Ош облусунда “Мал уурулук” рейдинин жүрүшүндө мал уурулук менен алектенген 25 жаран аныкталды.

2022-жылдын 10-февралынан тартып 13-февралына чейин Ош облусунун Ички иштер башкармалыгынын кылмыш иликтөө бөлүмүнүн кызматкерлери тарабынан Ош облусунун аймагында «Мал ууру»  аталыштагы комплекстүү ыкчам-издөө жана алдын алуу иш-чаралары жүргүзүлдү.
Аталган иш-чара мал уурулук фактылары боюнча жарандардын жамааттык кайрылууларынан Ош облусунун аймагында жайгашкан мал базарларды тактоо боюнча ыкчам-издөө топтору, аларга карата болгон ыкчам маалыматтарды тактап, мал базарлардын жанында уурдалган малды сатуу каналдарына бөгөт коюу максатында, мал базарлардын ишинин жүрүшүндө көчмө посттор уюштурулуп, мыйзамсыз мал союлган жерлерди аныктоо боюнча топтор иш жүргүздү.  
Облус аймагында жүргүзүлгөн иш-чаранын жүрүшүндө дайынсыз жоголгон 3 жаран аныкталган. Ошондой эле, Араван районунда уурулук боюнча издөөдө жүргөн 1 жаран жана Кара-Суу районунун Фурхат айылында уурулук менен алектенип жүргөн эки жарандар кармалган. 
Уурдалган малды сатуу мүмкүн болгон 60 жер, анын ичинде 10 мал базары, 10 мал союучу жай, эт азыктарын сатуучу 40 эт сатуучу жай, ошондой эле малдын терилерин сатып алуу жана кайра иштетүүчү жайлар текшерилип, мал уурулук менен алектенген 25 жаран аныкталган, анын ичинен: 10 жаран мурда мал уурдаганы үчүн соттолгон, 4 жашы жете элек өспүрүмдөр каттоодо турат жана башка ыкчам кызыкчылык туудурган 8 жаран маалым болгон.

Ош ОИИБдин Басма сөз кызматы