугушту


Майлуу-Суу ШИИБдин кызматкерлери 23-сентябрь мамлекеттик тил күнүндө 1-класстын окуучулары менен жолугушту. Жаңыдан билим уясын аттаган келечек ээлерин кыргыз тилин сүйүүгө чакырышты. Мамлекеттик тилде эркин сүйлөө жана аны турмушта колдонуу ар бир кыргызстандык үчүн чоң сыймык экендиги белгиленип, эне тилдин келечеги үчүн кам көрүү зарылдыгы айтылды. Ошондой эле окуучуларга жолдо жүрүүнүн эрежелери үйрөтүлүп, сабакка барып-келүү учурунда сак болууга чакырышты.
Ал эми Ноокен райондук ички иштер бөлүмүнүн кызматкерлери мамлекеттик тил күнүнө карата ыр айтышты.

Жалал-Абад ОИИБдин Басма сөз кызматы

Read more...

Галерея

Видеогалерея

videogallery

Биз менен байланыш

Дареги; 720040, Бишкек ш., Фрунзе көч. 469

ИИМдин Катчылыгы, тел: + 996 312 26 60 54

ИИМдин ишеним телефону: +996 312 26 60 27

ИИМдин кабылдамасы: +996 312 66 24 50

ИИМдин Басма-сөз кызматы:

0 (тел/факс), +996 312 26 62 54, 26 62 90

“Коопсуз шаар”  долбоорунун ишиндеги жана ЖКЭни бузуулар үчүн айып пул маселелери боюнча : 0312 53-03-48, 0312 53-03-89, 0312 53-03-76 
Соттолбогондугу жөнүндө тактаманы берүү маселелери боюнча: 0312 36-94-18 
КР ИИМдин КККнын курал колдонууга уруксат берген тактама маселелери боюнча: 0312 36-94-93 
КР ИИМдин ЖКККББнын тактама берүү маселелери боюнча: 0312 36-95-58 
Апостиль  берүү маселелери боюнча 0312 36-94-13